Энэхүү бүтээл нь Дэлхийн эдийн засгийн форумаас хамгийн чухалд тооцогдох ур чадварын нэг нухацтай сэтгэлгээ (critical thinking)-нд суралцах сурах бичиг юм.
Аливааг нухацтай, ул суурьтай шинждэг, мэдээлэлд дархлаатай иргэн бэлдэхэд хувь нэмэр оруулах зорилготой.Монголд энэ чиглэлийн цогц сурах бичиг байгаагүй тул бид гаднын номоос үлгэр жишээ авсан. Гол эх сурвалж болгон Брүүк Мүүр, Ричард Паркер нарын “Нухацтай сэтгэлгээ” сурах бичгийг ашиглалаа. Гэхдээ номыг бүтээхдээ уг сурах бичгийг шууд орчуулаагүй болно. Сурах бичигт монгол хүний амьдрал ахуй, өнгөрсөн ба өнөө цаг үеэс эшлэн жишээ авсан нь уншигчдад дөхөм, ойлгоход хялбараараа онцлогтой.
Номын бусад онцлог
Номын бүлэг бүрийн эхэнд суралцах гол сэдвийг жагсаан бичсэн. Бүлгийн дунд ба төгсгөлд дасгал ажилтай. Дундаа тухайн бүлэгт хамаарах сонирхолтой баримт бүхий шигтгээ, онцлох эшлэл, санамж зэрэг чимэглэлтэй. Түүнчлэн бүлгийн төгсгөлд гол агуулгыг базсан “дахин сэргээх” хэсэгтэй. Төгсгөлд гол нэр томьёоны тайлбар болон эх сурвалжийн жагсаалтыг оруулж өгсөн. Харин номын төгсгөлд 100 орчим гол нэр томьёоны тайлбарыг цагаан толгойн дарааллаар нүүрний дугаар зааж оруулсан. Мөн бусад нэр томьёо, зарим орчуулгын хадмалыг индексээр оруулав.