Хүүхдүүд ээ, та нар өмнөх цувралаас сайн найзууд хоорондоо муудалцсан тухай уншаад тэд эвлэрэх болов уу гэж сэтгэл зовнин хүлээж байсан нь лавтай. Тэгвэл сайхан сэтгэлтэй Цондоолой маань ухаалаг алхам хийж найз Уянгаагаа хэрхэн уучилсан тухай энэ дэвтрээс уншаарай.  

Цондоолой найзтайгаа эвлэрсэн нь 

Эрэг дээр үлдсэн Цүндээлэй нисэхийг мөрөөддөг Нархантай уулаар зугаалахдаа үнэхээр аз жаргалтай байх аж. Гэтэл юу болдог гэж та нар бодно, өхөөрдөм Нарханы санаанд багтамгүй мөрөөдөл биелэсэн гэвэл та нар итгэх үү? Харин Томми маань дотны найзаа танихгүй ишгэнд алдаж байна хэмээн бодож, ихэд гуниглана. Нээрээ хамгийн сонирхолтой нь манай Цүндээлэй нутгийн ишигнүүдэд өөрийнхөө ямар зоригтойг харуулах хэрэгтэй болно. Энэ бүхнээс гадна Цондоолой болон түүний найзууд өөр ямар сонирхолтой адал явдлуудтай учрахыг хүүхдүүд та нар уг цувралаас уншаарай.  

Цондоолойгийн хөгжилтэй аялал

Хотод төрж, өссөн хүүхдүүдийн хувьд зуныхаа амралтаар хөдөө байдаг эмээ, өвөөгийндөө очино гэдэг хамгийн сонирхолтой адал явдлуудын нэг байдаг. Амьд байгаль дунд амьдардаг, хөдөөний хүмүүс өвөг дээдсийнхээ уламжлал, зан заншлыг хэрхэн хадгалж ирсэн болон малын дэргэд өссөн хүүхдүүдийн эр зоригийг харуулсан эгэл жирийн өдрүүдтэй нүүр учирхад өөрийгөө зүүдэлж байна уу гэлтэй санагддаг. Хотын охин Цондоолой болон өхөөрдөм бяцхан ишгэнд тохиолдсон адал явдлууд, хөөр хөгжөөнтэй нэг жилийн паян, түүний шинэ найзуудын сайхан сэтгэл, үл ойлголцол хэрхэн өрнөж, хэрхэн тайлагдахыг хүүхдүүд та нар 'Цондоолой, Цүндээлэй хоёр' цуврал зурагт номноос шимтэн уншаарай.  

Цондоолой Цүндээлэй хоёр

Энэ удаагийн цувралд Цондоолой охины гэр бүлтэйгээ хийсэн аяллын сонирхолтой адал явдлууд гарна. Тэд аялсаар эмээ, өвөөгийндөө ирнэ. Цүндээлэй маань Алагдай, Тугалхан гээд шинэ найзуудтай болдог ч тэдний дүрсгүй явдлууд бөөн асуудал үүсгэнэ. Хамгийн хурдан хүлэг болохыг мөрөөдөгч Алагдай болон наадамд түрүүлэхийг мөрөөддөг Манлай нарт ямар ямар саад бэрхшээл тулгардаг тухай уншигч хүүхдүүд та бүхэн энэ цувралаас уншаарай.  

Цүндээлэй нутагтаа буцаж ирсэн нь

Хайртай ишгээ алдсан Цондоолой охин өөр нэгэн ертөнцтэй танилцаж, цоо шинэ адал явдал руу хөтлөгдөн орж байна. Өмөөрч, хамгаалах том хүнгүй, өнчин үлдсэн хүүхдүүдийг хараад Цондоолой нэгэн чухал зүйлийг ойлгож ухаарна. Энэ үеэр харин бяцхан Цүндээлэй, зоригт Сэлмэн хоёрын аялал үргэлжилсээр байх ба тэдний замд олон сонин хачин явдал тохиох ажээ. Тиймээс найзууд аа, Цондоолойгийн шинэ танилууд чухам ямар авьяастай хэн болох бас Нархантай уулзахаар алсыг зорьсон Цүндээлэйг Хөвсгөлд ямар хачирхалтай адал явдлууд хүлээж байгааг та нар шинэ цувралаасаа шимтэн уншаарай.  

