Хомосапиенс буй болж нийгмүүдийн түүх эхлэх хүртэл байгалийн хувьслын түүхийг, мөн хомосапиенсаас хойших өнөөдрийг хүртэлх нийгмүүдийн түүхийг хүн төрөлхтөн үндсэндээ таньж мэдээд байна. Ийнхүү таньж мэдэхэд тусалсан үндсэн баримт, материал бол дэлхийн гадаргуу дахь геологийн үе, давхраанууд билээ. Геологийн үе, давхраа нэг бүр нь зузаанаас зузаан ном юм. Тэдгээрт дөрөв орчим тэрбум жилийн туршид энэ дэлхий дээр юу юу болоод өнгөрсний ул мөр, дардас, чулуужсан яс, бие, эрт үед байгаад устаж үгүй болсон амьтан ба ургамлын үлдэгдлүүд хадгалагдаж байна. Тэр бүхнийг ялгаж, салгаж аваад байгалийн хувьслын бүрэн түүхийн цогцолбор музей зуун дараалсан үзмэрүүдтэйгээр байгуулагдах ч байх. Тэр цагт 'Байгалийн хувьслын философи (сүүлийн 5 тэрбум жилийн жишээн дээр ) ' гэсэн ном ч мөн бичигдэх биз ээ. Тэр цагт судлаагүй зүйлээ мэдэмгийрхэн, тааварлан, гөрдөн, айлдаж, бичиж ирсэн гэгээнтнүүд болон хуурамчаар шинжлэх ухаанчирхагсдын хувьд хийх зүйл бараг л үл үлдэх болов уу.