Монсудар хэвлэлийн газраас дэлхийд борлуулалтаараа тэргүүлж буй шилдэг зохиол бүтээлийг албан ёсны эрхтэйгээр уншигч түмэндээ хүргэж дэлхийн уран зохиолтой цаг тухайд нь танилцах боломжийг олгодог билээ. Энэ удаад 'Гал мөсний дуун' цуврал романы тэргүүн дэвтэр 'Хаан ширээний тоглоом'-ийг хүргэж байна. Орчин үеийн уран зохиолын салшгүй хэсэг болох уран зөгнөлт зохиолын хэлбэрээр бичигдсэн уг бүтээл гарсан даруйдаа шуугиан тарьж олон шагнал, дээд амжилт дагуулсан бөгөөд уншигчдад төдийгүй мэргэжилтнүүдээс өндөр үнэлэлт авчээ. Уг зөгнөлт романы дүрүүдийн онцлог, үйл явдлын далайц, хурц өрнөл нь зөгнөлт, адал явдалт романуудад уншигчдын зүгээс тавих шаардлагыг нэг шат ахиулсан гайхалтай бүтээл учир эрхэм уншигч таньд ч таалагдана гэдэгт итгэж байна.

Хаан ширээний тоглоом

Зохиолын үйл явдал Долоон ханлиг буюу Вестерос, чөлөөт хотуудаас бүрдэх Эссос хэмээх хоёр тивд өрнөнө. Долоон хүчирхэг овог удмыг нэгтгэн захирч байсан Роберт Баратеон хаан бусдад хорлогдон нас барснаар төмөр хаан ширээний төлөөх цуст тэмцэл Долоон ханлиг даяар дэгдэнэ. Энэ үеэр мөн Долоон ханлигийг хар шид, аймшигт зэрлэгүүдээс хамгаалан босгосон хананы цаана муу ёрын хүч хуралдан цугларч эхэлдэг. Харин Уйтан тэнгисийн тэртээх Эссос тивд нэгэн цагт Долоон ханлигийн төмөр хаан ширээнд заларч явсан Таргарианы сүүлчийн удам Дэйнерис хууль ёсны хаан ширээгээ буцаан авахаар тэмцэж буй тухай өгүүлнэ.

Хаадын хагарал

Өвөл хаяанд ирж, умардын салхи догшин араатан мэт айсуй. Цусан дайсагнал, үймээн самуунаас болж Долоон хаант улс хэдэн хэсэг хуваагдана. Төмөр хаан ширээний төлөө тэмцэж байсан 5 хүнээс нэг нь амь үрэгдэх бол нэг нь хүнд байдалд орно. Харин төмөр хаан ширээнд Жоффри Баратеон заларснаар түүний заналт дайсан, авга ах Станнис Лууны цохионд Төмөр хаан ширээний төлөө дахин нэг дайралт хийхээр сэтгэл шулуудна. Умардын хаанаас өргөмжлөгдсөн Роб Старкийн газар нутаг руу харанхуйн ид шид, зэрлэгүүдийн асар том арми дайрахаар бэлтгэнэ. Харин Робб өөрийн тугчдын хамт Риверраныг барьж байсан ч удахгүй...

Төмөр ба цас

Илдний шуурга I

Энэ бүтээл бол Жорж Р.Р.Мартины Хаан ширээний тоглоом, Хаадын хагарал зэргийг багтаасан гайхамшигт цувралын гуравдугаар боть юм. Уг цуврал нь орчин үеийн уран зөгнөлт зохиолын сор төлөөлөл төдийгүй төсөөлөлт уран зохиолын агуу их ахиц дэвшлийн тод жишээ билээ.&nbsp;&nbsp;Өвөл хаяанд ирж, умардын салхи догшин араатан мэт айсуй. Цусан дайсагнал, үймээн самуунаас болж Долоон хаант улс хэдэн хэсэг хуваагдав. Төмөр хаан ширээний төлөө тэмцэж байсан 5 хүнээс нэг нь хэдийнээ амь үрэгдсэн бол нэг нь хүнд байдалд оржээ. Харин төмөр хаан ширээнд Жоффри Баратеон заларсан бол түүний заналт дайсан, авга ах Станнис Лууны цохионд Төмөр хаан ширээний төлөө ахин нэг дайралт хийхээр сэтгэл шулуудна.&nbsp;Умардын хаанаар өргөмжлөгдсөн Роб Старкийн газар нутаг руу харанхуйн ид шид, зэрлэгүүдийн асар том арми дайрахаар бэлтгэж байлаа. Харин Робб өөрийн тугчдын хамт Риверраныг барьж байсан ч удахгүй... Уйтан тэнгисийн тэртээ Таргарианы Дэйнерис өөрийн хүч чадлыг бэхжүүлнэ. Вестерос даяар Төмөр хаан ширээний уур хилэн хэзээ ч байгаагүйгээр ширүүснэ. Гэвч Хана нурвал ямар ч хаан үлдэж чадахгүй билээ. Илдний шуурга дор Долоон ханлиг балгас болон хувирсан байлаа...

