Гэр бүлийн аз жаргалд хосуудын бие биеэ сайн таньж мэдэх нь чухал. Аз жаргалтай гэрлэлт нь хайр, хүндэтгэл, итгэл гэсэн гурван тулгууртай. Аз жаргал хүнд бусдыг баярлуулж, аз жаргал бэлэглэхэд сургадаг. Харин бусдыг баярлуулж, аз жаргал бэлэглэх нь хайр дээр тогтдог. Эхнэр нөхрүүд бие биеэсээ тодорхой зүйлийг хүсч хүлээж байдаг. Гэвч энэ нь тийм хэцүү хүсэлт биш юм. Ханийнхаа бяцхан хүсэлтийг биелүүлэх нь насан туршийн аз жаргалын баталгаа болдог. Энэхүү номд дээрх зүйлсийн талаар өгүүлсэн байгаа. Та уншаад гайхах болно. Яагаад гээч... 'Аз жаргалд хүрэх ийм амархан гэж үү?' гэж өөрөөсөө асуух болно.  

Намайг хайрлаач

Хүүхэд жирийн байдлаар хүссэндээ хүрч чадаагүй бол буруу, болохгүй авир гаргаж эхэлдэг. Хүүхдийн хүсдэг зүйл ихэнхдээ эцэг эхийн хайр энхрийлэл, анхаарал халамж байдаг. Хүүхэд зүгээр аашлаад эцэг эхийнхээ анхаарлыг мэдэрдэггүй, эсвэл уурлаж буруу авирласаар байх болно. Хүүхдийн ертөнц бол огт өөр. Ихэнх тохиолдолд хүний анхаарлыг л татаж байвал болохгүй аргаар ч хамаагүй үүнийгээ гүйцэлдүүлэхийг хүсдэг байна. Хүүхэд яаж аашлахаа мэдэхгүйдээ зовон эцэг эхийнхээ хайрыг алдахгүйн тулд буруу авирладаг. Ийм учраас буруу авир гаргалаа гээд уурлаж, бухимдаж, тэднийг шийтгэхийн оронд тэднийг энхрийлж хайрлан яаж туслахаа бодох хэрэгтэй. Энэ ном та бүхэнд дээрх асуудлуудыг шийдэхэд туслах болно.  

Хүүхдийн буруу юу?

Инээд хөөр дүүрэн баясах таны бяцхан үр танай гэрийн аз жаргалын түлхүүр байв. Хөөрхөн үрийн тань хошуу унжилт, уйлалт, гоморхол нэг мэдэхэд улиран өнгөрч та түүний боловсролын асуудалтай тулах болно. Асуудал бүрийг өөрийн мэдлэг, боловсролын хүрээнд шийдвэрлэх нь тэр бүр боломжгүй болж эхэлнэ. Аргагүйдэл, мурахдал таны гэр бүлийн тайван байдлыг алдагдуулж эхэлнэ. Энэ ном нь эцэг эхчүүдийн гарын авлага болох бүтээл бөгөөд жинхэнэ амьдралаас үндэслэн хүүхдийн бага наснаас залуу нас, гэрлэх өдрийг нь хүртэл учирч болохуйц асуудал ба түүнийг шийдвэрлэх аргуудыг агуулж буй болно. Та хүүхдийнхээ ирээдүйн сайн сайхны төлөө анхаарал тавьж, түүнийг өсгөн хүмүүжүүлэх ёстой билээ. Тиймээс энэ бүтээл хүүхдээ зөв хүмүүжүүлэхэд тань тусална. Хүүхэд бол бидний ирээдүй гэдийг бүү мартаарай.  

Эх хүнд бичсэн захидал

Энэ номонд хүүхдийн хүмүүжилд буруу харилцаа хэрхэн нөлөөлөх тухай бичсэн байна. Номын зохиогч Ц.Г.Залцман сөрөг үр дүн үзүүлэх зан харилцаанаас хол байхын тулд суралцах нь зүйтэй гэж үзжээ. Номон дахь өгүүллэгүүд нь хүүхдийн хүмүүжлийн талаар судалгаа явуулахад сонгосон гэр бүлийн үнэн бодит амьдрал юм. Боловсролтой эцэг эхчүүд ч гэсэн энэ номыг уншсанаар хүүхдүүдтэйгээ харилцах харьцаагаа дахин нэг бодож үзэх болно.  

Хүүхдийг хэрхэн муу хүмүүжүүлэх вэ

Эхийн хэвлий дэх урагт боловсрол олгож, энэ талаар програм бэлтгэдэг Др.Монрикийн маш өргөн хүрээтэй туршилтад хамрагдсан нэгэн эх сэтгэгдлээ ийнхүү хуваалцаж байлаа: “Эх хүний үрдээ өгөх анхны бөгөөд хамгийн сайхан бэлэг бол түүнийг хэвлийд байхад нь хүмүүжүүлэх явдал юм байна.” Үнэхээр энэ програмд оролцсон ямар ч эцэг эх түүнтэй санал нэг байх болов уу. Ихэнх эцэг эх үрийнхээ төлөө бүхий л амьдрал, зүрх сэтгэлээ зориулж, түүний төлөө хөдөлмөрлөж, итгэл найдвар тавьж, хамгийн сайн сайхан бүхнийг олж амтлуулахыг хичээдэг боловч хүүхдийн боловсрол эхийн хэвлийгээс эхэлдгийг тэр болгон мэддэггүй.  

Гэр бүл, хүүхдийн хүмүүжлийн цуврал