Оросын судлаач Н.Ковалёвагийн туурвисан 'Үйлийн үрийн дөрвөн зам' нэртэй ном Москвад 2001 онд хэвлэгдсэн. Энэ ном 'Зэрэгцээ ертөнц ба хүний эрчим хүчний язгуур чанар', 'Сэтгэлгээний матери', 'Өөр бодит чанар', 'Армагеддон', 'Үнэнд хүрэх зам' гэсэн 5 бүлэгтэй. 'Далд ухааны нууц-1' номонд эхний 3 бүлэг багтсан болно.  

Далд ухааны нууц-1

'Ариусахуй бясалгахуй' сонины редакциас эрхлэн гаргадаг цувралын энэ удаагийн дугаарт Рашааны дусал хэмээх оршвой, 'Анагаах ухааны нууц увидас' судраас..., Чихрийн шижин хэмээх гажиг, Илүүдсэн дутуудсанаас өвчин үүдэлтэй, Элэг хор шүүгч гол эрхтэн, Ходоод угаах арга, Гэдэс цэвэрлэх арга, Нэг шүд унахад нэмж ходоод..., Таван махбодь, Мөргөлийн ач, Нойр булчирхайнаас чихрийн шижин үүдэлтэй, Насыг хэрхэн уртасгах тухай, Өөрийгөө ялж байж өвчнөө ялмуй зэрэг олон сонирхолтой нийтлэл, ярилцлагууд багтсан байна.  

Илааршихуй

Үүрийн шар гэгээ хийморь сэргээдэг

Энэ удаагийн цувралд XIV Далай лам, Бурханч лам Г.Пүрэвбат нарын нигүүлсэл, ухаарал, ариусал сэдэвт Цөвүүн цагийг гэтлэхүй, Бурханы шашны бясалгал буюу буяны үүд, Хоосон чанарыг оновоос сэтгэл, Гайхамшигийг бүтээмүй, Монголын газар шороо таримал бус, төрмөл юм шүү!!!, Эзэн Чингис хийгээд эрдэмт хаадын онгон сэвтвээс монгол мөхмүй, Сэтгэл номхорохуй дор буяны хур буумуй, Нэр хайрлахуй учир, Сансрын хүрдэн, Сэтгэлийн ариуслаар буяны үүд нээгдмүй, Суварга бол ертөнцийг авран ариусгагч, Дэлхийд хосгүй аугаа Занабазар, Лусын тамга, Хүний дотоод эрхэм чанар, Нигүүлсэхүйн дээд Майдар бурхан зэрэг шилдэг түүвэр, ярилцлага, нийтлэлүүд багтсан байна.  

Сэтгэлийн ариусал-Буяны үүд

Бид юу иднэ тэрэн шигээ байна. Бидний идэж байгаа хоол зөвхөн бие махбодын ерөнхий эрүүл мэнд төдийгүй эд эсийн төвшинд нөлөө үзүүлж байдаг. Хоол нь ой тогтоолт, нойр, хөдөлгөөн, зовиур шаналгаа, юмсыг бодит байдал дээр мэдрэх зэрэг сэтгэхүй, бие махбодын үйл ажиллагаатай холбоотой бөгөөд тархины дамжуулагч эд эсэд нөлөөлснөөр тархины үйл ажиллагаатай шууд холбогддог байна. Бид махбодоо эрүүл, ухаан санаагаа саруул байлгая гэвэл зогсонги хүчний хоолноос зайлсхийх хэрэгтэй аж...  

