Эрх чөлөө үгүй газар хариуцлага гэж байхгүй. Харин эрх чөлөө байгаа газар хэн хэнийгээ хүндэтгэж бас эрхэмлэнэ. Эрх чөлөө ухамсарт үйл ажиллагаа тул хариуцлага болон үүрэг дагадаг. Харин дураараа, дур зоргоороо, эрх дураараа үйлдлүүд ямар ч хариуцлага үгүй бас үүрэг үгүй. Зүгээр л дураараа аашлах шүү дээ.

Эрх чөлөө-Эрхэм үг

Хэн хэнээс юугаараа илүү гэж? Юундаа илүү гарах гэж эсвэл илүү болох гэж хөөрнө вэ? Тэгш эрхтэй газар хүн бүрт тэгшхэн боломж олдох ёстой. Үгүй гэвэл төр ярих ч хэрэггүй.Тэгш эрх болон хүний эрх зүгээр нэг үзэл бодол, үзэл баримтлал эсвэл ертөнцийг үзэх үзэл биш харин журам, дүрэм, эрдэм бөгөөд Үндсэн хуулийн нэг заалт байх ёстой.

Тэгш эрх-Тэгш боломж

Шударга ёс гэдэг хэн хэнийгээ гэх, өөрөөр хэлбэл чи тийм бол би тийм гэсэн өгөө авааны тухай ойлголт. Шударга ёс гэдэг нийгэмийн ёс суртахууны хэм хэмжүүр, хүмүүс хоорондын зарчим цаашлаад сурч, эзэмшиж, хэрэгжүүлэх ёстой эрдэм.Шударга ёс зөвхөн өгөгдсөн биш, шударга ёсыг хаана ч хэзээ ч хэнээс ч шаардах ёстой. Төрийн алба болон эрх зүйн байгууллагууд шударга ёсыг түгээх албан ёсны байгууллагууд. Шударга ёс хайр дурлалд, шашинд, улстөрд хэрэгжих ёстой мэдээжийн үнэт зүйл. Хэрвээ тэнд шударга ёс байхгүй гэвэл үнэн байхгүйтэй адил. Үнэн байхгүй гэвэл худал хуурмаг эзэлнэ. Худал хуурмаг нийгэмд хүмүүс зөвхөн л гомдоно, өрөвдөнө. Бид ялна биш харин бид ялагдсан гэмээр.Шударга ёс болон тэгш эрх хоёр нийлж эрх чөлөөгболомжтой болгодог. Энийг л ардчилалын зарчим гэнэ.

Молор-Эрдэнэ цуврал (9 бүтээлт цуврал)