Энэ өдөр их сайхан байлаа. Сэвги охин өдрийг сайхан өнгөрөөсөн ч гэсэн их ядарчээ. Унтлагын хувцсаа өмслөө. Аав, ээждээ 'Сайхан нойрсоорой' гэж хэлчихээд орондоо орлоо. Тэгээд тэр өдөр юу хийсэн тухайгаа бодож эхлэв. Ойд болсон явдлын тухай зүүдээ санаж гэнэ. Зүүдэндээ харсан шар шувуу, сарьсан багваахай, үнэг, хамелеон, эрээн тахийг санаандаа төсөөлөн бодож эхэллээ. Эдгээр найзуудтайгаа зүүдэндээ дахин уулзахыг хүсээд унтжээ. Сэвгигийн хүсэл биелжээ. Зүүдэндээ дахиад л төсөөллийн ойдоо иржээ. Үнэг, эрээн тахь хоёр түүнийг тосч авлаа. Тэд гартаа Сэвгигийн бэлэглэсэн зургуудыг барьсан байлаа. Дахин уулзсандаа маш их баярлажээ. Ойн дундуур баяртай алхаж эхэллээ. Сэвги хөлөн доор нь нэг юм хөдлөхийг анзаарчээ. Цочин арагшаа ухарлаа...  

Эрхтнүүд

Сэрхатын ээж түүнд зургийн дэвтэр авч өгчээ. Сэрхат хүү баярлан зураг зурж эхэллээ. Зургийн дэвтэртээ эхлээд эрвээхий зуржээ. Эрвээхийгээ ямар өнгөөр будахаа төсөөлөн бодож эхлэв. Төсөөллийн эрвээхий эхлээд өнгө өнгөөр алагласан сайхан далавчтай болж байснаа томорч эхлэв. Томорсоор томорсоор нисч эхлэв. Сэрхат хүүг дээрээ суулган мөрөөдлийн ойг чиглэн нисэв. Эрвээхий мөрөөдлийн ойд хүрээд зөөлхөн газардав. Мөрөөдлийн ойд Сэрхат хүүг буулгаад нисэн оджээ. Сэрхат эргэн тойрноо анхааралтай ажиглаж эхэллээ. Гэнэт нэг имж дүүлсээр гараад ирэв. Имжний уутнаас нэг толгой цухуйж байгааг харсан Сэрхат хүү маш их гайхжээ...  

Би өөрийгөө таньж байна