Анх 2015 онд “Дэлхий дээрх сүүлчийн хүүхдүүд” цувралын эхний ном нь гарч, дэлхийн 30 гаруй хэлээр орчуулагдаж, 10 сая гаруй хувь хэвлэгдсэн бөгөөд Нью-Йорк Таймс, Уолл Стрит сэтгүүл, USA Today зэрэг сэтгүүлүүдийн бестселлерийн жагсаалтад одоог хүртэл явж буй, бичлэгийн өвөрмөц төрөл болох комикс, үргэлжилсэн үгийн хэлбэрээр бичигдсэн хүүхдийн цуврал бүтээл юм. Уг цуврал нь найз нөхдийн нандин холбоо, нөхөрлөлийн үнэ цэн, ач холбогдол, ёс суртахууны тухай өгүүлсэн адал явдалтай, хөгжилтэй цуврал юм. “Дүрсгүй жаалын өдрийн тэмдэглэл” номын зохиолч энэхүү цувралыг “Аймшгийн хөгжилтэй, адреналин ялгаруулахаар, татаж унатлаа инээхийг хүссэн хэн бүхэнд зориулсан ном” хэмээн үнэлжээ.

Дэлхий дээрх сүүлчийн хүүхдүүд ба мангасуудын дайралт

Зомбинууд гэнэт алга болжээ. Энэ нь хэдийгээр сайн зүйл боловч Жак Сулливан нэг л итгэж өгөхгүй байлаа. Учир нь жигтэй сонин дуу чимээ үе үе сонсогдсоор... Дэлхий дээр үлдсэн сүүлчийн хүмүүс болох гурван найз нь замдаа Мангасуудын уулздаг пиццаны газар, дэлбэрдэг бөмбөг зэрэг ер бусын содон зүйлстэй учирна. Зомбинууд яагаад учир битүүлгээр гэнэт алга болсны учрыг уг номоос олж мэдээрэй. Хар цагаан зураг, үргэлжилсэн үг болон комикс хэлбэрээр бичигдсэн уг цуврал адал явдалд дурлагч хүүхэд бүхний сонирхлыг татах нь гарцаагүй.

Дэлхий дээрх сүүлчийн хүүхдүүд ба зомби жагсаал

-10 настай хүү минь ном унших тийм ч дуртай биш. Сав л хийвэл утсаараа тоглодог байлаа. Харин энэ номыг авч өгснөөс хойш энэ цувралын үнэнч уншигч болсон. -9 настай хүүдээ цувралын эхний номыг авч өгтөл 7 настай охин минь ахтайгаа булаацалдаж уншсаар дуусгасан. -Охин минь энэ цувралын шинэ дугаарыг тэсэн ядан хүлээдэг болсон. -Хүүхэд бүр адал явдал, хөгжилтэй, найз нөхөрлөлийн үнэ цэнийг харуулсан зохиолд дуртай байдаг шүү дээ. Энэ яг л тийм цуврал юм.

Дэлхий дээрх сүүлчийн хүүхдүүд ба харь гарагийн найз

42 хоногийн өмнө би жирийн нэгэн хүү байлаа. Харин одоо би өдөр болгон шахуу зомбинуудтай, аварга мангасуудтай тулалдаж байна. Галзуу байгаа биз? Гэхдээ би зомбинуудын үхлийн халз тулаанд хэрхэн орохоо аль хэдийн төлөвлөсөн...Надад амжилт хүсээрэй!

Дэлхий дээрх сүүлчийн хүүхдүүд ба хар дарсан зүүдний хаан

СҮҮЛЧИЙН НЭВТРҮҮЛЭГ! Арван цагт! Одоо аль хэдийн 19:15 болжээ! Бид үүнийг ажиллуулж чадна аа, Би амлаж байна.” Хаан мангасыг найзуудаасаа хэсэг хугацаанд холдуулах хэрэгтэй боллоо. Ямар нэгэн зүйл хийх хэрэгтэй. Хэрэв би чадахгүй бол тэд радиог ажиллуулж чадахгүй. Тэд нэвтрүүлгээ сонсож чадалгүй алдах болно. ХЭН Ч МИНИЙ НАЙЗУУДЫН РАДИО АЖИЛЛАГААГ НУРААХ ЁСГҮЙ.

Дэлхий дээрх сүүлчийн хүүхдүүд (5 бүтээлт цуврал)