Энд өгүүлэх бүхэн итгэл найдвар дүүрэн зүрх сэтгэл дэлхийг өөрчлөх хүчтэйг нотлон харуулна. Эдгээр хатан зоригт эмэгтэйчүүдийн түүх охидыг урам зоригоор бялхааж, гоо үзэсгэлэн гэдэг нас үл харгалзан өөр өөрийн өнгөтэй оршин байдгийг ойлгуулж, залуу охидыг гайхшруулах болно. Номыг уншсан хүн бүр хүсэл тэмүүлэл, сониуч зан, өгөөмөр сэтгэлээр дүүрэн явах нь жинхэнэ амжилт, аз жаргал гэдгийг олж мэдээсэй. Амьдралынхаа үнэ цэнэтэй хором мөч бүрт аз жаргалтай байж, шинийг эрэлхийлж явах хэрэгтэй гэдгээ битгий мартаарай. Тэрслүү охидод зориулсан бяцхан түүхүүд олон талаараа үеийн үед үнэ цэнээ хадгалсаар байх болно. Тухайлбал ном бүтээхэд маш их хэмжээний мөнгөн хандив дал гаруй орны хүмүүсийн дэмжлэгээр босч, түүгээр ч зогсохгүй дэлхийн өнцөг булан бүрээс авьяаслаг эмэгтэй зураачид сайн дураараа хамтран ажилласан зэрэг олон шалтгаан бий. Залуу охид ирээдүйн амьдралд нь тохиож болох бэрхшээл бүхэнд бэлтгэлтэй байх хэрэгтэй. Гэхдээ тэр бүхэн дааж давшгүй зүйл биш гэдгийг ойлгох, аливаад сэтгэлийн хаттай байх нь хамгаас чухал. Саад тотгор, гутрал гунигийг даван туулах өөрийн замаа олж, яг л энэхүү номд бичигдсэн гайхалтай эмэгтэйчүүдийн нэгэн адил хойч үедээ үлгэр дууриал болж хүч тэнхээ хайрлаарай. Дэлхийн өнцөг булан бүрт буй хүсэл тэмүүллээр дүүрэн тэрслүү охидоо хязгааргүй мөрөөд, өөдөө тэмүүл, шаргуу тэмц, хэзээ ч бүү шантраарай!

100 гайхалтай эмэгтэйн амьдрал

Тэрслүү охидод зориулсан бяцхан түүхүүд

Нью-Йорк таймсын дуулиан тарьсан бестселлерийн хоёр дахь боть дэлхийн өнцөг булан бүрд аж төрж буй охид, том мөрөөдөж, илүүд зорин, шаргуу хөдөлмөрлөх урам зориг өгөх болно. Тэрслүү охидод зориулсан бяцхан түүхүүд 2 ном нь, Нефертитиэс эхлээд Бейонсе, Розалинд Франклин, Ж.К.Роулинг гэх зэрэг ер бусын эмэгтэйчүүдийн тухай зуун бяцхан түүхийн цоо шинэ түүвэр юм. Хатан хаан болон тэмцэгч, балетчин хийгээд хуульч, далайн дээрэмчнээс авхуулаад компьютерийн мэргэжилтэн, сансрын нисгэгчээс зохион бүтээгч хүртэлх энэхүү гайхалтай эмэгтэйчүүдийн түүхийг зэрэгцүүлэн өгүүлснээр, боломжийг бодит болгож чадах сэтгэл хөдөлгөсөн мэдрэмж төрөх учиртай.  

