Вигъяан Бхайрава Тантар хэмээх өнө эртний нууц сударт заасан бясалгалын зуун арван хоёр аргыг Ошо багш хүн төрөлхтөнд тайлжээ. Тэдгээрээс гол түгээмэл аргуудыг Нууцын ном-д түүвэрлэн оруулсан байна. "Олон хэмжээсэнд зүйл бүрээр хөгжин цэцэглэх боломж чамд бий. Хөгжил бүр чинь цааш улам хөгжиж, улам тэлэх үүдийг нээдэг. Үүнд эдгээр арга тус болно. Бясалгалын арга бол шинжлэх ухаанч учраас үр дүнгүй эрэл зүдрэлээс аврах хэрэгсэл юм. Арга хэрэгслийг эзэмшихгүй бол хичнээн олон төрөлдөө хэрэн хэсүүчлэхийг таашгүй. Хөтөч багштай, бас зөв арга хэрэгсэлтэй бол түмэн төрөл дамжин туулах замыг хэдхэн агшинд товчлох болно" хэмээн эл номонд өгүүлжээ.
Хятадын Хан гүрний үед Буддагийн сургаал үгсийн цоморлиг Дөчин хоёр бүлэгт судрыг эмхтгэн, хятад хэлнээ хөрвүүлсэн аж. "Өөрөө өөртөө гэрэл бол хэмээх Агнистын гэрээний XI сударт Ошо багшийн тайлбараас дээжлэн оруулсан байна. Номын хавсралт хэсэгт төвд хэлнээс орчуулсан Буддын шашны зарим сургаал ном болон нижгээд нийтлэл өгүүллийг багтаасан байна.

Нууцын ном, Өөрөө өөртөө гэрэл бол

Зам мөр - жам ёс - Энэ номонд Буддагийн сургаалын үндсэн агуулгыг багтаажээ. Тухайлбал урсгалд орогч, эргэн ирэгч, эргэлтгүй одогч, архадын хутаг хэмээх гэгээрлийн дөрвөн үе шат: арван цагаан буян, арван хар нүгэл зэрэг үйлийн үрийн ухагдахуун: зөв үзэл, зөв эрмэлзлэл, зөв үг хэл, зөв ёс суртахуун, зөв аж төрөл, зөв чармайлт, зөв анхаарал, зөв самади зэрэг найман гишүүнт зам мөрийг тайлбарлажээ. Буддагийн зам мөр бол сэтгэхүйн хийсвэр загварчлал биш, харин оршихуйн жам ёсыг гүн гүнзгий ухаарч, түүнд аясан зохилдохуй гэдгийг тод томруун харуулсан байна.&nbsp;
Нирваан - Уламжлалт судрын хэлнээ "эрдэнэт хүмүүний чөлөө учрал" гэж өгүүлдэг гэгээрэх боломж бүрдсэн хүн заяаны нандин учрыг энэ номонд тайлбарлажээ. Түүнчлэн бодисадвагийн арван газар, арван барамид зэрэг оюун санааны хөгжин дэвших шатуудыг ч энгүүн үгээр тайлсан байна. Бурхан, Бодисадва нар угтаа хүний мөн чанарын бэлгэ тэмдэг, дотоод цэцэглэлийн илэрхийлэл учраас Бурханы ном хүний амьдралаас хол хөндий байх учиргүй билээ.

Зам мөр - Жам ёс, Нирваан

Эртний сайхан аялгууг анирдахын тулд өөрөө алга болсон мэт нам гүм болох ёстой. Орших, эс оршихын зааг арилахад гэнэт чамайг аялгуу хүрээлнэ. Тэр бол Оршихуйн зүрхэн лугшилт, Бурханы сүмд орох үүд юм. Би түүнийг анирдсан шиг чи ч бас чадна. Зэнгийн мэлмийд юм бүхэн бурханлаг. Цай уух, хувцас угаах, хоол хийх, гэр цэвэрлэх гээд үйл бүхнээ дияан болгох боломжтой. Тэгж гэмээнэ бясалгал чиний амьдралд түгнэ. Өдрийн сэрүүнд төдийгүй шөнийн нойронд нэвтэрч, зүрх лугших, амьсгал хөврөх мэт амьдралын чинь хэмнэл болно. Үүнийг л Зэн зарчим гэдэг.

Эртний сайхан аялгуу, Ай даа, энэ шүү дээ

Буддын шашинтан бүрийн ширээний ном. Орчуулагч П.Бадрал, Нэпко хэвлэлийн газартай хамтран Агнистын гэгээ цувралыг эрхлэн гаргадаг билээ. Бурханы шашны хөлгөн судруудад дүрст ертөнцийн дээд төвшин, оюун гэгээрлийн оргил орныг Агниста гэж нэрийдсэн байдаг. Бурхан шашны төгс жаргалант дүрээрээ заларч байдаг энэ оргил диваажингийн гэгээ тоост замлинд гийх ерөөлт учиг шаглаж, 'Агнистын гэгээ' цувралуудаа гаргаж байна. Эдгээр цувралуудад Буддизмын эрт, эдүгээ үеийн сонгодог зохиолуудыг сорчлон нийтэлжээ.  

Ошо: Өвс өөрөө ургана

Тэнгэрээ бүү март
Билиг ухааны түүхүүд Амьдрал хөгжмийн зэмсэгтэй адил. Түүгээр аялгуу сайхан хөгжим тоглож чадах хүнд л амьдрал хамаатай. -Ошо&nbsp;
Эрдэнийн сан
Хүслэнт тэнгэрийн баяр жаргал ч Намрын навч шиг зуларч одно. Хүний ертөнцийн эрх баялаг ч Хүжийн утаа шиг сарниж одно. Мөнх бусын жамыг ухаарч Мөчид шуналын зүүдийг таягдаж, Мөнхийн рашаан болсон бясалгалаар Үхэлгүйн нууцад лавтай нэвтэрье. -Райчүн богд