"Хэл зүйн шаталсан тогтолцоогоор үгийн дээд, өгүүлбэрийн доод түвшний нэгж болохын хувьд англи, монгол хэлний NP1 +P+NP2 бүтэц дэх харьцаа заасан Р нэгжийг хоёр хэлэнд орчуулахдаа гол төлөв Г-бүтцэд дулдуйдан үгчилдгээс үүдэн агуулгын хийгээд найруулгын гажуудал үүсгэдэг учраас энэ удаагийн судалгаагаараа дамжуулан орчуулах дараалал буюу аргачлалыг ерөнхий хэл шинжлэлийн үүднээс тайлбарлаж, зөв ойлголт өгснөөр NP1+P+NP2 бүтцийг агуулгын болоод найруулгын илүү оновчтой хувилбар гарган орчуулах, цаашилбал зөв бүтцээр алгоритмчилж, цахим хэлбэрт шилжүүлэх зэрэгт чухал алхам болно.Тодруулбал, хоёр хэлнээ харьцаа заасан Р нэгж ил болон далд хэлбэр (тэг хэлбэр (e))-ээр NP1 +P+NP2 бүтцийг үг зүй болон өгүүлбэр зүйн хоёр түвшинд үүсгэдэг ч энэ удаад өгүүлбэр зүйн шинжийг онцгойлон, үндсэн гурван бүлэг болгож, NP1+P+NP2 бүтцэд харьцаа заасан Р нэгжийн илэрхийлэх харьцааг тодорхойлсноор харьцаа заасан Р нэгж уг бүтэц дэх далд бүрдүүлбэрийг ил гаргах нэгэн хэрэглүүр юм гэсэн санал дэвшүүлж, энэ хоёр асуудлын хүрээнд хоёр хэлний NP1+P+NP2 бүтэц дэх харьцаа заасан Р нэгжийг зэрэгцүүлэн судалсны үндсэн дээр нийтлэг шинжүүдийг тогтоолоо. "