Нэрт Монголч эрдэмтэн Жамсрангийн Цэвээний амьдрал, уран бүтээл, хийж бүтээсэн зүйлийг сонирхон судалж судалгааны гол сэдвээ болгож 1990-д оны дунд үеэс бичиж байсан эрдэм шинжилгээний илтгэлүүд, болон бусад илтгэл, нийтлэлүүд маань эх хувиараа олдохгүй болсныг анзаарч, хайж цуглуулж эмхлэн нийтлэхээр шийдсэн юм. Энэхүү эмхэтгэлд орсон цөөн тооны нийтлэл итгэлүүд маань судалгаа шинжилгээ хийдэг, уншиж судалдаг хүн бүхэнд тэр тусмаа нэрт Монголч эрдэмтэн Жамсрангийн Цэвээн болон Буриадын сэхээтнүүд хэрхэн Монгол түмнийхээ төлөө тэдний хийж бүтээсэн бүхнийг сонирхон судалж цаашид эрдэм судалгааны ажлын эргэлтэд оруулахад чухал ач холбогдолтой гэж үзэж байна.