"Эерэг сэтгэл зүй" номын танилцуулга
Аз жаргал, сэтгэл ханамж, амьдралын утга учрыг хэрхэн бий болгох вэ? Бидний өдөр тутмын бодол, мэдрэмж, үйл хөдлөл амьдралд хэрхэн нөлөөлдөг вэ?
"Эерэг сэтгэл зүй" ном нь шинжлэх ухааны судалгаанд тулгуурласан, орчин үеийн сэтгэл судлалын хамгийн үнэ цэнтэй ойлголтуудыг хялбаршуулан хүргэж буй бүтээл юм. Энэхүү ном таныг эерэг сэтгэл зүйн хүчийг ойлгож, ашиглан, илүү аз жаргалтай, сэтгэл хангалуун амьдрахад тань туслах болно.
Ном нь дараах агуулгыг судалгааны баримт, сонирхолтой жишээгээр тайлбарлан харуулах болно. Үүнд:
o Эерэг сэтгэл зүй гэж юу вэ? – Аз жаргал, сэтгэл ханамжийг нэмэгдүүлэх шинжлэх ухааны үндэслэл
o Тархины үйл ажиллагаа ба эерэг сэтгэл зүй – Эерэг бодол, дадал зуршил бидний тархинд хэрхэн нөлөөлдөг вэ?
o Хүний 24 эерэг зан чанар – Таныг илүү хүчирхэг болгох зан чанарууд
o Буддизм ба эерэг сэтгэл зүй – Дотоод амар амгаланг олох ухаан
o Эерэг боловсрол – Хэрхэн үр дүнтэй, сэтгэл хангалуун, аз жаргалтайгаар суралцах вэ?
o Өдөр тутмын амьдрал, ажлын байр, гэр бүл, хүүхдийн эерэг сэтгэл зүй – Илүү үр бүтээлтэй, халуун дулаан харилцааг бий болгох нууц
Энэхүү ном нь зөвхөн онолын мэдлэг олгох бус, таныг сэтгэл зүйн хувьд илүү бат бөх, эрч хүчтэй, аз жаргалтай болгох бодит арга замуудыг танилцуулна. Уншигч та энэхүү номоор дамжуулан сэтгэл зүйн шинэ ойлголтуудыг нээж, амьдралдаа эерэг өөрчлөлтүүдийг авчрах боломжтой.