Цондоолойгийн шинэ танилууд

Цондоолой, Цүндээлэйгийн шинэ адал явдлаар дүүрэн цувралыг та бүхэндээ өргөн барьж байна. Энэ удаагийн дугаарт Цондоолой болон түүний найзууд Анхаа гэдэг шинэ найзтай болдог тухай гарна. Анхаагийн аав энэ нутагт алтны уурхай ажиллуулдаг бөгөөд нэр алдарт хүрэхийн тулд шударга бус арга хэрэглэж тэр нь бүх хүнд баригддаг. Мөн Алагдайн өвчтэй хөлийг хэн эмчилдэг гэж та нар бодно. Тэр бол эмч биш. Мөн ямар нэгэн ид шидтэн ч биш. Энэ хачирхалтай асуултын хариуг Цүндээлэй ба түүний найзууд цэцэгт талыг хэрхэн аварсан тухай өгүүлэх шинэ дэвтрээс багачууд та нар минь уншиж мэдээрэй.  

Цүндээлэй цэцэгт талыг аварсан нь

Хүний хэл ойлгодог, хөгжилтэй хөөрхөн ишигтэй найзлана гэдэг үнэхээр азтай хэрэг шүү! Цовоо сэргэлэн Цондоолой, цүндгэр хөөрхөн Цүндээлэй хоёрын адал явдал цааш улам сонирхолтой өрнөсөөр тэд хамтдаа ахин шинэ жилийг угтах болно. Тоглоомын талбайг нураах гэсэн томоогүй муу ах нарын буруу үйлдлийг зоригт найзууд хамтдаа зогсоож чадна. Үзэсгэлэнт Эммад Цүндээлэй таалагдаж мөн Бачка хөвгүүний зурсан зураг Муска мууртайгаа дахин уулзахад нь тусалдаг гээд санаанд оромгүй хөгжилтэй түүх цааш үргэлжилнэ. Хайр татам зурж, бичсэн, салахын аргагүй сонирхолтой 'Цондоолойгийн зоригт найзууд' номоо амтархан уншаарай!  

Цондоолойгийн зоригт найзууд

Хүүхдүүд ээ, Цондоолой, Цүндээлэйгийнхээ шинэхэн цувралыг та нартаа өргөн барьж байна. Энэ удаад сэргэлэн охин Цондоолой маань нөхдийнхөө хамт, хайртай ишигнийхээ эрэлд гарна. Тэрээр сайхан сэтгэлт эмгэн, цагдаагийн ахмадын тусламжтайгаар Цүндээлэйгээ олдог бөгөөд харгис эзний гараас аврагдсан өхөөрдөм ишиг маань эргээд цэнхэр өнгөтэй болдог. Энэхүү баярт мөчийн дараагаар Цондоолойтой тулгарах шинэ үйл явдал хэрхэн өрнөхийг бяцхан дүү нар минь энэ дэвтрээс уншаарай!  

Цондоолой Цүндээлэйгээ олсон нь

Энэ удаад Цондоолой, Цүндээлэй хоёр цагаан сарын баяраа тэмдэглэж битүүртлээ идэхээс эхлээд чарга хөлөглөн наадаж, мөсөн дээр тэшүүрээр гулгаж сурах аж. Хавар болж мал төллөх цагаар Цондоолой охин эмээ, өвөөдөө туслан дөнгөж төрсөн жаахан хурга, ишгийг хэрхэн асарч, өсгөхөд суралцана. Нээрээ Цондоолойгийн аав, ээж нэг жилийн дараа ирнэ гээд Солонгос улс руу ажлаар явсан шүү дээ. Харин Цондоолойгийн хувьд энэ нэг жил нүд ирмэх зуурт өнгөрчээ. Энэ бүхний тухай хүүхдүүд та нар шинэ цувралаасаа шимтэн уншаарай.  

Цүндээлэйгийн урилгагүй зочин

Удтал хүлээлгэсэн Цондоолой, Цүндээлэйгийн 21 дэх аялал та нарын гар дээр очиж байна. Цүндээлэй, Нархантай ч Цондоолойтой ч хамт байх хүсэл мөрөөдөлдөө хүрч чадлаа. Хайртай ишиг Цүндээлэйгээ олсноор Цондоолойгийн гэр бүл дахин баяр хөөрөөр дүүрнэ. Цүндээлэй хөдөөнөөс ирэхдээ Цондоолойд маш хэрэгтэй нэгэн бэлэгтэй ирдэг. Энэ нь ямар ид шидтэй бэлэг байдаг тухай мөн Цондоолой найзуудтайгаа хэрхэн нисэж үздэг тухай уг цувралаас уншаарай.  

Цондоолой зорьсондоо хүрсэн нь 

Цондоолой, Цүндээлэй хоёрын цоо шинэ адал явдлын түүх эхэллээ. Олны танил Цондоолой маань гэртээ ирээд удаагүй байтал Цүндээлэй дахиад л алга болчихов. Ганцаараа хол явж үзээгүй Цүндээлэйд энэ бүхэн гэнэтийн аюул мэт санагдах нь мэдээж. Санаандгүй гэмээр энэ явдал Цүндээлэйд Нархантай уулзахаар явах аялалын эхлэл болдог нь үнэхээр сонин юм шүү. Нэг ч хүнгүй эзгүй хээр тал, өтгөн шигүү ойд хотын ишиг ганцаараа аялж чадах болов уу? Энэ бүхэн цааш хэрхэн үргэлжилж ямар шинэ содон, гайхалтай зүйлстэй учрахыг та нар шинэ цувралаасаа уншаарай.  

