'Иргэний эрх зүйн тусгай анги' ном нь МУ-ын Иргэний Хуулийн гэрээний эрх зүй, хуулиас үүдэх эрх зүй зэрэг иргэний эрх зүйн тусгай харилцаанд хэрэглэгдэх мэдлэгийг олгоход чиглэсэн болно. Уг ном нь Удиртгал, Иргэний эрх зүйн тусгай анги' Гэрээний эрх зүй', Хуульд зааснаар үүрэг үүсэх тухай гэсэн үндсэн 3 хэсэг, Бусдын өмчлөлд хөрөнгө шилжүүлэхэд чиглэсэн гэрээний төрлүүд, Бусдын эзэмшил ашиглалтад хөрөнгө шилжүүлэх гэрээний төрлүүд, Ажил гүйцэтгэх, хөлсөөр ажиллахтай холбоотой гэрээний төрөл, Туслалцаа үзүүлэхэд чиглэсэн бусад гэрээний төрлүүд, Эрсдлээс хамгаалахад чиглэсэн ба хамтран ажиллах зэрэг бусад гэрээний төрлүүд, Дундын өмч ба хуулиас үүдэх үүрэг, Үндэслэлгүй хөрөнгөжихтэй холбоотой хуулиас үүдэх үүргийн харилцаа, Зөрчлийн улмаас үүсэх үүрэг буюу гэм хорын эрх зүй гэсэн 9 бүлэгтэй.  

Гэрээний эрх зүй

Иргэний эрх зүйн тусгай анги 

Үүргийн эрх зүйн ерөнхий анги номыг өмнө бэлтгэж байсан Иргэний эрх зүйн тусгай ангийн сурах бичгээс салган хэвлэх болсон шалтгаан нь юуны өмнө үүргийн эрх зүйн энэ бүлэг хэсэг өмчийн эрх зүйгээс бусад иргэний эрх зүйн салбарын үндэс суурь нь болж байдагтай, мөн иргэний хэрэг хянан шийдвэрлэх ажиллагаан дахь талуудын хариу эсэргүүцэл гаргах, мэтгэлцээн явуулах их биеийг бүрдүүлдэгтэй салшгүй холбоотой юм. Тиймээс иргэний эрх зүй судалж буй оюутан залуус иргэний эрх зүйн тусгай ангийн хичээлийг судлахын өмнө эсвэл судлах явцдаа үүргийн эрх зүйн ерөнхий зохицуулалт, үндсэн зарчимтай сайн танилцсан байх нь ихээхэн чухал.  

Үүргийн эрх зүйн ерөнхий анги

Зохиогч номондоо иргэний эрх зүйн суурь ойлголт, ухагдахуун нэр томъёог зааглах, нийт мөрдөгдөж байсан Иргэний хуулиудын агуулгыг толилуулах, өнөөгийн хууль тогтоомжийн бүтэц, систем, хэрэглээний аргачлал, иргэний эрх зүйн харилцааны оролцогч субьект ба обьектын тухай, иргэний эрх зүйн харилцаа үүсэх гол тохиолдлууд, нийтлэг зохицуулалт, иргэний эрх зүй дэх эрхээ хамгаалах арга хэрэгслийг авч үзсэн байна. Энэ ном нь их, дээд сургуулийн хууль эрх зүйн сургалтанд хамрагдаж буй оюутнуудад зориулагдсан бөгөөд иргэний эрх зүйн үндсэн мэдлэгийг олгоход чиглэгдэнэ.  