"Хурдан-Амар” хөзөр нь Америкт хамгийн өндөр гүйлгээтэй байгаа ""Quick and Easy"" мэргэний Тарот хөзрийн орчуулга юм. Тарот мэргэний хөзөр нь энэ ертөнцийн бүхий л давхаргын хүмүүсийн анхаарлыг хэдэн зууны турш татсаар, тэдэнд урам зориг өгсөөр ирсэн тул хаад ноёдын шүүгээнд ч, хамаг ардын халаасанд ч байнга явж, эзнийхээ сүнслэг ертөнцийн түшиг тулгуур нь болсоор иржээ. Бүр 15-р зууны үед Италид анх үүссэн Тарот хөзрийг анх Францын Жан-Батист Аллиетт мэргэ төлөгчийн хэрэгсэл болгон хувиргасан гэдэг. Тэрээр Эттейла хэмээх нууц нэрээр Тарот хөзрийн тайллыг анх бичиж алдаршуулжээ. Монгол тайлалтай, 78 ширхэгтэй ""Хурдан - Амар"" хэмээх хөзөр Эттейлагийн анхны бичсэн 78 картын анхны хувилбараас орчуулагдсанаараа онцлог! Мөн хөзөр бүрд зориулагдсан тодорхой утга нь тухайн хөзөр дээрээ эерэг, сөрөг аль аль талаараа хэвлэгдсэн тул шууд уншиж тайлахад АМАР бөгөөд ХУРДАН. Хөзрийн тайлал нь зурхай, тоон зүй болон бусад эзотерик сүнслэг мэдлэгтэй холбосон олон зууны туршлага дээр суурилсан.