Сайхан амьдрал: Аз жаргалын тухай хамгийн удаан үргэлжилж буй судалгаанаас суралцахуй
Сайхан амьдрал: Аз жаргалын тухай хамгийн удаан үргэлжилж буй судалгаанаас суралцахуй
Йелийн их сургуулийн Чандрика болон Ранжан Тандон нарын нэрэмжит сэтгэл судлалын тэнхимийн профессор, The Happiness Lab подкастын хөтлөгч Лори Сантос
Уолдингер, Шульц хоёрыг амьдралыг утга учиртай болгодог санаанд оромгүй зүйлсийн тал дээр дэлхийн хэмжээний мэргэжилтнүүд гэхэд хилсдэхгүй. Тэдний энэ бүтээл урьд өмнөхөөсөө ч илүү даамжирсан ганцаардал, гуниг гутрал зэрэг асуудалтай тулгамдаад буй дэлхийн зон олонд зориулсан зөвлөгөөгөөр баялаг.
Grit номын зохиогч Анжела Дакворт
Амьдралын олон янзын зөвлөгөө, ялангуяа шинжлэх ухааны судалгаанд суурилсан зөвлөмжүүдээс Шульц, Уолдингер нарын бүтээл маш өөр. Тэд номдоо насанд хүрсэн хүмүүсийн хөгжлийн тухай түүхэн дэх хамгийн цогц судалгааг ашиглан сайхан амьдралыг юу, хэрхэн бүтээдгийг бичжээ.
Кеннедигийн нэрэмжит Харвардын сургууль болон Харвардын бизнесийн сургуулийн профессор, Нью Йорк Таймсын #1 зохиогч Артур С.Брүүкс
Та сайхан амьдралын нууцыг мэдмээр байна уу? Тэгвэл үүнийг Уолдингер, Шульц нар энэхүү гайхалтай номоороо дамжуулж та бүхэнтэй хуваалцжээ. Хүмүүсийн амьдралыг шинжлэхэд хамгийн урт хугацааг зарцуулсан судалгаанд үндэслэсэн Сайхан Амьдрал ном ямар хүн аз жаргалтай амьдарч, бас ямар нь чаддаггүйг учир шалтгааны хамтаар өгүүлнэ. Түүгээр ч зогсохгүй уншигч бээр энэ номд агуулагдсан мэдээллийг хэрхэн өнөөдрөөс эхлэн ашиглахаа ч мэдэх боломжтой.
Нью Йорк Таймсын шилдэг борлуулалттай Stumbling on Happiness номын зохиогч, PBS сувгийн This Emotional Life цувралын хөтлөгч Дэниел Гилберт
Сайхан амьдрал ном хүмүүсийн амьдралын тухай маш гайхалтай хийгээд ховорхон тохиох судалгааны түүхийг өгүүлнэ. Энэхүү мэдлэг мэдээллээр баялаг, баримт нотолгоогоор дүүрэн, онц сонирхолтой ном уншигч таны өмнө аз жаргалын нууцыг дэлгэхийн сацуу энэ бүхэн анхнаасаа нууц байгаагүйг ухааруулна.
Зохиолчийн бусад номууд
Ихэвчлэн хамт авдаг
Санал болгох
Танилцуулга
Аз жаргалтай амьдралын нууц гэж байдаг болов уу? Энэ асуултын хариуг олохоор Харвардын судлаачид зуун зуун хүмүүсийг хэдэн үеэр нь амьдралынх нь туршид судалжээ.
Хувь хүн болон гэр бүл, найз нөхөд, хамтран ажиллагсдын мянга мянган түүхээс тодорсон цор ганц хариулт энэ номд бий. Амьдралд амт оруулж, сэтгэл цатгадаг үнэ цэнтэй орц юу юм бол? Сайхан амьдрал номд өгүүлснээр хүн хоорондын харилцаа хамгийн ач холбогдолтой ажээ. Харилцаа холбоогоо сайжруулахад, шинээр тогтооход хүртэл хэзээ ч оройтдоггүй бөгөөд үүнийг хэрхэн, яаж бүтээхийг бодит хүмүүсийн амьдралаар жишээ татан шинжлэх ухааны үндэстэй өгүүлжээ.
Др. Уолдингерын сайхан амьдралын тухай TED TALK яриаг 42 сая гаруй хүн үзсэн бөгөөд хамгийн их үзэгчтэй арван ярианы нэгээр шалгарчээ. Дэлхийд хамгийн удаан үргэлжилж буй судалгааны тухай уншиж, бодит хүмүүсийн амьдралаар зочлон хүн хоорондын харилцааны тухай илүү ихийг олж мэдээрэй.
Үзүүлэлт
- ISBN-13 : 978-9919-28-147-2
- Худалдаанд гарсан огноо : 2024-11-15
- Формат : Хатуу хавтастай
- Нүүрний тоо : 416 нүүр
- Эрхлэн гаргасан :
Монсудар хэвлэлийн газар
- Бүтээлийн хэл : Монгол
- Жин : 500 гр
- Хэмжээс : 210 x 135 x 12 мм
| ISBN-13 | 978-9919-28-147-2 |
|---|---|
| Худалдаанд гарсан огноо | 2024-11-15 |
| Формат | Хатуу хавтастай |
| Нүүрний тоо | 416 нүүр |
| Эрхлэн гаргасан | Монсудар хэвлэлийн газар |
| Бүтээлийн хэл | Монгол |
| Жин | 500 гр |
| Хэмжээс | 210 x 135 x 12 мм |
Зохиолчийн талаар
Харвардын насанд хүрэгчдийн хөгжлийн судалгааны дэд захирал, Брин Маур коллежид 1971 онд докторын зэрэг хамгаалсан Сью Кардасын нэрэмжит Сэтгэл судлалын тэнхимийн эрхлэгч. Шульц урьд нь Брин Маур коллежийн сэтгэл судлалын тэнхим болон Клиникийн хөгжлийн сэтгэлзүйн докторын хөтөлбөрийг ахлан удирдсан туршлагатай. Тэрээр одоогоор мэдээллийн шинжлэх ухааны хөтөлбөрийн удирдлагаар ажиллаж байгаа. Харвардын анагаахын сургуульд эрүүл мэнд, эмнэл зүйн сэтгэл судлалд пост-доктор судлаачаар ажилласан сэтгэл засалч юм.
Харвардын анагаахын сургуулийн сэтгэл судлалын профессор. Тэрээр Харвардын насанд хүрэгчдийн хөгжлийн судалгааны захирал, Массачусеттсийн нэгдсэн эмнэлэг дэх Психодинамик заслын хөтөлбөрийн захирал юм. Сэтгэл зүйч, АНУ болон олон улсад бясалгах арга зүйд сургадаг Зэн мастер (Роши) билээ.
Хэрэглэгчийн сэтгэгдэл
Сэтгэгдэл үлдээх
Нэвтрэх
Хэрэглэгчийн сэтгэгдэл байхгүй