Тэрслүү охидод зориулсан бяцхан түүхүүд-2

Уг номд &nbsp;дэлхийн бүх охидод тохиолддог бие физиологийн өөрчлөлт, эрүүл мэнд, гоо сайхан, сэтгэл зүйн асуудлыг дэлгэн өгүүлж товч тодорхой хариулт өгснөөрөө онцлог юм. Шилжилтийн нас, өсвөр нас хэмээх тун гайхалтай ч, нэлээд адармаатай үеэ ойлгож, өөрийгөө хайрлахад нь тэрслүү охидод тус болох билээ. Энэхүү ном нь “Надад юу тохиолдоод байна аа?”, “Миний сарын тэмдэг ирчихлээ”, “Охидын асуудал”, “Анхны хайр” зэрэг нийт 9 бүлэгтэй бөгөөд бүлэг бүрд тухайн асуудал юунаас болж үүсдэг, ямар өөрчлөлт гардаг, хэрхэн шийдэх боломжтойг товч тодорхой өгүүлсэн байна. Тиймээс эцэг эх, асран хамгаалагчдын төдийлөн сайн ярилцдаггүй, ярилцахаас эмээдэг сэдвүүдийг тэрслүү охидод хүүрнэн өгүүлж, амьдралынхаа нэгэн онцгой, ер бусын үеийг бэрхшээл багатай, ханьтай даван туулахад туслах юм.Уг номын зохиолч Елена Фавилли бол Нью-Йорк Таймс сонины бестселлер зохиолч, сэтгүүлч бөгөөд өмнөх түүхүүдээрээ хүсэл мөрөөдлийнхөө төлөө зоригтойгоор тэмцэн, замд таарсан хэцүү бэрх бүхнийг хүч чадлаараа даван туулж, амжилтад хүрсэн гайхалтай эмэгтэйчүүдээр дамжуулан охидод урам зориг хайрлаж байсан бол энэ удаад “Тэрслүү охидын хөтөч” номоороо өсөж буй бүх тэрслүү охидын эрүүл мэнд, бэлгийн боловсролд санаа тавьж, найз нөхөд шиг, ээж эгч шиг нь зөвлөж, чиглүүлж, хайр халамжаа түгээж байна.

Өөрчлөгдөж буй бие махбодыг таньж мэдэх

Тэрслүү охидын хөтөч

Тэрслүү охидод зориулсан бяцхан түүхүүд цувралын Урам зориг, өөрчлөлт авчирсан 100 охин номд бидний мэдэх алдарт жүжигчин Зендаяа, дуучин Билли Айлиш, Тэйлор Свифт, байгаль орчны эрхийн төлөө тэмцэгч Амелиа Телфорд, сагсчин Эй’жа Уилсон зэрэг олон охидын сонирхолтой түүх багтжээ. Өөрсдийн амьдарч буй нийгэмдээ тулгарсан асуудлыг шийдэхээр сэтгэл шулуудсан зоримог охид, өөрт тулгарсан бэрхшээлээ даван туулж өөрсдөдөө болон бусдад урам зориг өгсөн бахархам охидын түүх уншигч танд ч бас урам зориг өгч, хийж бүтээх сэдлийг өрдөх болно. Бусдын төлөөх сэтгэл, оргилсон хүсэл мөрөөдөл, өдөр бүрийн хичээл зүтгэл чинь бүгд нийлээд агуу их өөрчлөлтийг бүтээдгийн жишээ эл номд тодхон бий.

Урам зориг өөрчлөлт авчирсан 100 охин

Өнөөгийн нийгэмд өсөж том болно гэдэг үнэхээр догдолмоор хэр нь бэрх ажил шүү. Найзуудтай болох, супер хүчээ нээж, дуу хоолойгоо олох гээд хэцүү зүйлс олон. Мөн бие махбодын өөрчлөлт, сургуультай холбоотой стресс, нийгмээс үүдсэн сэтгэл түгшил гэх мэт санаанд оромгүй зүйл нэлээд их. Толгой эргэмээр шүү! Гэхдээ энэ бүгдийн учир шалтгааныг ойлгон, даван туулж, хүчирхэг нэгэн болж өсөхөд энэхүү хөтөч туслах болно. Уг номд охидод хэрэгтэй бүх мэдээлэл багтсан бөгөөд өөртөө бүрэн дүүрэн итгэлтэй байхад чинь тусална.