Эмийн эх нь ус, өвчний эх нь полог

Энэ номонд материаллаг ертөнцийг жолооддог оюуны ертөнцийн хуулиудыг танин барих өвөрмөц үзэл баримтлал, амин эрчим хүчний аймагт орох бололцоог задлан шинжилсэн судалгаа багтжээ. Номын гол зорилго нь хүрээлэн буй ертөнцийн тухай ойлгоцыг тэлэх, түүнийг жолооддог механизмыг нээн харуулж шинжлэх, амин эрчим хүчинд орох дүрмийг өгүүлэхэд оршино. Өдгөө цагт хүн төрөлхтөнд цөмийн аюулаас илүү аюул тулгараад байна. Энэ бол сэтгэл санааны задрал, хамгийн аймшигт гарз хохирол мөн. Яагаад гэвэл үхэл эхлээд хүний амин оронд, дараа нь махан биеийн төвшинд болдог юм. Одоо уг үйл явц эгзэгтэй цэгтээ тулж ирээд байна. Энэ нь юу гэсэн үг вэ? гэвэл өнөөдөр бидний санаж байгаа зүйл маргааш эсвэл нөгөөдөр бидний үр хүүхэд, ач, зээ нарын бие дээр бодит биелэл болно. Бидний санаа бодол хэдийчинээ их хорон байх тусмаа бидний удмынхны сэтгэл санаа, биеийн эрүүл мэндэд төдийчинээ их хохирол учрах болно.  

Үйлийн үрийг оношлохуй

Хүн бол махан биеэс гадна энерги буюу эрчимэн бие бүхий бүтэц зохион байгуулалттай бодгаль бөгөөд хэрвээ хүн энергэн биеэсээ салбал ясан дээр тохсон мах болж хувирна. Нэг үгээр хэлбэл үхдэл болно. Хүнийг амьд эсэн мэнд байлгадаг хамгийн чухал хөшүүрэг бол амин эрчим, энерги юм. Хүнийг аз жаргалтай, эрүүл цовоо, ухаан сэргэлэн, бат бөх дархлаа хамгаалалттай, бие махбодын өсөлт хөгжил сайтай байхад хүний амин эрчим гол үүргийг гүйцэтгэдэг. Өнөөдөр ядаргаа, сульдаа, уур бухимдал, түүнээс үүдсэн өвчин эмгэг, төрөл бүрийн халдварт өвчин их дэлгэрч байна. Үүнийг бид нийгмийн байдалтай холбон ярьдаг ч хэрэг дээрээ хүн амин эрчмээ нөхөж чадахаа байж, амин хүчний дутагдалд орсонтой холбоотой бөгөөд улмаар амьд мэнд байхын тулд бусдаас амин хүчийг нь сорж амьдардаг. Сүүлийн үед амин эрчмийг сорогчид ихэссэн учраас шалтгаангүй ядрах, сульдах, шалтгаангүй уур цухал төрөх, санамсаргүй ямар нэг өвчин эмгэгт өртөх байдал буй болж байгаа биш гэж үү? Та энэ номыг уншаад нэгийг ухаарч, хоёрыг тунгаана биз ээ.  

Амин эрчим сорогч ба тэтгэгч

Сүүлийн хэдэн жил дэлхийн хүн олны өмнө хариулахад бэрх таавар болоод байгаа буриад Монголын Итгэл хамбын тухай уншигч олондоо бэсрэг түүврээ өргөн толилуулж байна. Хорвоо дэлхийд хүн биеийг олоод 156 жил эрдэнэт лагшингаа хадгалж чадна гэдэг ховор тохиол, хосгүй гайхамшиг юм. 'Аугаа их буяныг үйлдээд энэ биеийг бүтээлээ' хэмээн тэртээ зуун жилийн өмнө ийн мөнхрөн гайхагдах учраа урьдчилан харж Итгэл хамба айлдсан байх юм. Итгэл хамбын энэ цагийнханд зориулан өргөсөн бошиг, шинжлэх ухааны хийгээд буддын шашны эрдэмтэн мэргэдийн үг, дүгнэлт, ярилцлага, тэмдэглэл танд ухаарал нэмж, учрыг тайлах ухааныг тань уртасгах нь лавтай.  

Ариусахуй, бясалгахуй