Энэ бүтээлд Монгол оронд одоогоор бүртгэгдсэн нугаламт амьтдын 760 зүйл 1 зүйлийн дугариг амьтан (Petromyzontes), 77 зүйлийн загас (Pisces); 6 зүйл хоёр нутагтан (Amphibia); 23 зүйлийн мөлхөгч (Reptilia); 513 зүйлийн шувуу (Aves); 140 зүйлийн хөхтөн (Mammalia), нугаламгүй амьтдын 5,919 зүйл (187 зүйлийн шимэгч хорхой: 15 зүйлийн хос соруулт шимэгч хорхой (Trematoda), 94 зүйлийн туузан хорхой (Cestoda), 69 зүйлийн дугариг хорхой (Nematoda), 9 зүйлийн хатгуур толгойт (Acanthocephala)); 46 зүйлийн дугариг хорхой (Nematoda); 90 зүйлийн хүрд хорхой (Rotifera); 34 зүйлийн зөөлөн биетэн (Mollusca: Gastropoda); γε хөлтний хүрээний аалз хэлбэртний ангийн 545 зүйлийн жинхэнэ аалз, хачиг; үе хөлтний хүрээний хавч хэлбэртний дэд хүрээний 10 зүйлийн эрүү хөлтөн (Maxillopoda), 22 зүйлийн хавчаахай (Hexanauplia: Cyclopoida), 50 зүйлийн заламгай хөлтөн (Branchiopoda); үе хөлтний хүрээний шавжийн ангийн 103 зүйлийн өдөрч (Ephemeroptera), 59 зүйлийн соно (Odonata), 159 зүйлийн шулуун далавчтан (Orthoptera), 56 зүйлийн хаварч (Plecoptera), 3,166 зүйлийн хатуу далавчтан (Coleoptera), 9 зүйлийн бөөс (Anoplura), сарьсан далавчтаны баг (Hymenoptera)-ийн 143 зүйлийн зөгий (Apidae) болон хуниасан далавчтан (Vespidae), 71 зүйлийн шоргоолж (Formicidae), 198 зүйлийн хоовгон (Trichoptera), 186 зүйлийн Siphonaptera, 573 зүйлийн хайрсан далавчтан (Lepidoptera), xoc далавчтаны баг (Diptera)-ийн 46 зүйлийн шумуул (Culicidae), 166 зүйлийн тэмээлзгэнэ (Tipulidae) багтжээ. Энэхүү бүтээлээс дээрх тооны зүйлийн латин, монгол, англи нэрийг үзэх боломжтой. Бүтээл дэх нугаламгүй болон нугаламт амьтдын зүйлийн жагсаалт, ангилал зүйд баримталсан зарчим болон ангилал зүйн нэгжүүдийн тоон үзүүлэлтийн дэлгэрэнгүйг бүлэг бүрээс харах боломжтой. Уг бүтээлд орсон нугаламт амьтдын зүйлийн бүрэлдэхүүн бүрэн гарсан.

A Checklist of vertebrate and invertebrate animals volume 1

Монгол орны биологийн олон янз байдал

&quot;Биологийн олон янз байдал гэдэг нь манай дэлхийн ургамал, амьтан мөөг, бичил биетний төрөл, зүйл, генетик болон экосистемийн төвшний олон янз байдал, мөн тэдгээрийн харилцан холбоо, гарал үүсэл, эволюцыг багтаасан өргөн агуулгатай ойлголт юм.Энэ бүтээлд Монгол оронд одоогоор бүртгэгдсэн гуурст ургамлын 3,163 зүйл, хөвдийн 570 зүйл, замгийн 2,248 зүйл, мөөгний 630 зүйл, хагийн 1,069 зүйл, бичил биетний 241 төрөл багтсан. Зүйл бүрд монгол нэрийг оноох судлаачдын ажлыг санхүүгийн хувьд дэмжих нь чухал байна. Бүтээлд орсон ургамал, амьтан, мөөг, бичил биетний зүйлийн жагсаалт, ангилал зүйд баримталсан зарчим болон ангилал зүйн нэгжүүдийн тоон үзүүлэлтийн дэлгэрэнгүйг бүлэг бүрээс харах боломжтой.&quot; Уг бүтээл дэх гуурст болон гуурсгүй ургамал, мөөгний зүйлийн бүрэлдэхүүн харьцангуй бүрэн гарсан гэж үзэх үндэслэлтэй ба цаашид бичил биетний нэгдсэн төрөл, зүйлийн жагсаалтыг гаргахад талууд анхаарч, бодлого, санхүүгийн хувьд дэмжих нь зүйтэй байна. Энэхүү бүтээлийг сайжруулан, баяжуулж, Монгол орны биологийн олон янз байдлын суурь мэдээлэл болсон амьтан, ургамал, мөөг, бичил биетний нэгдсэн цогц бүртгэлтэй болно гэж үзэж байна. Эцэст нь дурдахад судлаач бидний нэгтгэсэн биологийн олон янз байдлын жагсаалт болон мэдээллийн санг Байгаль орчныг хамгаалах тухай хууль, Цахим засаг үндэсний хөтөлбөр, ургамал, амьтан, бичил биетнийг хамгаалах олон улсын конвенц, үндэсний хөтөлбөрүүд зэрэг бодлогын баримт бичигт тусгагдсан зорилтууд, тэдгээрийн хэрэгжилтийг хангахад ашиглана

A Checklist of vertebrate and invertebrate animals volume (5 бүтээлт цуврал)