Цүндээлэй Нархантай уулзахаар явсан нь

Хүүхдүүд ээ, та нарын бяцхан найз Цүндээлэйг хатуу сэтгэлт амьтан наймаалагч танигдахгүй болгон өөрчлөх болно. Цондоолой хайртай ишгээ санан маш их зовдог. Харин шинэ найз Тоодий нь бяцхан Цүндээлэйг аврах мэргэн санаа олжээ. Хоёр найз харгис эзнийхээс хэрхэн зугтаж, зовлон бэрхшээлийг туулдаг тухай энэхүү цувралд өгүүлнэ.  

Цүндээлэй бор ишиг болсон нь

Найзууд аа, бидний шинэхэн найз Анхаа маань харшил гэдэг муухай өвчнөөсөө салж, бүрэн эдгэрлээ. Сайхан мэдээ байгаа биз. Мөн Манлай маань компьютер тоглоомонд хэтэрхий их автсанаас болж нүд нь өвдөөд балрах дөхдөг бол Цондоолойгийн гэр бүлийн аялал Хөвсгөлийн үзэсгэлэнт газруудаар үргэлжилнэ. Ингэхэд найз аа, чи бид Хөвсгөл нуураа яагаад хайрлан хамгаалах ёстойг мэдэх үү? Хэрэв мэдэж амжаагүй яваа бол шинэ цувралаа уншиж учрыг нь заавал олж мэдээрэй! Харин Цүндээлэй маань Нархан хэмээх нисэхийг мөрөөддөг, хөөрхөн ишигтэй учирдаг. Энэ мэтчилэн олон сонирхолтой, сургамжтай зүйлсийг хүүхдүүд та нар уг дэвтрээс уншаарай.  

Цүндээлэйгийн шинэ найз

Хүүхдүүд ээ, та нар Ану, Цондоолой хоёр найзууд болсон гэдэгт итгэх үү? Тийм ээ, сайхан сэтгэлт Цондоолой маань одоо Анугийн сайн найз болсон. Гэвч удалгүй намар болж Цондоолой, Цүндээлэй хоёр хадлангийн үеэр мөн л хөгтэй явдлуудтай учирна. Эмээ, өвөөгийн хайртай охин Цондоолой маань сэргэлэн, ухаалаг болохоор аймшигт чононоос хонинуудаа яаж хамгаалсныг сонсвол та нар лав гайхна даа. Нүүдэлчин малчдын гэрээ хурааж, барих үйл хийгээд Мөнхөө Цондоолой хоёр хонин сүрэгтэйгээ цасан шуурганд төөрөөд хэрхэн эсэн мэнд харьдаг тухай хүүхдүүд та нар энэ цувралаас уншаарай.  

Цондоолойд тохиолдсон хөгтэй явдлууд

Хэрсүү охин Цондоолой маань шинэ танилуудтайгаа аль хэдийнээ найзууд болжээ. Тэдний мөрөөдөл өөр ч гэлээ бяцхан найзуудын авьяас чадвар бие биеэндээ маш хэрэгтэй ажээ. Харин гэрээ санасан Цүндээлэй хот руугаа буцах гээд бөөн баяр болж байгаа нь мэдээж. Мөн Нарханыг хот руу явах болсныг нутгийн олон найзууд нь хэрхэн хүлээн авах бол? Юутай ч манай Цондоолой, Цүндээлэй хоёрт эргэн уулзах боломж нээгдсээр байгаад хүүхдүүд та нар баяртай байгаа биз дээ. Ингээд бяцхан найзуудад маань тохиолдсон шинэ адал явдлуудыг багачууд та нар минь энэ цувралаас уншаарай.  

Цүндээлэй Нарханы хамт хотод ирсэн нь 

Энэ удаагийн цувралд бяцхан Цондоолой хайртай ишиг Цүндээлэйгээ хотод дагуулан ирснээр тэдний хөгжилтэй адал явдал цааш өрнөнө. Хөдөө өсч торнисон жаахан ишгэнд хотын амьдрал гайхалтай сонин санагдана. Зоригт Томми бяцхан Цүндээлэйг Муска муурнаас хамгаалж, сэргэлэн Цондоолой сургуулийн сурагч болж хичээлдээ шамдсаар... Гурван найзын цоо шинэ түүх, сонирхолтой адал явдлын ертөнцөөр бүгдээрээ хамтдаа аялцгаая!  

