Социологийн шинжлэх ухааны үүсэл хөгжил, ойлголтын энгийн үг хэллэгээр уншигчдад ойлгомжтой байдлаар, тодорхой үзэл баримтлалаар нь ангилан өгүүлэхийн зэрэгцээ дэлгэрүүлэн унших гол бүтээлүүдийн танилцуулсан.  Нийгмийн бүлгүүд үндсээрээ устах болов уу? Хүн яагаад гэмт хэргийн ертөнц руу татагддаг вэ? Интернэт бидний харилцааг хэрхэн өөрчлөв. Эрт эдүгээгээс хойш хүн төрөлхтөн өөрсдийн нийгмийн хэрхэн зохион байгуулах талаар том том асуултуудыг тавьсаар ирсэн бөгөөд үүний хариултыг социологичид олж хариулан, дэлхий ертөнцөө улам төгөлдөржүүлсээр иржээ.   Социологи ном нь мэргэжлийн хэллэгүүдийг задалж ойлгомжгүй онолуудыг эгэл хүмүүст таниулж ухааруулсан бөгөөд нийгмийн үндсэн институдуудыг зургаар харуулсан.  

Социологи

Энэхүү гайхалтай номын ачаар та Коперникийн шинэ нээлтийн өрнүүлсэн маргаан, Эйнштэйний хамаарлын онолын хөгжил, Крик Уотсон хоёрын ДНК бүтцийн онол зэрэгтэй танилцах болно. Тус номонд одон орон, биологи, хими, геологи, математик, физикийн шинжлэх ухааны салбарууд багтсан билээ. Ертөнц Их тэсрэлтээс үүссэн үү? Гэрэл долгион уу, бөөм үү, эсвэл аль аль нь мөн юм уу? Бид дэлхийн дулаарлын шалтгаан уу? Бүх зүйлийн онол байх боломжтой юу? Шинжлэх ухаан бидний амьдардаг орчлонгоор зогсохгүй олон ертөнцийн тухай онолыг төсөөлөх боломж олгож, технологийн дэвшил авчирч, мэдлэгийн цар хүрээг тэлж байна. Энгийн хэллэгээр бичигдсэн 'Шинжлэх ухаан' ном нь товч боловч голыг нь олсон тайлбаруудаар дүүрэн бөгөөд мэргэжлийн хэллэгүүдээс зайлсхийж, ярвигтай онолыг тодорхой дүрсэлсэн диаграмм, шинжлэх ухааны нээлтүүдтэй холбоотой мартагдашгүй ишлэл болон бидний ойлголтыг өргөжүүлэх төдийгүй хөгжөөх ухаалаг санааг багтаасан болно. Тухайн салбарын талаарх таны мэдлэг ямар ч түвшинд байсан, өөрөөр хэлбэл оюутан эсвэл эрдэмтэн байлаа ч та энэхүү номоос сонирхлыг тань татах олон зүйлтэй танилцах болно.

Шинжлэх ухаан

Мөн амжилттай бизнес эрхлэгчдийн түүх, тэдний ажлын зарчим зэргийг багтаасан төдийгүй бизнесийн сэтгэлгээг мэргэжлийн үг хэллэгээс ангид, бизнесийн онолын ээдрээг алхам алхмаар зурагласан диаграммаар тайлбарласан нь дэлхий дахины зах зээлийн тухай ойлголтыг уншигчдад хялбархнаар ойлгуулна.Та дөнгөж бизнесээ эхэлж буй нэгэн, илүү том мөрөөдлийнхөө төлөө явж буй гүйцэтгэх захирал эсвэл бизнесийн нууцыг мэдэх гэсэн хэрэглэгч аль нь ч бай энэ номоос хангалттай мэдлэг, урам зоригийг олж авах болно.

