Япон хэлийг сурахаар зорьсон хүн бүхэнд зориулж “Минна но Нихонго” анхан шатны үндсэн сурах бичгийн 1-ийн нэмж засварласан 2 дахь хэвлэлийг “Монсудар” хэвлэлийн газраас албан ёсны эрхтэйгээр эрхлэн гаргаж байна. Энэхүү сурах бичиг нь хэвлэгдсэн цагаасаа хойш япон хэл сурч буй хэн бүхэнд хөгжилтэй, хялбар дөхөм аргаар сурахуйц, мөн багшийн хувьд ч гэсэн сонирхолтойгоор заах боломжтой хамгийн сайн сурах бичгээр шалгарч, олон улсад хэрэглэгдэж байна.  “Минна но Нихонго” анхан шатны үндсэн сурах бичиг 1-ийн нэмж засварласан 2 дахь хэвлэл нь CD-тэй гэдгээрээ онцлог бөгөөд япон хэлийг эхлэн суралцаж буй хүмүүс үзэхэд тохиромжтой юм. Энэхүү сурах бичиг тухайн орчин нөхцөлд мэдлэгээ хэрэглэх чадварыг эзэмшүүлэх, тодорхой сэдэв бүхий 25 хичээлтэй. Хичээл бүр нь хэлний бичих, уншиж ойлгох, ярих, сонсож ойлгох 4 талт чадварыг сайжруулах дасгал, даалгавруудтай, мөн өдөр тутмын идэвхтэй хэрэглээний харилцан яриаг оруулж, гар зургуудаар баяжуулсан болно. Дасгал даалгаврууд нь а). хэлзүйн бүтцийг сурах в). өгүүлбэрийн загварыг ойлгох с). аман ярианы чадварыг хөгжүүлэх буюу агуулгыг баяжуулах, өөрөө зохиож орлуулах гэсэн шаталсан 3 түвшинтэй. Хавсралт хэсгээс судалсан бүх хичээлийнхээ мэдлэг чадварыг бататгаж, шалгах боломжтой.  

Минна но Нихонго: Үндсэн сурах бичиг 1

Япон хэлийг сурахаар зорьсон хүн бүхэнд зориулж “Минна но Нихонго” анхан шатны орчуулга, дүрмийн тайлбар 1-ийн нэмж засварласан 2 дахь хэвлэлийг “Монсудар” хэвлэлийн газраас албан ёсны эрхтэйгээр эрхлэн гаргаж байна. Энэхүү сурах бичиг нь хэвлэгдсэн цагаасаа хойш япон хэл сурч буй хэн бүхэнд хөгжилтэй, хялбар дөхөм аргаар сурахуйц, мөн багшийн хувьд ч гэсэн сонирхолтойгоор заах боломжтой хамгийн сайн сурах бичгээр шалгарч, олон улсад хэрэглэгдэж байна.  'Минна но Нихонго' анхан шатны орчуулга, дүрмийн тайлбар 1-ийг үндсэн сурах бичиг 1-тэй хослуулан хэрэглэх нь зүйтэй. Уг ном тодорхой сэдэв бүхий 25 хичээлтэй бөгөөд хичээл бүрт дараах зүйлс багтсан. Үүнд:   '- Шинэ үг хэллэг, түүний орчуулга   '- Өгүүлбэрийн загвар, жишээ өгүүлбэр, харилцан ярианы орчуулга   '- Тухайн хичээлтэй холбоотой үг хэллэг болон Япон орны талаарх богино хэмжээний мэдээ, танилцуулга   '- Өгүүлбэрийн бүтэц загвартай холбоотой чухал дүрмийн тайлбар бий.   Мөн үндсэн сурах бичиг дэх танхимын сургалтын орчуулга, түүнчлэн өдөр тутмын мэндчилгээ, харилцан яриа зэргийн орчуулгатай. Үндсэн сурах бичгийн ард өгөгдсөн туслах үгс, олон төрлийн холбоос үг, дайвар үг, түүний илэрхийлэл, үйл үгийн хэлбэрүүд, түүний өгүүлбэрт хэрхэн ашиглах зэргийг нэгтгэн, хавсралт хэлбэрээр орчуулан оруулсан. Тооны нэр, цаг хугацаа, тодорхой үе зэргийг хэрхэн илэрхийлэхийг үзүүлсэн хүснэгттэй.  

