Цэнхэр цонхны халхавчтай нэгэн гэрт алтан шаргал үстэй хөөрхөн охин амьдардаг байжээ. Түүний нэрийг Өхөөрдөм гэдэг байжээ. Том алаг нүд, жижигхэн хамар, сэвхтэй нүүртэй Өхөөрдөм охин гэрийнхээ баяр баясгалан нь байв. Өхөөрдөм охин үсээ дандаа хоёр хувааж самнаад нэгийг нь дээр, нөгөөг нь доор боодог байлаа. Энэ байдал түүнийг улам бүр хөөрхөн харагдуулдаг байв. Өхөөрдөм охин мөрөөдөх их дуртай байжээ. Орой болгон унтлагынхаа хувцсаа өмсөн орондоо ороод мөрөөдөж эхэлдэг байжээ. Тэр нүдээ аниад, мөрөөдлийн оронд очдог байв. Зарим шөнө мөрөөдлийн орны амьтадтай тоглодог байлаа. Өхөөрдөм охин мөрөөдлийн орноор аялахдаа галт тэргэнд суудаг байжээ. Хамгийн урд талд нь өөрөө суугаад, ардаа амьтдыг суулгадаг байв. Тэд хөгжилтэй аялдаг байлаа...  

Эрс тэсийн орон

Хүүхдийг төсөөллийн сонирхолтой ертөнцөөр аялуулж, тэдэнд олон ойлголт, ухагдахуун, шинж чанарыг хөгжилтэй байдлаар зааж сургах үлгэр. ...Сургуулийн нэгэн ангид матемтикийн хичээл орж байлаа. Багш самбарын урд зогсоод хичээл зааж, сурагчид түүнийг анхааралтай сонсож байжээ. Багш: -Хүүхдүүдээ, өнөөдөр би та нарт геометрийн дүрсүүдийг зааж өгөх болно, гэжээ. Аяшэ толгойгоо маажаад, багш руугаа гайхан харлаа. Дүрс гэж юу болохыг мэдэхгүй учраас юу ч ойлгохгүй дэмий л харж суув. Багш нь дүрсүүдийг эхнээс нь нэрлэж квадрат, тойрог, гурвалжин, дөрвөлжин гэхэд Аяшэгийн уур хүрэх шиг болов. Дүрсүүдийг нэг нэгэнтэй нь хольж хутгаад болохгүй болохоор нь нүдээ аниад төсөөлж эхэлжээ. Нүдээ нээгээд хартал түүний өмнө маш том асар байжээ. Аяшэ, гурвалжин гээд байгаа дүрс нь энэ л байна даа гэж бодов. Хүүхдүүдийг даган гурвалжин асар дотор орлоо. Асар дотор цирк байжээ. Аяшэ баярлан хөөрч: -Тэр унадаг дугуйг хараач, сармагчин дугуй унаж байна, бидэн рүү хараад гараа даллаж байна гэж хашгирав. Тэр арслангийн гарч байгаа дугуй цагирагийг хараад багшийн тойрог гэж хэлээд байсан зүйл энэ байна шүү дээ гэв...  

Шинж чанаруудын тухай үлгэр