Бий Кюнигсвассарын амьдралын ухаан тун энгийн: Ийм үед Мари Кюри юу хийх байсан бол? Хэрвээ түүнд НАСА-ын нейро-инженерчлэлийн төслийг удирдах мөрөөдлийн мэт ажил санал болговол Мари лав эргэлзэлгүй зөвшөөрнө дөө. Балай юм. Гэхдээ шинэ цагийн физикийн эх болсон түүн шиг эмэгтэй лав Леви Вардтай хамтарч ажиллахгүй дээ. Мэдээж хэрэг Леви нэг тийм цоргисон харцтай, дүнсгэр, өндөр гэдгээрээ сэтгэл татам л даа. Гэхдээ Левигийн Бийг гэх сэтгэл их сургуульд байхын л тодорхой байсан юм - тэдэн шиг заналт дайснууд нэгнээсээ алсын алсад, өөр өөрийн галактиктаа амар жимэр ажиллаж байсан нь дээр.

Гэвч бүсгүйн судалгаанд хэрэгтэй тоног төхөөрөмжийн сураг алдарч, ажилчид түүнийг үл тоохын цагт өөрт нь тусалж, арыг нь дааж, санааг нь дэмжиж бас... харцаараа залгих шахаж буй Левиг үзээд Бий лав нүдэндээ ч итгэхгүй дээ. Тархины нь бүх холбоосыг идэвхжүүлж орхихоос өөрцгүй хэрэг.

Гэхдээ чин үнэнээсээ ойртож, сэтгэлээ дэнслэхийн цагт цор ганц асуудал л чухал болно: Ийм үед Бий Кюнигсвассар юу хийх вэ? 'Али Хэйзелвуд шинжлэх ухаан гал халуухан байж болох бөгөөд ‘ШУТИМ’-ын салбарын санаанд багтамгүй орон зайд ч хайр цэцэглэх боломжтой гэдгийг нотолж өглөө. Ойрын үед би түүний зохиолд хамгийн ихээр шохоорхон татагдаж байгаа'.