Канадын нэгэн айл Аня Ширли хэмээх өнчин охиныг өргөж авна. Гэрийн эзэгтэй Мариллагийн уур бухимдалд хязгаар гэж байсангүй. Учир нь түүний ах Мэтью тэр хоёр асрамжийн газраас Ногоон Давхарлагийнхаа фермийн ажилд тус дэм болох эрэгтэй хүүхдийг өргөж авахыг хүсэж байсан аж...

     Гэвч мөрөөдөмтгий, шулуун шударга, ам хуурай байна гэж байдаггүй яриасаг охин Аня Ширли үүнд нь огтхон ч гонсойж, гомдохгүй. Охин яваандаа Авонлей тосгоныхны хайрыг булаах бөгөөд төрсөн биш ч гэлээ төрөл төрөгсөд нь болсон Марилла Мэтью хоёртоо үнэнч, буянтай сайн үйлсийг эрхэм болгосон, үзэсгэлэнтэй, даруухан бүсгүй болж өснө... 

Хэвлэгдсэн цагаасаа хойш мянга мянган охидын зүрх сэтгэлийг булааж, унших дуртай номоор нь хэдийнээ шалгарсан эл бүтээл өдгөө таны сонголтын өмнө байна. Хүүхдээ сонгодог зохиолд дуртай, номд хайртай нэгэн болгохыг хүсвэл огтхон ч эргэлзэлгүйгээр "Ногоон Давхарлагийн Аня" номыг аваарай. Учир нь үе тэнгийн нэгнийх нь амьдралын гайхамшигт түүх таны хүүхдийг ертөнцийг шинээр нээх нь дамжиггүй.