Хотын хөөрхөн Цүндээлэй

Аавтайгаа анх удаа Бээжин хотоор аялах бяцхан Цондоолойд үзэж харах, гайхаж бишрэх зүйл олон байгаа. Тэрээр хүүхэд бүрийн очих дуртай Дэлхийн парк, амьтны хүрээлэн гээд олон сонирхолтой газруудаар аялж Хятад улсын бахархал болсон түүхэн дурсгалт газруудтай танилцана. Гэтэл Цондоолой, Цүндээлэй маань үй түмэн хүн бужигнасан амьтны хүрээлэнд гэрийнхнээсээ салж төөрнө. Хэл мэдэхгүй гадаад хүмүүсийн дунд яах ч учраа олохгүй явсан хоёр найз санаандгүй монгол хүмүүстэй таарна. Сайн санаат хүмүүс Цондоолойг аавтай нь уулзуулахаар барахгүй бүр кинонд тоглуулахаар болно. Энэ бүхэн хэрхэн өрнөхийг хүүхдүүд та нар “Цондоолой Цүндээлэй хоёр кинонд тоглосон нь” цувралаас уншаарай.  

Цондоолой Цүндээлэй хоёр кинонд тоглосон нь

Тусархаг Цүндээлэй маань энэ удаа хэнтэй найзууд болдог гэж та нар бодно. Өнөө дээрэлхүү нутгийн ишигнүүд чинь манай Цүндээлэйг хүндэлдэг болсон гэвэл чи итгэх үү. Мөн эр зориг, авхаалж самбаа гарган ирвэсийн амнаас хэрхэн мултарч чадсан гээд хөгжилтэй Цүндээлэйгийн олон сонирхолтой адал явдал энэ цувралд гарна. Хөөрхөн ишиг нь олдохгүй байгаа ч Цондоолой охин гуниглаад суусангүй. Бяцхан шинэ танилдаа тэр мөрөөдлөө биелүүлэхэд нь туслаад тун завгүй болжээ. Ухаалаг охин Цондоолой бусдын мөрөөдөлд ямар чухал тус хүргэж буйг мөн алс хөдөөд очсон Цүндээлэй ямар авьяаслаг шинэ найзтай болсон тухай та нар энэ цувралаас уншаарай.  

Цүндээлэй аваргыг аварсан нь 

Хүүхэд багачуудын маань хайртай баатар Цүндээлэй өөдгүй муу дээрэмчдийн гарт орж, шаналан зовно. Тэрээр хайртай эзэн Цондоолойтойгоо уулзахыг мөрөөдөх боловч энэ удаад тун хэцүү байдалд оржээ. Хөөрхий ишгээ алдсан Цондоолой, Цүндээлэйгээ эцэж цуцалтгүй эрж хайх боловч эрэлийн үзүүр дэндүү хол аж. Санаа муутай өөдгүй дээрэмчдийн ухаангүй үйлдэл энхрий бяцхан амьтны хувь заяаг хааш нь эргүүлэх бол?  

Цүндээлэй хулгайд алдагдсан нь

Энэ удаагийн цувралд Цондоолой охин өхөөрдөм жаахан дүүтэй болж, гэрийнхэнд нь маш их баяр хөөрийг авчирна. Гэвч түүний аав, ээж бяцхан дүүд нь анхаараад өөртэй нь хамт байх цагаа багасгах болно. Мөн тэр ангийн найз Энхээтэй нэрийг нь холбож бичээд байдаг хүүхэд хэн болохыг олж мэддэг. Цондоолой маань ямар хөөрхөн дүүтэй болсон тухай болоод Томми, Цүндээлэй хоёр салхинд гарахдаа ямар хөгжилтэй байсныг хүүхдүүд та нар шинэ цувралаасаа сонирхон уншаарай.  

Цондоолой дүүтэй болсон нь

Кинонд тоглож амжилтанд хүрсэн Цондоолой охин хэрхэн өөрчлөгддөг тухай хачирхалтай явдлууд энэ цувралд гарна. Мөн олны танил болсон Цүндээлэйг маань ямар шинэ ертөнц угтахыг та нар төсөөлж байна уу? Замд тааралдсан хүүхэд бүр Цүндээлэйг өхөөрдөн дуудаж харин Цондоолойг харсан жаалууд түүнтэй мэндэлж, гарын үсгийг нь авдаг болно. Гэтэл хэзээ ч гунигладаггүй Цүндээлэй маань хэн нэгнийг маш ихээр санан зүүдлэнэ. Мэдээж энэ бол нисэхийг мөрөөддөг Нархан байна. Нархантай уулзах гэсэн Цүндээлэйгийн хүсэл биелэх болов уу? Энэ мэтчилэн олон сонирхолтой явдлын тухай та нар энэхүү цувралаас уншаарай.  