Бизнес

Та анхлан суралцагч, мэргэжлийн оюутан, эсвэл судлаач мэргэжилтэн хэн ч байсан ялгаагүй энэ ном танд улс төрийн ойлголтуудыг өгч нийгмийн мэдлэгээ тэлэхэд тань тус болно. Шударга бус удирдагчийг түлхэн унагах нь зөв үү? Засаглалын хамгийн шилдэг хэлбэр ардчилал мөн үү? Дайныг зөвтгөж болох уу? Бид улс орноо хэрхэн зөв, шударга авч явах вэ гэх мэт асуултууд түүхийн туршид хүн төрөлхтний өмнө тулгарч, агуу сэтгэгчид өөр өөрсдийнхөө эринд янз бүрээр хариулт өгсөөр иржээ.&nbsp;Хэрвээ хүн бүр хүссэн зүйлээ хүссэн цагтаа авч чаддаг байсан бол 'Улс төр' хэмээх бодлого оршихгүй байлаа. Хүмүүс олж авсан туршлагаараа хүссэн бүх зүйлээ авахад хэзээ ч хангалттай байдаггүй. Харин үүний оронд тэд өрсөлдөж, хичээл зүтгэл гаргаж, тохиролцоо хийж, амлалт өгч үүнийхээ төлөө тэмцдэг юм. Ингэхийн тулд хүн төрөлхтөн энэ бүгдийг шүүх, өрсөлдүүлэх, зөрчилдүүлэх эсвэл хэн нэгний асуудалд хариу өгөхийн тулд түүнд зохиулж тугай хэлзүй гаргасан нь улс төр юм. Энэхүү хэлзүй нь шударга ёсны төлөө, нэг болон хэсэг бүлэг хүмүүсийн дуу хоолой болж, бүр эрх тэгш байдлыг нь илэрхийлэх болсон юм.&nbsp;Тус номонд улс төрийн түүхэн хөгжлийг бүдүүвч схем, зураг дүрслэлээр харуулах бөгөөд улс төрийн үзэл баримтлалуудын тухай хамгийн бодитой, хамгийн зөв мэдлэг хуримтлуулахад тань гарцаагүй тус болно.

Улс төр

Хүмүүс бид төрөлхөөсөө л сониуч зантай тул хүрээлэн буй ертөнц, түүнд өөрсдийн эзлэх байр суурийн талаар гайхширсаар ирсэн. Хүмүүст эхлээд гайхширах, дараа нь учрыг олоход тусалдаг оюун ухаан хэмээх хүчирхэг зэвсэг байдаг. Хэдийгээр бид тухайн зүйлийнхээ учрыг бүрэн олж амжаагүй ч гэлээ оюун ухаанаа ажиллуулж л байгаа бол философидож байна гэсэн үг. Философи нь нийтээр хүлээн зөвшөөрсөн үзэл, уламжлалт бодол санааг үг дуугүй хүлээн авахаасаа илүү тэдгээрийн талаар дахин дахин эргэцүүлж байдаг.Энгийн хэллэгээр бичигдсэн Философи ном нь ойлгомжтой тайлбар, бүдүүвч зургууд, үл мартагдах эшлэл, зураг чимгээрээ ойлгоход хүндрэлтэй онолын мэдлэгийг танд сонирхолтой байдлаар дэлгэх болно. Та философийг цоо шинээр сонирхогч, шохоорхон судалж буй нэгэн, учрыг олох гэсэн мэргэжилтэн аль нь ч бай энэ номоос өөрийн сэтгэхүйд маш их тэжээл авах болно.

Философи

Тэгвэл тэдгээр шашнуудын гол үзэл санаа нь юу вэ, яаж үүсэж хөгжсөн юм бол? Энэхүү 'Шашин' ном дэлхийн томоохон шашин, сүсэг бишрэлүүдийг ойлгомжтой диаграм, зураг ашиглан энгийн үгээр, алхам алхмаар тайлбарлажээ. Шашны талаар ямар ч түвшний мэдлэгтэй байлаа гэсэн, дэлхий даяар зүсэн бүрийн сүсэг бишрэлүүдийг сонирхдоггүй байлаа ч гэсэн энэхүү номоос сонирхлыг тань татах хангалттай их зүйл олж мэднэ.

