Манай дэлхийн экосистем, түүний гол цөм, төв объект болох хөрсний үүрэг, ач холбогдлыг үнэлж баршгүй. Хөрс үгүй бол хүнс үгүй! Тиймээс бид хөрс хэмээх байгалийн онцгой биетийн тухай нарийн утга учрыг системийн хувьд сайтар ойлгохгүйгээр байгалийн бүхий л баялаг, түүний дундаас хөрсийг зөв зохистой ашиглах, үр дүнтэй хамгаалах боломжгүй. Энэ утгаараа хөрсийг шинжлэх ухаанчаар бүх талаас нь судлах, танин мэдэх зайлшгүй шаардлагатай, ялангуяа энэ салбарт түгээмэл хэрэглэгддэг нэршил, нэр томьёог оновчтой ойлгож, таньж мэдэх явдал чухал юм.