Академич, Шинжлэх ухааны гавьяат зүтгэлтэн Гэлэгпилийн Чулуунбаатар агсны туурвиж 1999 онд хэвлүүлсэн “XIX-XX зууны зааг үеийн Монгол дахь иргэний нийгмийн төлөвшил, хөгжил” нэгэн сэдэвт бүтээл нь торгон эхээрээ өв болон хэвлэгдэж байна. Философичдынхоо тухай ингэж өв болгон хэвлүүлэх нь хэд хэдэн ач холбогдол бүхий юм. Тэдний оюуны өвийг хадгалах, бүтээлүүдээс нь дахин хэвлэх нь хүртээмжтэй байдлыг бий болгох, санаа, ойлголтыг нь үргэлжлүүлэн судлах явдал юм. Өв болгон хэвлэснээр судалгааны орчинд шаардлагатай эх сурвалж болж, хойч үе нь ахмад үеийн эрдэмтдийн талаар илүү гүнзгий ойлголттой болох, шүүмжлэлтэй сэтгэх чадварыг хөгжүүлэх боломжийг бас олгож буй юм.