Монголын нууц товчоонд гарах үг нэг бүрийг латин галигаар үсэг дараалан толгойлж, хятад галиг, орчуулга, МНТ-ны хэддүгээр бүлэг зүйлд гарсныг тэмдэглэн үзүүлэхийн сацуу холбогдох жишээг дагалдуулсан байна. Энэхүү толь нь МНТ-г болон дунд үеийн монгол хэлний судалгаа хийж буй эрдэмтэн судлаач, их дээд сургуулийн оюутан, мөн МНТ-г сонирхон судлах хүсэлтэй хэн бүхэнд эх хэрэглэгдэхүүн болох юм.  

Монголын нууц товчооны үгийг эшлэн үзүүлсэн толь

Монголын нууц товчооны хятад эх болон монгол эхэд эх бичгийн судалгаа хийсэн. Үндсэн гурван хэсэг, 12 дэд бүлгээс бүтсэн. Эхний хэсэгт Монголын нууц товчооны хятад эхийн тухай, хоёрдугаар хэсэгт монгол эхийн тухай, гуравдугаар хэсэгт нэг цаг үед хамаарах уйгуржин үсгийн дурсгал, дөрвөлжин бичгийн дурсгал, Монгол и юй толь, Хуа и и юй ьольтой харьцуулан судлав.

"Монголын нууц товчоо"-ны бичвэр судлал

Монголын нууц товчоонд гарах бүх үг, хэллэгийг орчин цагийн монгол хэлээр тайлбарлан, жишээг галиг үсэг болон кирилл үсгээр хавсарган бичсэн толь юм. Уг толь нь хэл шинжлэлийн толь төдийгүй дундад зууны монголчуудын ёс заншил, соёл сэтгэлгээтэй холбоотой олон арван тайлбар хийсэн, монголын нууц товчоог судалсан гадаад дотоодын эрдэмтдийн судалгааны үр дүнг нэгтгэсэн бүтээл болно.

Монголын нууц товчооны тайлбар толь

Тус нэг сэдэвт зохиол нь Монголын нууц товчооны үг хэллэгийн судалгаагаар дамжуулан дундад үеийн монгол хэлний онцлог, тухайн үеийн монголчуудын соёл сэтгэлгээ, нийгмийн харилцааны олон талт үзэгдлийг судлан тайлбарлажээ.

Монголын нууц товчоо дундад үеийн монгол хэлний дурсгал болох нь (5 бүтээлт цуврал)