Бид заримдаа хэн нэгнийг хараад л бие жихүүцэн дургүй хүрдэг. Тэгвэл ихэнх ийм тохиолдолд бид эрчим хүч сорогчтой учирсан байдаг. Үүнийг мунхруулга гэж бодох хэрэггүй. Учир нь 'вампир' гэдэг нь бодитой байдгийг эрдэмтэд олон жилийн судалгааны дүнд тогтоожээ. Энэ номонд вампирууд, тэднээс хамгаалах арга зам, эрүүл саруул амьдрах тухай зөвлөгөө гээд сонирхолтой материалууд нийтлэгдсэн байна.  

Энерги, энергийн вампир, хамгаалах арга 

Хөзрийн мэргийг анх цыганууд Европт дэлгэрүүлсэн гэдэг. Хамгийн анх хаана хөзөр үүссэн нь тодорхойгүй байдаг ч Энэтхэгт нэн эртнээс 10 өнгө бүхий хөзөр ашиглаж ирсэн тухай мэдээ байдаг. Хөзрөөр мэргэлж болохгүй зүйл гэж үгүй. Хамгийн гол нь та хөзрөө мэдэрч, 'өөрийн' болгох ёстой. Хөзөр, хөзрийн хослолын утга агуулга болгоныг янз бүрээр тайлах явдал байдаг. Уг товхимолоос та хөзрөөр юуг мэргэлж болдог, мэргэлэх хөзрөө хэрхэн сонгож авах, хөзрөөр мэргэлэхэд анхаарах зүйлс болон 15 төрлийн мэргэ сурч авах болно.  

Хөзрийн 21 төрлийн мэргэ

Өнөөдөр хүн төрөлхтөн шинжлэх ухаан техникийн тодорхой дэвшилд хүрч, зарим нэгэн салбарт 'хувьсгал хийсэн' гэж ярьдаг. Гэтэл хүн төрөлхтөн өөрийгөө таньж мэдээгүй, хүн гэгч амьтны нууцад нэвтэрч чадаагүй байна. Гэтэл аль VIII зууны үед Төвдөд бичсэн 'Бард Тойдол' хэмээх сударт үхэл, түүний дараах дахин төрөл олох хүртлэх үйл явцыг нарийвчлан бичжээ. Энэ нь парапсихологийн салбарт зарим нэг судалгааг хийж буй эрдэмтдийн, тэр дундаа Раймонд Мудийн тэмдэглэлтэй нийцэж буй нь үнэхээр гайхалтай. Манай үеийн психоанализын шинжлэх ухааныг үндэслэгч З.Фрейдийн бүтээл туурилд хүний далд ухамсар, сэтгэхүйд зарим нэгэн задлан шинжлэл хийсэн явдал нь шинжлэх ухаан зөвхөн сая л сэтгэхүй, хүний дотоод нууцыг тайлах чигээ олж байгааг харуулсан юм. Гэтэл буддын гүн ухаан нь мянга мянган жилийн тэртээгээс өөрийн ертөнцийг үзэх олон хэмжээст сэтгэлгээний үрээр шинжлэх ухаанаар батлагдаагүй ч батлагдах нь маргаангүй олон нээлт хийж, хүний танин мэдэхүй хязгааргүйг нотлосны нэгэн гэрч нь 'Бард Тойдол' юм.  

Бард тойдол буюу үхлийн дараах 49 хоног

Нэн эртнээс хүмүүсийн ажиглалтан дээр тулгуурлан үүсч, хөгжлийн урт удаан замыг туулсан зурхайн ухааны дээжээс, тэгэхдээ манайд ховорхон тохиолдох 'Төрөл тодорхойлох зурхай'-г уншигч та бүхэнд хүргэж байна. Таны төрсөн өдрийн од гариг, эрхсийн байрлал, харилцан шүтэлцээ нь ирээдүйг тодорхойлдог, тэгвэл мөн л энэ байрлал, нөлөөлөл нь таны өмнөх амьдралын нууцыг бага багаар ч гэсэн нээж, үндсэн шинжийг нь тодорхойлж өгдөг хэмээн зурхайчид үздэг. Хүн хэзээнээс нууцлаг бүхэнд татагдаж ирсэн болохоор уншигч таньд ч гэсэн энэ ном сонирхолтой байх болов уу.  

Амьдралын гүн ухаан