“Хамгийн шилдэг үлгэрүүд” цувралд амьд байгалийн нууцад нэвтрэн орж, гоо сайхныг нь магтан дуулдаг оросын авьяаслаг зохиолч М.Пришвиний шилдэг өгүүллэгүүд багтсан. Бяцхан уншигчид маань энэ номоос “Мөнхийн гутал”, “Цэнхэр долон маахайт”, “Итгэл эвдсэн хиам” зэрэг олон сонирхолтой өгүүллэгүүдийг унших болно. Пришвиний зохиолууд нь хурц тод дүрслэл, энгийн ард олны амьдралын тухай гүн гүнзгий мэдлэг, үнэн бодит үг хэллэгээрээ бусдаас онцгойрон ялгардаг билээ.

Байгалийн тухай өгүүллэгүүд

Жангар хүүхдийн номын редакцаас хүүхэд багачууд та бүхэндээ Германы алдарт зохиолч ах дүү Гримм (Жакоб Гримм, Вилгельм Гримм)-ийн “Ойн гурван бяцхан эр”, ”Чоно ба долоон ишиг”, “Эрхийн чинээ хүү”,“Улаан малгайт”, “Хэнзель, Гретель хоёр”, “Гаргүй охин”, “Бремений хөгжимчид”, “Аз жаргалд умбасан Ханс хүү” хэмээх үлгэрүүдийг толилуулж байна. Эдгээр үлгэрүүд нь одоо ч хүн төрөлхтний хамгийн сонсох, унших дуртай үлгэрүүд хэвээр байгаа билээ.

Ах дүү Гриммийн үлгэрүүд

'Эрэлхэг тугалган цэрэг', 'Хааны шинэ хувцас', 'Нугасны муухай дэгдээхий' зэрэг олон гайхамшигт үлгэрээрээ дэлхий дахины бяцхан уншигчдын хэзээний танил болсон нэрт зохиолч, яруу найрагч Х.К.Андерсений үлгэрүүдийг Жангар хүүхдийн номын редакцаас монгол хэлнээ орчуулан уншигч хүүхдүүддээ 'Дэлхийн шилдэг үлгэрүүд' цувралын хүрээнд эрхлэн гаргаж байна. Түүний үлгэрүүд гайхамшигтай уран сэтгэмж, яруу дүрслэлтэй бөгөөд бодит амьдралын үнэн тусгал болж чадсан тул хичнээн уншсан ч уйдахын аргагүй байдаг билээ. Энэ номонд Шидэт хэт, Гахай маллагч, Хааны шинэ хувцас, Эмзэгхэн гүнжийн үлгэр, Шүдэнз зардаг охин зэрэг нийт 8 үлгэр багтсан байна.

Ханс Кристиан Андерсений үлгэрүүд

Монгол ардын үлгэр нь уран яруу хэллэг, хурц тод дүрслэлээрээ бусад орны үлгэрүүдээс ялгарахаас гадна хүүхдийн хийсвэрлэн бодох сэтгэлгээг хөгжүүлж, тэдний сэтгэл зүйг зөв төлөвшихөд ихээхэн үүрэг гүйцэтгэдэг. Монсудар хэвлэлийн газар, Жангар хүүхдийн номын редакц та бүхэндээ 'Монгол ардын шилдэг үлгэрүүд'-ээ хүргэж байна. Бидний аав ээж, эмээ өвөө бүгд эдгээр үлгэрүүдийг сонсож, үр ачдаа ярьж өгсөөр өнөөг хүрсэн байдаг. Үлгэр сонсох дуртай хүүхэд номонд хайртай болдог бөгөөд ном уншдаг хүүхэд хүнийг хайрлах, өрөвдөх, нинжин сэтгэлтэй болж өсдөг билээ.  

Монгол ардын шилдэг үлгэрүүд

Жангар хүүхдийн номын редакц 'Дэлхийн шилдэг үлгэрүүд' цувралын хүрээнд 'Маршакийн үлгэрүүд'-ийг эх хэлнээс нь орчуулан, зураг дизайныг нь бүрэн шинэчлэн уншигч хүүхдүүддээ өргөн барьж байна. Түүний үлгэрүүдийг олон үндэстний үе үеийн хүүхэд багачууд амтархан уншдаг билээ. Энэ номонд Муурын байшин, Борогчин тахиа ба нугасны арван дэгдээхий, Арван хоёр сар, Тэнэг бяцхан хулганы үлгэр, Бяцхан цамхаг гэсэн нийт 5 үлгэр багтсан байна.