Зүү эмчилгээ ном нь уламжлалт анагаах ухааны эмч болон анагаахын мэргэжлээр суралцаж буй суралцагчдад зориулсан бүтээл юм.Эхний бүлэгт хятад анагаах ухааны онолууд, түүнийг анагаах ухаанд хэрхэн ашиглах зарчмуудыг оруулсан. Хоёр дах бүлэгт сүв тодорхойлох арга, зүүг биед оруулах арга техник, зүүний жорд нөлөөлөх хүчин зүйлс, зүү тавих үеийн хүндрэл, урьдчилан сэргийлэлт, сүв сонгох зарчим, зүү эмчилгээний цагийн тухай, онцгой сүвнүүдийн эмнэл зүйн хэрэглээ зэргийг тусгасан. Энэ бүлэгт сувгийн болон сувгийн бус сүвнүүдийн байршлыг гар зургийн хамт орууллаа. Суваг хэрдэсний олон улсын нэршил, сүвнүүдийн нэрийг суваг хэрдэс бүрд нь бичсэн. Гурав дах бүлэгт эмч нарын өргөн хэрэглэдэг болон бидний олон жилийн туршид хэрэглэж ирсэн сайн үр дүнтэй 300 гаруй эмчилгээний жорыг багтаасан. Энэхүү номыг ашиглахад ойлгомжтой байх үүднээс 3 бүлэг, 100 гаруй зураг, 16 хүснэгт, товчилсон үгийн жагсаалтыг хийлээ.