Бид өдөр тутамдаа асууж явдаг олон сонирхолтой “яагаад” асуултууд бий: - Тэнгэр яагаад дуугардаг вэ? - Газар яагаад хөдөлдөг вэ? - Хөргөгч хэрхэн ажилладаг вэ? - Лифт яаж дээш доош явдаг вэ? - Галт уул яагаад дэлбэрдэг вэ? - Нүүрс, нефть, уран, салхи зэрэг эх үүсвэрээс бид цахилгаан эрчим хүчийг яаж гаргаж авдаг вэ? Эдгээр энгийн атлаа хүн бүрийн мэдэхийг хүсдэг асуултад шинжлэх ухааны үндэслэлтэй тайлбарыг томъёо цөөн, ойлгомжтой, энгийн хэлээр хүргэх зорилготой цуврал бүтээл таны гарт хүрч байна. Энэхүү ном нь зөвхөн хүүхэд багачуудад төдийгүй эцэг эх, багш, оюутан, судлаач, шинжлэх ухаанд дуртай бүх уншигчдад зориулагдсан. 8–88 насны хүн бүрт шинжлэх ухааны сонирхолтой ертөнцөд нэвтрэх, мэдлэгийн цангаагаа тайлах, сониуч сэтгэлээ хөгжүүлэх боломжийг олгоно.