&nbsp;“Сапиенс: Хүн төрөлхтний товч түүх” номоороо дэлхийн олон мянган уншигчдад илүү сонирхолтой ойлгомжтойгоор түүхийг сонирхон судлах урам зориг өгсөн Иерусалемын Хебрю их сургуулийн профессор түүхч, зохиолч Юваль Ной Хараригийн залуу уншигчдад зориулсан цоо шинэ номыг хүлээн авна уу.Хүн төрөлхтөн бид дийлдэшгүй. Юу ч биднийг зогсоож чадахгүй юм шиг санагддаг. Саад бэрхшээл тулгарлаа гэхэд бид түүнийг даван туулах арга зам олдог. Арслантай таарвал бид зэвсэг хийчихнэ. Өргөн уудам далай тэнгист тулж зам мухардвал, завь барьчихна. Дэлхий давчуу санагдвал сансрын хөлөг бүтээчихнэ.Мөн түүнчлэн бид ч өөрөө өөрсдийгөө зогсоож чадахгүй байх шиг. Юу ч биднийг удаан хугацаанд хангалуун байлгаж чадахгүй. Юунд ч хүрсэн бай, бид илүү ихийг хүсдэг, хаана ч очсон бай&nbsp;бид амар амгаланг олж чаддаггүй.Африкийн халуун талаас, Грийнландын мөсөн таг хүртэл хүн төрөлхтөн Дэлхийг захирдаг. Харин бид яаж ийм хүчирхэг болсон юм бол? Бидэнд байдаг супер хүч, мөн тэрхүү хүчээ ашиглан сүнс, сахиуснаас эхлээд засгийн газар, корпорац гэх хачирхалтай нууцлаг зүйлсийг бий болгосон тухай Дийлдэшгүй хүн төрөлхтөн номд өгүүлэх болно....Шинжлэх ухааны гайхалтай тал нь бүхий л цаг үед шинэ зүйл олж мэдэх юм. Жил бүр эрдэмтэд дэлхийн тухай бидний ойлголтыг өөрчлөх шинэ нээлт хийдэг билээ. Уг номоо бид хамгийн сүүлийн үеийн шинжлэх ухааны мэдлэгт суурилан бүтээхийг хичээлээ... гэвч эрдэмтэд хүртэл зарим нэг зүйл дээр санал зөрөлдөх нь бий. Угаас, хүн төрөлхтний түүхэнд нууц хэвээр үлдэх хэсгүүд цөөнгүй. Хүлээгээрэй! Энэ нь бүх зүйл маргаантай гэсэн үг биш ээ. Манай гараг дээр олон төрөл зүйл хүмүүс амьдарч байсныг бид баттай хэлж чадна. Үлдсэн цор ганц төрөл зүйл буюу бидний төрөл ургамал амьтдыг захирч, хот хаант улс байгуулан, сансрын хөлөг, атомын бөмбөг, компьютер зохион бүтээж сурсан гэдгийг ч сайн мэднэ. Эдгээр хувьслууд одоогийн чиний амьдарч буй ертөнцийг бүтээжээ. Хожмын нэг өдөр дэлхийн тухай ойлголтыг өөрчлөх ямар нэг зүйл олж нээж магадгүй шүү дээ...

Бид дэлхийг хэрхэн эрхшээсэн тухай

Дийлдэшгүй хүн төрөлхтөн

Ихэнх түүхийн номд хаан, хатан, генералууд гардаг. Гэхдээ тэд хаанаас ирсэн юм бэ? Чи хэзээ нэгэн цагт яагаад зарим хүн орд харшид амьдарч бусдыг захирч байхад зарим нь харшийг нь цэвэрлэж, үүрэг даалгавар биелүүлдэг юм бэ гэж бодож байсан уу?Тэгвэл Дэлхийн нэрт түүхч, философич, зохиолч Юваль Ной Хараригийн залуу уншигчдад зориулсан “Дийлдэшгүй хүн төрөлхтөн” цувралын хоёр дахь ботиос энэ асуултын хариултыг олоорой. Мөн анчин, түүвэрлэгч байсан бидний өвөг дээдэс яаж тосгоны тариаланч болсон тухай, яагаад хаант улсууд, хууль тогтоомжууд бий болсон талаар, мөн бид хэрхэн бид бие биенийхээ захирагч болсон тухай олж мэдээрэй.

Дийлдэшгүй хүн төрөлхтөн (2 бүтээлт цуврал)