Минна но Нихонго: Орчуулга, дүрмийн тайлбар 1

Япон хэлийг сурахаар зорьсон хүн бүхэнд зориулж “Минна но Нихонго” анхан шатны үндсэн сурах бичгийн 2-ийн нэмж засварласан 2 дахь хэвлэлийг “Монсудар” хэвлэлийн газраас албан ёсны эрхтэйгээр эрхлэн гаргаж байна. Энэхүү сурах бичиг нь хэвлэгдсэн цагаасаа хойш япон хэл сурч буй хэн бүхэнд хөгжилтэй, хялбар дөхөм аргаар сурахуйц, мөн багшийн хувьд ч гэсэн сонирхолтойгоор заах боломжтой хамгийн сайн сурах бичгээр шалгарч, олон улсад хэрэглэгдэж байна.  “Минна но Нихонго” анхан шатны үндсэн сурах бичиг 2-ын нэмж засварласан 2 дахь хэвлэл нь CD-тэй гэдгээрээ онцлог бөгөөд япон хэлний суурь мэдлэгтэй хүмүүс үзэхэд тохиромжтой. Энэхүү сурах бичиг тухайн орчин нөхцөлд мэдлэгээ хэрэглэх чадварыг эзэмшүүлэх, тодорхой сэдэв бүхий 25 хичээлтэй. Хичээл бүр нь хэлний бичих, уншиж ойлгох, ярих, сонсож ойлгох 4 талт чадварыг сайжруулах дасгал, даалгавруудтай, мөн өдөр тутмын идэвхтэй хэрэглээний харилцан яриаг оруулж, гар зургуудаар баяжуулсан болно. Дасгал даалгаврууд нь а). хэлзүйн бүтцийг сурах в). өгүүлбэрийн загварыг ойлгох с). аман ярианы чадварыг хөгжүүлэх буюу агуулгыг баяжуулах, өөрөө зохиож орлуулах гэсэн шаталсан 3 түвшинтэй. Үндсэн сурах бичиг 1-тэйгээ агуулгын хувьд залгамж холбоотой тул 26-50 гэж хичээлүүд нь үргэлжлэх юм. Хавсралт хэсгээс судалсан бүх хичээлийнхээ мэдлэг чадварыг бататгаж, шалгах боломжтой.  

Минна но Нихонго Үндсэн сурах бичиг 2

Монсудар хэвлэлийн газраас нэмж засварласан 2 дахь хэвлэлийг эрхлэн гаргасан болно. Монгол улсад япон хэлний сургалт явуулж буй их дээд сургууль болон ахлах, дунд сургуулиуд өнөө үед дэлхий дахинд түгээмэл хэрэглэгдэж буй энэхүү сурах бичгийг ашигладаг. Сурах бичиг дүрмийн тайлбар, япон үгсийг үсгийн дараалалаар толгойлон, ханз үсэг болон монгол тайлбарын хамт эмхтгэсэн толь бичиг бүхий нийт 25 хичээлтэй. Тухайн хичээлийг ойлгосон эсэхээ шалгахын тулд номын жишээ өгүүлбэр, харилцан яриа, дасгалуудыг ажиллаж, зөв хариутай нь тулгаарай. Мөн дүрэмтэй холбогдсон богино хэмжээний унших эхүүдтэй. Энэхүү ном нь япон хэл сурч буй монголчууд та бүхэнд тус нэмэр болно гэдэгт найдаж байна.    

Минна но Нихонго (4 бүтээлт цуврал)