Энэ номноос та эмэгтэй хүний гурван үүргийн талаар уншин судлах болно. Бүсгүй хүн гэрлэн нөхөрт гарсан цагаасаа 'эхнэр', 'ээж', 'эзэгтэй' гэсэн үүргүүдийг хүлээдэг. Бүсгүй та уг номын 'Сайн эхнэр нөхөртөө титэм' хэмээх хоёрдугаар бүлгээс эхнэр хүний үүрэг болон эр нөхрөө туслан дэмжих арга ухаан, ханиа өдөр бүр өөртөө дурлуулах гэх мэт эхнэр хүний мэргэн ухаанаас суралцах бол 'Эзэгтэйн инээмсэглэлд ивээгдсэн гэр бүл' хэмээх гуравдугаар бүлгээс гэрийн эзэгтэй хүний үүрэг, ажил амьдралын жин, ураг төрлийн хил хязгаар гээд олон учгийн үзүүрийг тайлах болно.  

Хайрлагдсан эмэгтэйн зурвас

Эрэгтэй хүнийг өөрчлөх хүсэл энэ дэлхийн бүхий л эмэгтэйчүүдийн мөрөөдөл байдаг. Өөрийг нь өөрчлөхийг оролдохын хэрээр улам цаашлах эрчүүдийн сэтгэл тэдний мөнхийн зөрүүдлэл гэлтэй. Гэвч хайрлагдсан эмэгтэй эр нөхрөө хэрхэн өөртөө татаж, яаж өөрчлөхөө сайн мэддэг. Эмэгтэй хүн эр нөхрөө өөрчлөхөөсөө өмнө эхлээд өөрийгөө эр нөхрийнхөө хайрыг татсан тэр л эмэгтэй болгон өөрчлөх хэрэгтэй. Ингэж чадвал та өдөр бүр өөрт тань дурлах эр хүн таньд таалагдах гэж өөрийн эрхгүй өөрчлөгдөхийг харах болно.  