Долоон настай Лукас маш их ганцаарддаг. Учир нь ханхүүг ордноос гарч, эгэл ардын хүүхдүдтэй тоглохыг хаан аав нь хориглосон аж. Лукасын ээж маргад эрдэнийн зүүлтээ алдсан учраас ханхүүд Вренлигийн хаант улсын эргэн тойрны газруудтай танилцах боломж олджээ. Тэрээр ордны оёдолчны охин Клара Гиллсийн хамт алдагдсан чулууны эрэлд гарна. Лукас, Клара хоёр эрдэнийн чулууг олж, хааны шагналыг хүртэж чадах болов уу?

Алдагдсан чулуу

Луугын орон болох Крествүүдээс нэгэн онцгой улаан өндөг олджээ. Өндөг хагарахад час улаан луу гарч ирэв. Гэтэл гунигт явдал тохиолдож, ханхүүгийн бяцхан луу өвдөж, юу ч идэлгүй хэд хонолоо. Лукас, Клара хоёр улаан лууг аврах онцгой жимсийг олж чадах болов уу?

Улаан луу

Вренлигийн хаант улсын эргэн тойронд хүчтэй давлагаа үүсжээ. Гэхдээ энэ нь далайн давлагаа биш байлаа. Тиймээс ханхүү Лукас үүнийг үлгэрт гардаг нууцлаг далайн мангас гэдэгт итгэлтэй байв. Энэ явдал хаант улсынхныг айдаст автуулжээ. Ханхүү Лукас хамгийн сайн найз Кларатайгаа тэрхүү аймшигт мангасын эрэлд гарна.

Далайн мангас

Олон хоног тасралтгүй бороо оров. Энэ их усан борооны улмаас үер бууж, хаант улсын ургац сүйтгэгдэх аюулд өртжээ. Вренлигийн хаант улсад хэн нэгэн хараал хийснээс зайлахгүй! Лукас, Клара хоёр энэ гамшгийн ард хэн байгааг олж, хожимдохоос урьтаж хэргийн эзнийг зогсоож чадах болов уу?

Шулмын хараал

Раскин гал тогоон дахь мөснүүдийг хайлуулснаас болж Лукас, Раскин, Клара гурвыг хаан аварга биетнүүдийн амьдардаг Флатфрост руу мөс авчруулахаар явуулжээ. Цас мөсөөр хучигдсан өндөр уулс дунд мөс бэлдэх нь ямар хүнд ажил болохыг энэ аяллаар тэд маш сайн ойлгож авчээ.

Фламфростын адал явдал

Смоунфорестийн гайхамшиг

Вренлигийн хаант улсынхан тэр аяараа баярт оролцохоор цуглажээ. Энэ баяр дээр луунууд нисэж, троллууд жонглёрдож, хүлэг баатрууд нэг нэгийгээ халз тулаанд дуудна. &quot;Охид хүлэн баатар болж чадахгүй&quot; гэдэг үгийг сонсоод Кларад санасан бүхнээ хийж чадна гэдгээ батлах цаг иржээ.

Тэмцээнийг эхлүүлцгээе

Лукас, Клара хоёр завиар аялж явтал ханхүү давлагаанд цохигдон нуур луу унана. Далайн ёроолд тэрээр цайз цамхаг, лусын дагинастай шүрэн арал олж харна. Хаан Калеб хүүдээ лусын дагинас хувийн амьдралаа нууцалдаг, түүнийг нь хүндэтгэх ёстой гэж хэлдэг. Гэхдээ Лукас энэхүү нууцлаг ертөнцийн талаар илүү ихийг олж мэдэхийг хүснэ

Лусын дагинасын хаант улс

Ханхүү Лукас хөгжим тоглох биш аялж, нээлт хийх дуртай. Нэг удаа тэдний шилтгээнд хэсүүлч хөгжимчин ирж, залуу ханхүүд хөгжмийн ид шидийг ойлгуулахыг хичээнэ. Тэд ойд алхаж яваад араатантай таарч, түүнийг хөгжмийн хүчээр тайвшруулан, унтуулна. Ийнхүү Лукас түүний үгэнд итгэж, хөгжмийн гайхамшгийг мэдэрчээ

Хөгжимчин ба араатан

Шөнийн тэнгэрт од харвах мөчид Лукас адал явдалтай аялалд гарах хүслээ шивнэжээ. Гэхдээ энэ хүсэл биелэх эсэхэд тийм ч итгэлтэй биш байлаа. Лукас, Клара хоёр Вренлид болсон сонин тохиолдлыг судлах гэж яваад алдагдаж, аюулд өртсөн нисдэг морь болох Пегасустай таарна. Хоёр найз нисдэг морийг буцаад гэртээ харихад нь тусалж чадах болов уу?

Вренлигийн хаант улс (10 бүтээлт цуврал)