Сүүлийн үед азийн орнууд гэлтгүй дэлхий нийтээрээ еврейчүүдийн хүүхэд хүмүүжүүлэх арга арилд анхаарал хандуулж өөрсдийнхөө боловсролын сул талыг олж харахыг хичээцгээж байна. Уг номын зохиогч нь еврей гаралтай, боловсролын биохимич мэргэжилтэй ч хүүхэд өсгөх явцдаа боловсролын чиглэлээр суралцаж, гурван хүүхдээ еврейчүүдийн уламжлалт аргаар хүмүүжүүлсэн эх хүн юм. Дэлхийд улс төр, эдийн засаг, нийгэм, байгалийн шинжлэх ухааны суутнуудыг төрүүлж, өсгөн хүмүүжүүлсэн еврейчүүдийн ‘хүүхдийг бусадтай адилгүйгээр өсгөх’ арга барил, хүүхдийнхээ оюуны чадавхыг хөгжүүлдэг нууц, сургуулийн өмнөх насны боловсрол ялангуяа гэрийн хүмүүжилд хэрхэн анхаардаг талаар энэ номд дурдах болно. Хүн амьдрах хугацаандаа эд зүйлээ алдах, дээрэмдүүлэх, залилуулах зэрэг үй олон гай тотгортой таарч, үгээгүй хоосон болж ч болно. Гэвч “Бусдад алдаж, булаалгаж болдоггүй зүйл бол мэдлэг, амьдралын ухаан” гэсэн үгийг Еврейчүүд бүхнээс илүү эрхэмлэдэг. Энэ утгаараа үр хүүхдэдээ мэдлэг, амьдралын ухааныг өвлүүлэх гол үүргийг “ЭЦЭГ” гүйцэтгэх ёстой хэмээн итгэж, хэрэгжүүлсээр иржээ. Еврейчүүдийн сод билэг, онцгой оюун ухаан, гойд чадвартай байдаг нууцыг энэхүү 52 аргаар дамжуулан хүргэхийг зорьсон юм.