Цус ба алт

Илдний шуурга II

Хэрээнүүд үхсэн хүний цогцос дээр шавааран, нүдийг нь ухахын тулд хоорондоо булаацалдан бие биеэ хөнөөж байлаа. Цусанд дуртай, урвагч, зальтай Ланнистерынхан Төмөр хаан ширээнд хөвүүн хаан Томмены нэрийн өмнөөс эрх мэдлээ тогтооно. Долоон ханлигт дэгдсэн дайн намдсан ч гашуун үр дагаварт нь шинэ мөргөлдөөний оч үсэрлээ. Дорнийн Мартелл, Винтерфеллийн Старкууд амь үрэгдсэн хүмүүсийнхээ өшөөг авахыг хүсэж байв. Хамгаас цуутай хар дээрэмчин Хэрээний нүд Еврон Валириагийн утаа уугьсан балгаснаас Төмөр арлуудад эзэн суухаар иржээ. Умард зүгт Өөрүүд Хананы цаанаас заналхийлж, мэйстер болохоор суралцагч Сэмвэл Тарли Цайзад нууцлаг хүүхэд авчирна.&nbsp;&nbsp;*********************************************************************&nbsp;&nbsp;Дүүжлүүрийн модон дээр бүх хүн ах дүүс&nbsp;&nbsp;

Хэрээний найр

Луут бүжиг: Мөрөөдөл ба тоос ном нь алдарт Жорж Р.Р.Мартины гайхамшигт Гал мөсний дуун цувралын сүүлийн боть, V дэвтрийн нэгдүгээр хэсэг юм.Сүр хүчит тулааны дараа зүг зүгээс ирэх шинэ аюулд долоон ханлиг улсын ирээдүй дээсний дөрөөн дээр дэнжигнэнэ. Дорно зүгт Таргарианы сүүлчийн удам Дэйнерис гурван луутайгаа үнс нурам, үхэл зовлон дээр босгосон хотоо удирдана. Гэвч Дэйнерист мянга түмэн дайсан буй агаад тэдний дийлэнх нь түүнийг эрж сураглахаар шийджээ. Энэ зуур өөр нэгэн эр, огт ондоо зорилгоор түүнийг олох эрлээ эхлүүлнэ.Толгойг нь авчирсан хүнд шан харамж амлах ахуйд Тирион Ланнистер, Вестеросыг ардаа орхин Дэйнерисийн зүг оргон зугтана. Зүсэн зүйлийн амьтдаас бүтсэн мэт харагдах аян замын шинэ нөхөд нь угтаа нууц төлөвлөгөөтэй бөгөөд тэдний дунд Вестеросыг Дэйнерисийн хүсэл мөрөөдлөөс бүрмөсөн арчих нэгэн хүн яваа юм санж. Умардад орших мөс чулуугаар барьсан лужир том Хана, түүнийг хамгаалж буй хүмүүс нь хэдий чинээ хүчтэй байна төдий чинээ бат бөх аж. Тэнд Шөнийн харуулын 998 дахь захирагч Жон Сноу хамгийн хүнд сорилтуудтайгаа нүүр тулна. Түүний хувьд хүчирхэг дайснууд нь хананы дотор төдийгүй гадна, хөлдүү үхдлүүдийн нутагт ч бий.Бүх л өнцөг булангаас ширүүн зөрчлүүд хурцдаж, увайгүй урвалтууд газар авч, гэмт хэрэгтэн, гэгээнтэн ламтнууд, цэргүүд, арьсаа солигчид, эхэс дээдэс, зарц боолууд зэрэг нүсэр том бүлгэмүүд дааж давшгүй хүнд нөхцөл байдалд орно. Зарим нь бүдэрч зарим нь харанхуйн хүчээр улам өсөн дэвшинэ. Гэвч үймээн самуун дэгдэхийн хирээр хувь тавилан хийгээд хуйвалдаан зөвшилцөөний урсгалууд агуу бүжигт бүгдийг татан оролцуулна.

Мөрөөдөл ба тоос

Луут бүжиг I

Долоон ханлигийн хувь заяа дээсэн дөрөөн дээр иржээ. Хааны газарт Эрх баригч хатан Серсей Ланнистер итгэл хүлээсэн бүх хүндээ хаягдан, шүүх хурлаа хүлээх зуур, түүний дүү Тирион дорно зүгийн Юнкай хотод боол болж бусдад худалдаалагдана. Станнис Баратеон Винтерфелл дахь Болтоныхонтой тулалдахаар өөрийн гэргий, улаан удган Мелисандра хоёрыг Жон Сноугийн хамгаалалтад орхин, Ханан дээрээс өмнө зүг хөдөлнө. Гэвч Хананы цаана зэрлэгүүдийн арми дайрч довтлохоор хуралдах аж...
Гашуун зөрчил, мөргөлдөөнүүд гал авалцан дүрэлзэхэд дээрэмчин, санваартан, цэрэг, арьсаа солигч, язгууртан, боолууд энэ бүгдэд оролцоно. Хувь заяаны давалгаа тэднийг хамгийн агуу бүжиг рүү эргэлт буцалтгүй хөтлөх ажээ.

Гал мөсний дуун - Цахим