Улс төрийн шинэ тоглогч Володимир Зеленский Украйны төрийн тэргүүний албанд томилогдсоноос хойш гурван жилийн дараа дайны удирдагчийн үүргийг хүлээхээс өөр аргагүй байдалд хүржээ. Хошин шогийн жүжигчин байсан тэр бээр гаднын түрэмгий халдлагын эсрэг цуст тэмцэлд улсынхаа өмнө үүрэг хүлээсэн эр зоригт манлайлагч болох болов.

Украйны төв нутагт еврей гэр бүлд төрж өссөн Зеленский 2019 онд ард иргэдийн улс төрд итгэх итгэлийг сэргээх амлалт өгөн, ерөнхийлөгчид нэр дэвшсэн билээ. Үнэмлэхүй ялалт байгуулсныхаа дараа тэрээр баярлаж хөөрсөн дэмжигчдэдээ, “Итгэлийг чинь алдахгүй” хэмээн амлаж байв. Гэвч тэр үед Зеленский 1945 оноос хойш Европын нутагт болж буй хамгийн хүнд хэцүү дайнд улс орноо аварч үлдэхийн төлөө оролцож, ард түмэндээ үйлчлэх болно гэдгээ мэдээгүй биз.