Зохиолч Херберт Уэллсийн бичсэн зохиолуудад компьютер, сансрын хөлөг, адроны хурдасгуур зэрэг орчин үеийн ямар ч сонирхолтой технологиуд гардаггүй хэдий ч, номууд нь номын дэлгүүрийн лангууг дүүртэл өрөөтэй, уншигчид ч туйлын ихээр сонирхон уншсан хэвээр байна.

     Түүний 1895 онд бичсэн "Цаг хугацааны машин" туужид гол баатар нь цаг хугацаагаар аялдаг тухай өгүүлсэн ба хамгийн анхны шинжлэх ухааны уран зөгнөлт зохиол юм. Зохиолчийг энэ тууждаа түүнээс арван жилийн дараа харьцангуйн онолоо дэвшүүлсэн Эйнштейний тухай зөгнөн өгүүлсэн гэж үзэх нь бий. Херберт Уэллсийн зохиол бүтээлүүдэд нэлдээдгүй дүрслэгддэг хүмүүсийн нүгэл хилэнц, арчаагүй сул дорой чанар 100-аад жилийн дараах өнөө цагт ч өчүүхэн төдий өөрчлөгдөөгүй хэвээр л байна...