“Надтай үлдээч” түүвэр зохиолын ном нь Чинзоригийн Халиун нь 1984 онд Улаанбаатар хотод төрсөн. “Надтай үлдээч” түүвэр зохиолын ном нь түүний бие даан гаргаж буй гурав дахь ном бөгөөд 2019 онд “Саарал” нэртэй богино өгүүллэгийн түүвэр ном, 2023 онд “Үл нүүдэллэх үүлс ба сэвэлзэх дурсамжууд” бэсрэг романаа хэвлүүлж байсан юм. 23 настайгаасаа богино өгүүллэг бичиж эхэлсэн Ч.Халиун нь зохиолуудаа хүний оюун ухааны гүнд байдаг ч хэзээ ч ил гаргадаггүй далд хүсэл тэмүүллээс ургуулан бичдэг. Жишээ нь амьдралынхаа туршид нэг ч удаа хэлж зүрхлэхгүй үг юм уу аль эсвэл хэзээ ч үйл хэрэг болгож чадаагүй бодол сэтгэлийг нь метафор, хийсвэрлэл, зөн билгийн ертөнцийг ашиглан бодит ертөнцтэй холбохыг зорьдог юм. Мөн түүний зохиолуудад “дурсамж” хамгийн том байр суурийг эзэлдэг бөгөөд амьдралын салшгүй хэсэг болсон дурсамжийг тойрсон олон учралыг зохиолууддаа буулгахын сацуу аливаа дурсамжид хүрэх хамгийн дөт аргаар хөгжмийг сонгож зохиол бүрдээ ямар нэг байдлаар хөгжим дуу оруулдаг