Энэ ном нь үй түмэн зөвлөгөөнд дарагдаж, үр хүүхдийнхээ өмнө хүлээсэн үүргэндээ дөнгөлөгдсөн, тэднийг 'хүмүүжүүлэхэд' цаг хугацаа болон хүч чадал нь мөхөсдөж байгаа эцэг, эхчүүдийг хамгаалахад чиглэсэн дуу хоолой. Эдгээр хүндрэлтэй бөгөөд хэцүүхэн үүргийг хойш тавиад өөрийнхөө хүүхдийг ойлгож, нөхөрлөж, ХАЙРЛАХЫГ зохиогчдын зүгээс санал болгож байна. Энэ номонд нэгч сургаал, дүрэм заавар байхгүй, харин олон тооны сорил, тоглоом, хөгжилтэй бөгөөд сургамжтай даалгаврууд бий. Түүнчлэн өдөр бүр тохиолдож байдаг асуудалд тохирох зөвлөгөө болон үүсэх нөхцөл байдлаас гарах арга зам тусгагдсан болно. Гэхдээ 'энэ номыг' нэг бүрчлэн даган дуурайх гэсэндээ биш ахмад хүмүүс үр хүүхдийнхээ нүдээр ертөнцийг харж сур, тэдэн шиг цаг үргэлжид хөгжилтэй, аз жаргалтай байж чаддаг болцгоо гэсэндээ энэ бүхнийг бичсэн болно. Зохиогчид  

Хүүхдийг хүмүүжүүлэхээ боль-Өсөн торниход нь тусал

Хэцүү хүүхэд гэж байдаггүй. Үүнд тус номын зохиогчид итгэлтэй байна. Энэ номыг уншсаны дараа та ч гэсэн үүнд итгэх болно. Энэ номонд Заряна болон Нина Некрасова нар насны шатлал бүрийн онцлогийн талаар энгийн бөгөөд сонирхолтой өгүүлсэн байна. Шилжилтийн нас болон түүний хямралаас айхгүйгээр хүүхэдтэйгээ хамтдаа өсөж, баясан бахадсаар бие хүн болгож, мөн өөрсдөө ч бүрэн төлөвшсөн эцэг, эх болох шаардлагатай хэмээн уг номын зохиогчид үзэж байна.  

Тэд өөрийн гэсэн бодол зорилготойгоо энэ хорвоод мэндэлдэг... Энэ хүүхдүүд маш хурц сэргэлэн, өхөөрдмөөр хөөрхөн атлаа тун ч болчимгүй загнаж мэднэ. Ганцхан секундийн дотор санаанд багтамгүй арван өөр зүйл сэдэх бөгөөд яахыг нь харах гэж хөөсөн чихэр хайруулын тавганд хайлуулж эсвэл амьд гарах эсэхийг нь үзэх гэж алтан загасыг халуун усанд хийх мэтээр дүрсгүйтэж мэднэ. Энэхүү номноос та 'Индиго' буюу 'Гасан' хүүхдүүдэд байдаг онцлогууд, тэдэнтэй хэрхэн ажиллавал зохих заавар, зөвлөмж, анагаахын болон онолын нээлт, судалгаа, ер бусын онцлогууд, зарим өвчний оношлогооны тухай, жинхэнэ 'Гасан хүүхдүүд'- ийн хэлсэн үг, тэдний бичсэн захидлуудаас унших болно.  