Багаасаа нөхөрлөсөн гурван найзын нэг мөрийтэй тоглоом, эд хөрөнгөд донтож яваад хоосордгийн даваан дээр эзэнгүй орхигдсон хуучны хашаа байшинг мөрийд хожно. Ингээд тэр хашаа байшингаа зуслангийн зориулалтаар ашиглана, засна гэж яваад сураг тасрав. Түүний араас ээжийнх гуйлтаар хоёр найз нь очиход нөгөөх эр байшингийнхаа зооринд хагас үхлүүт олдоно. Өмнөх эзэн нь учир битүүлэг байдлаар нууцлаг хүмүүсийн гарт амиа алдсан хаягдмал байшингийн зооринд буй эртний номын үсэгтэй лацадсан тагтай зэс сав тэдний анхаарлыг татав. Ямар нэг далдын хүчинд өөрийн мэдэлгүй ховсдуулсан нэг нь бөглөөг сулласнаар бүгд ухаан балартаж учир битүүлэг адал явдал эхэлдэг. Залуус нар ургах үед хаа нэгэн газарт гэнэт ухаан орох бөгөөд юугаа ч үл санана. Хотод мөрийтэй тоглоомын газар, банк, валют солих цэг зэрэг мөнгө, эд агуурстай газруудыг цувралаар дээрэмдэх, охид бүсгүйчүүдийг хүчиндэх, орой үдшийн цагаар танхайрсан, хар тамхи, архи хууль бусаар худалдаалсан, эрх мэдэлдээ дулдуйдан гэмт хэрэг өдүүлээд “уснаас хуурай” гарагчдыг харгисаар залхаах гэмт хэрэг цувралаар гарч хуулийнхны толгойны өвчин боллоо.
Хүсэл шуналаа эртний хорт бугийн шидээр хөллөгчдийн үйл явдал цаашид хэрхэн өрнөх, дөрвөн уулын дунд Туул голын хөвөөнөө эртний шарилаар мануулан дарсан ад зэтгэрийн уг гарвал, үүх түүх, хор уршиг юу болохыг энэхүү адал явдалт аймшгийн туужаас хүлээн авч уншаарай.