'Байгаль орчин ногоон хөгжлийн яам' болон 'Монгол Контент' ХХК-ны ах эгч нараас нь хүүхдүүд та бүхэндээ танин мэдэхүйн, адал явдалт 'Ногун' комик цувралыг хүргэж байна. Амьтанд хайртай, сониуч бяцхан хүү Ананд үл мэдэх гэмтсэн шувууг сайхан сэтгэлээр эдгээж, түүнийг байгальд нь тавьснаар ойн савдаг Ногунтай уулзана. Ингээд түүнтэй найз болж байгаль, амьтдыг танин мэдэх гайхамшигт аялал эхлэнэ. Хүүхдүүд та бүхэн 'Ногун' цувралтай хамт байж олон олон адал явдлыг шимтэн уншихын зэрэгцээ, байгалийн тухай мэдлэгээ тэлээрэй.  

Ногун №1

Сониуч бяцхан жаал Ананд ангийн найз Үжингийн хамтаар савдгуудын ертөнцөөр аялан гайхалтай сайхан зүйлсийг өөрсдийн нүдээр харж, хүмүүсийн ертөнц савдгуудын ертөнцөөс яагаад тусгаарлагдсан болохыг мэдэж авсан шүү дээ. Гэвч галын савдаг Үжин охиныг хулгайлан, тэр ч атугай Ногун, Ананд хоёрыг өөрийн эзэмшилдээ аваачсан. Ногун, Ананд хоёр Үжинг аварч чадах болов уу? Байгаль хамгаалагч Ногун, байгальд хайртай Ананд хоёрт ямар адал явдал тохиолдож, ямар мэдлэгийг олж авах бол?  

Ногун №2

Ногун болон түүний нөхөд Галын савдагт олзлогдсон Үжин охиныг суллахын тулд галт чулууны эрэлд мордож олон саадтай тулгарна. Эрлийн замдаа сордог элстэй таарч арга мухардахын даваан дээр Мазаахай болон түүний өвөө Бартангийн тусламжийг авч аюул сөрсөн аяллаа үргэлжлүүлэх боломжтой болно. Харин цаашид тэдний аялал хэрхэн үргэлжлэх бол. Ногун болон түүний нөхөд галт чулууг олох болов уу?  

Ногун №3

Ногун болон түүний найзуудын адал явдал үргэлжилсээр. Ананд зугаалганы эхний өдөр ангийнхаа хүүхдүүдээс холдож, багшийгаа болон нөхдийгөө айлгаж орхино. Ангийн багш нь хэсэг хүүхдүүдийн хамт ой хамгаалагч болон нутгийн хүмүүстэй нийлж Анандыг хайхаар болно. Энэ үед Ногун нөхдийн хамт өвөө, ач хүү болох Бартан, Мазаахайнд зочлон, замын хүнс базаад аваад галт чулууг олох аялалдаа гарна. Цааш тэдний аялал хэрхэн үргэлжлэх бол?  

Ногун №4

Хачирхалтай ч гэлээ Ногун маань урьд цагт Алагдаахай байсан бөгөөд өөрийн бусдыг хайрлаж, хамгаалах сайхан сэтгэлийн ачаар Аглаг ойн хамгаалагч савдаг болсон тухайгаа Анандад ярьж өгнө. Ананд хүү найз Ногун болон түүний нөхдийн хамтаар Үжинг аврахаар элдэв бэрхшээлийг шантралгүй даван туулсаар сая нэг Галын савдагийн болзол болох Шидэт галт чулуугаа өөрийн болгож чадна. Гэвч тэдний туулах зам хараахан дуусаагүй байна...  

Ногун №5

Ногун комик маань бүр ч сонирхолтой болж байгаагийн хирээр үнэнч уншигчдынхаа байгаль орчны мэдлэгт дугаар болгоноороо дамжуулан нэмэр болж байгаадаа баяртай байна. Лусын дагина маань Ногуны сайхан сэтгэл, нөхөрлөлдөө үнэнч зан, зорилгодоо хүрэх тэмүүллийг үнэлэн тусалснаар Ананд, Ногун болон түүний нөхөд маань найзыгаа аварч чадлаа. Гэвч Галын савдгаас зугтаж чадах болов уу? Хүн төрөлхтөнд байгаль дэлхийгээ хайрлаж, усаа гамнаж, орчин тойрондоо хог хаяхгүй байхын утга учрыг таниулахаар зорьж буй Ногуны хүслийг бяцхан уншигч та нар маань ч бас өөрсдийн зорилгоо болгоорой.  