Шашин

Нийгэм хөгжихийн хэрээр хүмүүсийн хэрэгцээ нэмэгдэж маш олон төрлийн бараа, үйлчилгээг өөрсдийн тав тухын тулд шаардах болжээ. Үүнийг шийдвэрлэх, зохион байгуулах үйл явц бүхий нийгмийн үзэгдэл, түүний тогтолцоог эдийн засгийн тогтолцоо (economics system) буюу эдийн засаг (economy) хэмээн нэрлэдэг. Харин энэхүү үзэгдлийг буюу эдийн засгийг судлах шинжлэх ухааныг экономикс (economics) хэмээн нэрлэдэг. Товч бөгөөд энгийн хэллэгээр бичигдсэн Экономиксийн энэхүү ном нь мэргэжлийн нэр томъёог ойлгомжтой болгож, ашигласан зураг, диаграмууд нь нарийн ээдрээтэй онолын учрыг тайлж, сонгодог ишлэлүүд нь экономиксийн санаануудыг ой тойнд тань хадаж, оновчтой зурсан зураглалууд нь мэргэжлийн ойлголтыг тань баяжуулах болно.

Экономикс

Мэдлэгийн бусад салбарын дундаас психологи хэмээх салбар хамгийн этгээд нууцлаг, магад хамгийн ихээр буруу ойлгогддог нь юм. Хэдийгээр психологи, түүний үзэл санаа ихэнх соёлд нэвтэрсэн боловч яг юу болох, психологичид юу хийдэг тухай бүрхэг төсөөлөлтэй байдаг. Тэгвэл “Агуу санааг энгийнээр тайлбарлах нь” цувралын Психологи номд сонирхолтой шинжлэх ухааны салбар болох психологийн шинжлэх ухааны үүсэл, энэхүү салбарын анхдагч үзэл санаануудыг ойлгомжтой, энгийн байдлаар тайлбарлажээ. Психологийн салбарт цоо шинэхэн нэгэн, дурлан судалж буй оюутан, эсвэл энгийн нэгэн сонирхогч хэн ч бай энэхүү ном таны сэтгэлийг татах болно.

Психологи

Хууль бидэнд яагаад хэрэгтэй вэ? Хуулиар ямар эрхийг хамгаалдаг вэ? Баримт нотолгоог шүүхэд анх хэзээ ашигласан бэ? Уг ном эдгээр болон бусад олон асуултад хариулах ба хууль, эрх зүйн зарчим хийгээд өнөөгийн бидний амьдарч буй дэлхий ертөнцийг цогцлоосон ёс суртахуун, улс төр, шашны хууль зэргийг судлан тайлбарлах болно.Товч бөгөөд тодорхой бичигдсэн Хуулийн энэ ном нь мэргэжлийн нэр томьёог ойлгомжтой болгож, эрх зүйн түүхэн дэх хамгийн чухал үеүдийг тодорхой тайлбарласан төдийгүй оновчтой зураглал, диаграммуудаар нарийн ээдрээт онолын учрыг тайлж өгөх юм. Та хуулийг шинээр сонирхогч, шохоорхон судалж буй нэгэн, учрыг олох гэсэн мэргэжилтний аль нь ч бай таны сонирхлыг татах маш их зүйлс байгааг олж мэдсэнээр энэ номтой салшгүй холбогдох болно.

