Оросын нүдний алдарт эмч, судлаач, профессор Мулдашевын 'Бурхдын хот' хэмээх ном та бүхний гар дээр очиж байна. Атаа жөтөө, шунал тачаал, хов жив, хэрүүл тэмцэл, мөнгө улаан нүд цагаан болсон энэ цаг үед нэрт эрдэмтэн, судлаач Э.Мулдашевын энэ ном Санаа сайн бол заяа сайн, санаа муут яван хатдагийн орчлонгийн цаад жам ёсны утга учрын тухай эрхэм уншигч танд хүүрнэх болно. Түүний дараагийн ном эртний хүмүүсийн эрдмийн өв, нууц увидасаа бичиж үлдээсэн 'Алтан шастир'-ын тухай өгүүлэх болно.  

Эртний хүмүүсийн эмгэнэлт илгээмж

Номын зохиогч дэлхийн нэрт нүд судлаач, шинжээч Э.Р.Мулдашев домогт Бурхдын хотыг эрсэн судалгаа, шинжилгээний ангийнхаа тухай үргэлжлүүлэн өгүүлж байна. Шинжилгээний ангийнхан Төвдөд ийм хот олж чадсаныг эрдэм шинжилгээний ердийн хэлээр тайлбарлах аргагүй юм. Харин эрдэмтэд тэдний бүтээсэн Бурхадын хотын бүдүүвч зураг ДНХ-ийн орон зайн бүтэцтэй нэн төстэй болохыг гэнэт олж харсан байна. Эцэст нь Дээд оюун ухаан хүнийг, тэгэхдээ бүр Шинэ хүнийг бүтээсэн газрыг Төвдөд олж чадсан гэсэн дүгнэлтэнд хүрчээ. Зохиогч 'Бурхадын хотын эрэлд' цувралын төгсгөл энэхүү ботио тун сонирхолтой хэлбэрээр бичсэн бөгөөд уг чанараараа шинжлэх ухааныг гүнзгий баримталж, дэлхийн хэмжээний анагаах ухаан, философийн асуудлуудыг хөнджээ.  

Бурхдын хотын эрэлд