Уг бүтээл нь зохиолчийн жир нэгэн дуртгал төдий бус харин төөрдөг байшин дотор гарц эрэн бэдчих мэт адармаатай дурсамжаа ухаж төнхөн, сэтгэл дотроо хийсэн гүн гүнзгий бөгөөд сэтгэл дэнслүүлэм аялал билээ. Эгэл жир амьдралыг нь орвонгоор нь өөрчилж, бусадтай харилцах харилцаа, сэтгэл зүй гээд ирээдүйн амьдралд нь асар их нөлөөлсөн нэгэн үйл явдал өсвөр ахуйд нь тохиолджээ. Тэрхүү үйл явдлаас ихэд ичин, өдөр тутмын амьдралд нь хэрхэн нөлөөлснийг зохиолч бээр илэн далангүй хүүрнэж, яг л судлаачийн байр сууринаас нарийн задлан шинжилж үнэлэн дүгнэжээ.

Эл зохиол нь уншигч авхай таныг өнгөрсөн амьдралаа өөрийн эрхгүй өөр нүдээр харах хийгээд тэр бүр ил гаргадаггүй, дотоод чанад дахь мэдрэмжүүдээ хүүхэд насны дурсамж, үйл явдалтай холбон бодоход хүргэх буй за.