Ногун №6

Ойн савдаг Ногун найзыгаа аварч, аюулд орохоос нь өмнө зугтаалгаж чадсан ч хийсэн хэргийнхээ төлөө шийтгүүлэхээр болно. Тэр шийтгэл нь Ананд, Үжин хоёртой танилцаж хамт хөгжилдөж, зугаатай өнгөрүүлсэн тэр л аз жаргалтай мөчүүдийг нь ор мөргүй арчих болно. Богинохон хэдий ч адал явдал, баяр хөөрөөр дүүрэн өнгөрүүлсэн Ногун, Ананд, Үжин гурвын дурсамжаас уншигч багачууд маань нөхөрлөлийн гайхамшигтай талыг олж харах болно. Харин Ананд Аглагт эргэж очих болов уу?  

Ногун №7

Ногуны адал явдал улам бүр сонирхолтой болсоор... Аглагт хүн дагуулж ирж болохгүй гэсэн дүрмийг зөрчсөний улмаас Ногун шийтгүүлж, Ананд, Үжин хоёр гэртээ харьсан. Ногуныг хүнд байдалд орсныг ухаарсан Ананд найздаа туслахаар дахин Аглагт ирнэ. Гэвч байдал тэс өөр болсон гэдгийг Ананд мэдэхгүй байлаа. Энэ үеэр шунахай этгээдүүд галт чулууг олж, тэр орчмоос эрдэнэс олборлож болно хэмээн хамгийн муу зүйлсийг төлөвлөж байв. Галт чулууг авсан этгээдүүд яах бол? Ананд Аглагт эргэж ирээд Ногуныг олж уулзаж чадах болов уу?  

Ногун №8

Ногун Аглагт хүн дагуулж ирснээс болж Халбин аймаг руу цөлөгдөн, олон шинэ танилтай болсон. Ананд хүү ч шуналт этгээдүүдээс галт чулуугаа эргүүлэн авч Аглагт буцаж ирэв. Одоо тэд ариун дагшин, Аглагийн ойд орж ирэхээр зүтгэж байгаа шуналт хүмүүсийг зогсоох хүнд даалгаварыг гүйцэтгэх ёстой.   Хүүхдүүд ээ, та нар Ногун, Ананд хоёрын шинэ найзууд болох Залхаг, Самж, Сорхог, Инжиртэй сайн танилцсан биз дээ. Тэд хамтдаа хүмүүсийг зогсоож чадах болов уу? Өвгөн царс манай баатруудын үгийг сонсох болов уу?  

Ногун №9

Хүүхдүүд та нар байгаль дэлхийгээ хайрлах, анд нөхдийн ариун үерхэл, үүрэг хариуцлага гээд олон зүйлсийг Ногуны адал явдлаар дамжуулан ойлгож авдаг билээ.   Түүнчлэн Ногун цуврал бүрийн төгсгөлд байдаг 'Тайлбарт булан'-гаар дамжуулан та бүхэнд шинэ мэдлэг, мэдээллийг олгодог билээ. Гэхдээ ингээд Ногуны адал явдал дуусаагүй юм шүү. Харин ч дөнгөж эхэлж байна. Та нар Ногуныг сайн таньдаг болсон учраас өөр бусад адал явдлуудыг нь ч гэсэн шимтэн унших биз ээ.  

Ногун №10

Ногуны адал явдал үргэлжилж байна, эсвэл эхэлж байна гэх юм уу? Сайхан сэтгэлтэй, тусч, үнэнч ойн савдгийн адал явдал одоо өнгөрсөнд үргэлжилж байна. Тиймээс одоо та бүхэн Ананд хүү биш харин Ногуны эртний нөхөдтэй танилцаж, тэдний адал явдлыг хамтдаа туулах юм. Учир нь бидний танилцах шинэ найзууд маань тэртээ олон зуун жилийн өмнө амьдарч байсан Монгол жаалууд. Ногун эртний нөхөдтэйгээ анх хэрхэн танилцаж байсан гэдгийг та нар энэ комикоос мэдэж авна. Харин тэдний аялал цааш хэрхэн үргэлжлэх бол? Аялалдаа бэлдээрэй.  

