Ардын уран зохиолч Б.Баастын 'Хоёр буурал' хэмээх түүний бүтээлийн XIV дахь цувралд 'Дөрвөн улирал, дөрвөн учрал', 'Хоёр буурал', 'Алтан хуц', 'Мянган тэмээтийн хүү' өгүүллэг, 'Усан зэрэглээ татаад байна', 'Галавын хавар', 'Тэмээ гэдэг тэр чигээрээ алт', 'Халуун сэтгэлээр зудыг давдаг' зэрэг 10 гаруй найруулал, тэмдэглэл, ярилцлага багтсан байна. Номын төгсгөл хэсэгт уламжлал болсон захидлын хэсгээс оруулсан байна.  

Хоёр буурал

Уг номонд зохиогчийн 'Чонон саарал', 'Өгөөмөрийн Сүрэнжээ', 'Уянгаа Солонгоо хоёр' зэрэг өгүүлэг, тууж, жүжгийн зохиолууд нь орсон байна.   Тэрээр 'Уянгаа Солонгоо хоёр' тууждаа манай залуусын дунд өнөөдөр байгаа, нэг согогийг хөнджээ. Бид, хацар гоо охидоо харь луу алдаж байхын зэрэгцээгээр улс орон дотроо бас л буртагласаар байна. Охид маань ойр дотныхоо хүмүүсийн хүчирхийлэлд автах нь ч байна. Гэнэдсэн хүний гэмшил, гэнэдүүлсэн хүмүүсийн хүн чанар энэхүү туужид өгүүлэгдэнэ.   Улс нийгмийн амьдралд ийм үйл явдал заавал байх ёстой юм уу? Хууль нь бүгдэд хүндлэгдэж, иргэд нь хуулиа хүндэтгэдэг бол улс нийгэмд ийм бусчир явдал заавал үүсэх учир баймгүй юм шиг санагдах... Тийм л утгыг энэ туужид өгүүлэх гэсэн хэрэг!...  

Уянгаа, Солонгоо хоёр

Зохиогчийн та бүхэнд толилуулж буй энэхүү тууж нь аль 1991 онд бичиж дуусгасан боловч 20 жилийн дараа ийнхүү та бүхний гар дээр очиж байна. Зохиолд хүн гэдэг амьтан жаргал даадаггүй, зовлонд... элдэв сайн муу юм хичнээн их үзэхийнхээ хэрээр түүндээ дэвтэж, хатуужиж, сая ухаан сууж хүн шиг хүн болдогийг үзүүлжээ. Зохиолын гол баатар Чулуунцэцэг хэдий нас бага ч эмэгтэй хүн эр зориг гарган зүтгэвээс, юуг ч бүтээж чаддаг, юунд ч хүрч болохыг харуулсан юм. Гэхдээ Чулуунцэцэг амьдралдаа алдаж эндсэн, түүндээ өшиж хорссон онцгой үйл явдалтай бүсгүй. Нэг удаа амьдралдаа алдаж, түүнд ялагдсан ч, алдсан ч... Түүнийгээ эргүүлж засч болохгүй гэж үү! ... алдаа, эндээгээ эргүүлж, ялан дийлж болохгүй гэж үү!... гэж бодсон, ухаарсан. Шинэ, нэн хэцүү эрэл зорилт өмнөө дэвшүүлсэн... түүнийхээ төлөө зорьсон, зүтгэсэн, эцэстээ эрмэлзэж, түүндээ хүрсэн...  

Чулуунцэцэг

Уг бүтээл нь Б.Бааст гуайн 2012 онд бичиж хэвлүүлсэн 'Дурдтгал-дурсамж, бодол- эргэцүүлэл' номын үргэлжлэл бөгөөд энэ ботид агуу их анд Санжмятавын Дашдэндэв, Ц.Уламбаяр, Дамдины Пэрлээ, Лувсандашийн Бадарч, М.Цэдэндорж, П.Бадарч, Лувсангийн Дагвадорж, С.Удвал, монголч эрдэмтэн Л.К.Герасимович, хөгжмийн нэрт зохиолч, Төрийн шагналт, Ардын жүжигчин Билэгийн Дамдинсүрэн, улсын гавьяат жүжигчин, дуучин Сүрэнхорлоо зэрэг хүмүүсийн талаарх багц материал, бичиж тэмдэглэсэн олон зүйлсээ эмхэтгэн өөрийн бодол эргэцүүлэл, хариу тайлбар, сэтгэгдэл тэргүүтнээ уншигч та бүхэнд толилуулж байна.  

Дуртгал дурсамж, бодол эргэцүүлэл-2

Ардын уран зохиолч Б.Баастын 'Улаан хэрэм' хэмээх X дахь цувралд түүний голдуу хэвлэгдээгүй, хэвлэгдсэн ч янз бүрийн шалтгаанаар засагдаж, хасагдаж байсан зохиолуудаа өөрийнхөө анх бичсэн гар эхэд шилжүүлж, мөн огт хэвлэлд гараагүй зохиолуудаа эмхтгэн та бүхэнд хүргэж байна. Мөн захидлынх нь эхний хэсэг болох 104 захидал, бичиг сэлт орсон болно. Энд, хайрт аав, ээж, эгч, ах дүү, нутаг усны хүмүүс, төрөл садан, сургуулийн болон багын найзууд, анхны ханийнх нь захидлууд дэлгэгджээ.  

Улаан хэрэм

Бөхийн Баастын уран бүтээлийн цувралын энэ удаагийн дугаарт 'Хаана амьдарна даа, хөөрхий' тууж, 'Хурим' жүжиг, 'Хураалгаагүй үнэмлэхийн түүх' замын тэмдэглэл болон 60 гаруй захидал оржээ.  

Хаана амьдарна даа хөөрхий

Бөхийн Бааст нь Монголын шинэ үеийн уран зохиолын 'амьд архив' төдийгүй зохиолч, уран бүтээлчдэд үлгэр дуурайлал болж яваа XX зууны их утга зохиолын томоохон төлөөлөгчдийн нэг билээ. Тэрбээр Монголын шинэ цагийн утга зохиолын ноён оргил болсон их хүмүүсийн уран бүтээл, амьдрал, цаг үеийн түүхийг бидэнд үлдээх гэсэндээ цуврал дурсамжууд дээрээ өдгөө ч ажилласаар л сууна. Зохиогчийн энэ номонд 'Жаргалтайн дэлгэр дөчин жил', 'Ногоон бороо', 'Хар ус,цагаан сүү', 'Арвижихын гэр бүл' зэрэг туужууд, Нэгэн жилийн дараа, Босон суун хийсэн яриа, Чуулганы үеэр хийсэн тэмдэглэл, Зочид буудалд болсон яриа, Харилцан бичилцсэн захидал зэрэг найруулал, тэмдэглэлүүд нь багтжээ.  