"Хүн аав, ээж гэх эрхэм нэрийн хүлээснээс хойш үр хүүхдэдээ сайхан бүхнийг л хүсэж, муу бүхэн холуур байгаасай гэж хүсдэг. Гэвч завгүй амьдралын өдрүүдэд, сэтгэл санааны хувирлуудад, ажил амьдралын бүтэлтэй, бүтэлгүй хормуудад эцэг, эхчүүд байнга ЭЕРЭГ, ЭРҮҮЛ үгсийг хэлж өгч чадахгүй үе олонтой байдаг. "Үрдээ ерөөх 9 хүсэл"" ном нь дараах 9 хүслийг агуулсан бөгөөд хүсэл бүр нь тусгай утга учир, хүний төлөвшилд чухал нөлөө үзүүлэх ерөөл, утга төгөлдөр үгсээр бичигдсэн. Түүнээс гадна 9 хүслийн ерөөлийг хүүхдийн 7 хүрдийг тэтгэх түлхүүр үгтэйгээр ерөөл болгон хувиргасан байгаа. Аав, ээж нар өөрийн хоолойгоор, өдөр бүр 5 хормыг энэхүү бүтээлийг үрдээ уншиж өгөх аваас үр хүүхдийнхээ далд ухамсарт энэ бичигдсэн бүх ерөөлийг шингээж, ирээдүйн амьдралын засал болж байх юм.Номын агуулга нь хүний амьдралын үнэ цэнийг илэрхийлдэг дараах 9 ерөөлийн хүслийг багтаасан бөгөөд тус бүр нь хүүхдэд зөвхөн амьдралын ухааныг бус, хувь хүний төлөвшил, итгэл найдвар, утга учрыг ойлгуулна:

1. Эрүүл энхийн хүсэл — Бие махбод, сэтгэл санаа эрүүл байх нь аз жаргалтай амьдралын үндэс.

2. Эд хөрөнгийн хүсэл — Хөдөлмөрийн үр дүн, амьдралын хэрэгцээг хангах чадвартай байх.

3. Боловсрол, танин мэдэхүй — Оюун ухааны тэлэлт, суралцах сонирхлыг дэмжих.

4. Анд нөхөд, хамтрагчид — Харилцааны чадвар, зөв хүрээлэл, үнэнч нөхөдтэй байх үнэ цэнэ.

5. Хань ижил — Хайр халамж, түшиг тулгуур, хамтран амьдрах ухааны тухай.

6. Үрийн хүсэл — Үр удмаа үргэлжлүүлэх, гэр бүлийн галыг бадраах заяа ерөөл.

7. Эзэн эрх, карьер — Өөрийн хүссэн амьдралыг бүтээх чадвар, зорилго, амжилтад хүрэх итгэл.

8. Энх амгалангийн хүсэл — Сэтгэл хөдлөлөө удирдах, тайван, уужуу оршихуйн чадамж.

9. Мөнхийн хүсэл: Хорвоод төрсөн утга учир — Амьдралын утга учир, хувь хүний үнэ цэнэ, хүн болж төрсний жинхэнэ утга.

Энэхүү бүтээл нь эдгээр хүслийг хүүхдэд зориулсан энгийн, гүн утгатай хэлбэрээр илэрхийлж, унших бүрд сэтгэл хөдөлгөм, итгэл найдвар төрүүлдэг ба эцэг эхчүүд үр хүүхдэдээ эерэг үгсийг өдөр бүр хэлж өгч байх юм.