Ногун №11

Ногун комик маань бүр ч сонирхолтой болж байгаагийн хирээр үнэнч уншигчдынхаа байгаль орчны мэдлэгт дугаар болгоноороо дамжуулан нэмэр болж байгаадаа баяртай байна. Ногун комикийн 12-р дугаарт түүний анхны найзтай танилцаарай хүүдүүдээ...  

Анхны найз

Ногун №12

Ногун комик маань бүр ч сонирхолтой болж байгаагийн хирээр үнэнч уншигчдынхаа байгаль орчны мэдлэгт дугаар болгоноороо дамжуулан нэмэр болж байгаадаа баяртай байна. Ногун комикийн 13-р дугаар Гурван сүлд нэртэй хүүхдүүд та бүхэнд хүрч байна. Уншаарай хүүдүүдээ...  

Гурван сүлд

Ногун №13

Ногун комик маань бүр ч сонирхолтой болж байгаагийн хирээр үнэнч уншигчдынхаа байгаль орчны мэдлэгт дугаар болгоноороо дамжуулан нэмэр болж байгаадаа баяртай байна. Ногун комикийн 14-р дүгээр Гурван сүлд нэртэй хүүхдүүд та бүхэнд хүрч байна. Уншаарай хүүдүүдээ...  

Намагт хөндий

Ногун №14

Ногуны адал явдал үргэлжилж байна. Сайхан сэтгэлтэй, тусч, үнэнч ойн савдгийн адал явдал одоо өнгөрсөнд үргэлжилж байна. Тиймээс одоо та бүхэн Ананд хүү биш харин Ногуны эртний нөхөдтэй танилцаж, тэдний адал явдлыг хамтдаа туулах юм.  

Цооргоно сүлд

Ногун №15

Ногун комик маань бүр ч сонирхолтой болж байгаагийн хирээр үнэнч уншигчдынхаа байгаль орчны мэдлэгт дугаар болгоноороо дамжуулан нэмэр болж байгаадаа баяртай байна. Ногун комикийн 16-р цуврал маань Цэвдэгт хөндий нэртэйгээр хүүхдүүд та нартаа хүрч байна.  

Цэвдэгт хөндий

Ногун №16

<p>Эх дэлхийгээ хайрлан хамгаалахын утга учир, чухам хамгаалах гэдэг нь юунаас эхэлдэг, хэрхэн хамгаалж болох талаар хүүхэд багачууддаа зурагт ном хэлбэрээр ойлгуулах, улмаар Монгол хүүхэд бүрийн төлөвшилд тодорхой түвшинд нөлөөлж эх дэлхийгээ хайрлах тэр л зүрх сэтгэлийг бадраах зорилготой цуврал билээ.</p>

Бяцхан бамбар

Ногун №17

Эх дэлхийгээ хайрлан хамгаалахын утга учир, чухам хамгаалах гэдэг нь юунаас эхэлдэг, хэрхэн хамгаалж болох талаар хүүхэд багачууддаа зурагт ном хэлбэрээр ойлгуулах, улмаар Монгол хүүхэд бүрийн төлөвшилд тодорхой түвшинд нөлөөлж эх дэлхийгээ хайрлах тэр л зүрх сэтгэлийг бадраах зорилготой цуврал билээ.  

Цоргол сүлд

Ногун №18

Цогшгой сүлд

Ногун №19

Аглагийн эзэн

Ногун №20

Гэнэтийн дуудлага

Ногун №21

Харанхуйн хэсүүлчид

Ногун №22

<p>Ногун цувралын сүүлийн цуврал. Ногун найзуудын хамт хогны мангасуудаас эрдэмтний охиныг аврах ба тэдэнтэй тулалдаж ялна.  Ногун найзуудынхаа хамт өөрсдийн амьдардаг ой руугаа буцна.</p>