Өдгөө цагт XIX зууны агуу их яруу найрагч, соён гэгээрүүлэгч Д.Данзанравжааг Монголд төдийгүй дэлхий дахинаараа намтар туурвил бүтээлийг нь улам гүнзгийрүүлэн судласаар байна. Д.Данзанравжаа нь зөвхөн шашны гүн ухааны төлөөлөгч төдийгүй яруу найрагч, жүжгийн зохиолч, хөгжмийн зохиолч, нүүдэлчний театр, үзвэрийн сүм (музей)-ийг үндэслэгч, уран барималч, сурган хүмүүжүүлэгч, оточ маарамба, эмзүйч, зураач, жуулчин, зурхайч байсныг олон эрдэмтэн мэргэд өөр өөрийнхөөрөө судлан өгүүлсэн байдаг. Энэ ботид 'Д.Равжаа судлалын тойм-I'-д орхигдуулсан ахмад судлаачдаас гадна сүүлд гарч ирсэн залуу үеийн төлөөлөгчдийг бүрэн хамруулсан болно.  