Хууль

Утга зохиол ном алдарт Илиад-аас эхлээд Дон Кихот, Агуу Гэтсби хүртэлх дэлхийн утга зохиолын шилмэл бүтээлүүдээр уншигчийг аялуулна. Энэ ном, эртний Грек, сонгодгийн дараа үеийн Европ эсвэл орчин цагийн Солонгос аль нь ч бай хамаагүй тухайн цаг үеийнхээ зохиол бичих урлагт шинэчлэл оруулж, аливаа хэв маягийн тулгуур чулуу болсон роман, өгүүллэг, жүжгийн зохиол, яруу найраг зэргийн томоохон төлөөлөл бүрийг нийт 100 орчим нийтлэлдээ гүн гүнзгий судалжээ. DK хэвлэлийн газрын олон шагнал хүртсэн “Агуу санааг энгийнээр тайлбарлах нь” цувралын нэг хэсэг болсон Утга зохиол ном бүтээл туурвилын гол санаа, сэдвийг тайлбарлахдаа хялбар ойлгогдох схем, зургууд ашигласан байна. Энэ номд багтсан нэр нөлөө бүхий зохиолчдын намтар нь тэдний амьдрал, уран бүтээлийн тухайд уншигчийн мэдлэгийг арвижуулахаас гадна, “Цааш унших” хэмээх хэсэгт нь тухайн чиглэл, сэдвээр гүнзгийрүүлэн судлахад шаардлагатай 150 гаруй бүтээлийн тухай өгүүлжээ. Уншигч та бүхэн Утга зохиол номыг уншиж дэлхийн хамгийн агуу зохиолчийн сод туурвилуудыг олж нээхээс гадна эдгээр бүтээлүүдэд нөлөөлсөн утга зохиолын уламжлал, тухайн цаг үеийн түүх, нөхцөл байдлын тухай мэдлэгээ зузаатгаарай.

Утга зохиол

Цезарийн байлдан дагуулалт, дэлхийн нэгдүгээр дайн зэрэг чухал үйл явдлуудыг агуулсан энэхүү ном нь түүхийн ангийн оюутан, мэргэжлийнхэн болоод мэргэжлийн бус хэн бүхний сонирхлыг татна. Хомо Сапиенсийн үүслийн үеэс Нельсон Манделагийн тунхаглал, Францын хувьсгалаас сансрын эрин үед шилжсэн хүн төрөлхтний түүхийг олж мэдмээр байна уу? Орчин цагийн ислам улс чухам хаанаас төрөв, цахим эрин, глобалчлал, дэлхийг хамарсан санхүүгийн хямрал хэрхэн бий болов? Эдгээр асуултуудын хариулт болон хүн төрөлхтний түүхэн үйл явдлууд, түүхэн хүмүүс, түүхэн нээлтүүдийг өөртөө багтаасан Дэлхийн түүх ном нь түүхийн хамгийн том нэвтэрхий толь юм. Үйл явдлууд. Дөрвөн сая таван зуун мянган жилийн өмнө Африкт нутаглаж байсан манай хамгийн анхны өвөг дээдсээс эхлүүлээд Эртний ертөнцийн агуу соёл иргэншлүүдээр дамжин Дундад зууны үеийн зөрчил тэмцэл, өвчин тахал, Сэргэн мандлын суу алдарт хүрэх, шинэ үндэстнүүдийн үүсэл, уурын хөдөлгүүрийн зуун, ган, аж үйлдвэржилтээр дайрч, өнгөрсөн зуунуудын хувьсгал, дайнуудыг туулсаар орчин үед хүрэх гайхамшигт аялалд таныг хөтөлнө. Хүмүүс. Чингис хаанаас авхуулаад Альберт Эйнштейнийг хүртэл, I Елизаветагаас эхлүүлээд Адольф Гитлерийг хүртэл түүхэнд хамгийн ихээр нөлөөлсөн хүмүүсийг та эндээс олж, тэдний үзэл баримтлалтай танилцах болно. Нээлт, бүтээлүүд. Анхлан гал хэрэглэж эхэлснээс авхуулаад пенициллинийг нээх хүртэлх хамгийн агуу бүтээл, чухал нээлтүүдийг энд судалдаг.