“Монгол улсад жилд дунджаар 17 мянган хүн амиа алдаж байгаа нь дэлхийн дунджаас 4 дахин өндөр байгаа бөгөөд үүний ихэнх хувийг гэмт хэргийн улмаас амь насаа алдсан хүмүүс эзлэж байгаа юм. Ер нь сүүлийн үед гэмт хэрэг гаралтын тоо тогтмол өсч өнгөрсөн онд улсын хэмжээнд нийт 27 мянга гаруй гэмт хэрэг бүртгэгджээ. Нийгмийн аюулгүй байдлын эсрэг гэмт хэрэг ихэссэн нь гэмт хэргийн эрсдэлийн индексийг нэмэгдүүлэхэд голлон нөлөөлсөн байна. Нийгмийн аюулгүй байдлын эсрэг гэмт хэрэг гэдэг нь террорист ажиллагаа явуулах, зохион байгуулалттай гэмт бүлэглэл байгуулах, түүнд элсэх зэрэг олон нийтийн аюулгүй байдал, ашиг сонирхлын эсрэг гэмт хэргийг хэлнэ”

Мэдээ анхааралтай сонсож байсан бармен залуу хананд өлгөөтэй зурагтынхаа удирдлагыг авснаа текний өндөр сандал дээр суугаад ширээн дээрх хундагатай вискигээ ширтэх жар гаруй насны бор царайтай хөгшнөөс

-Уучлаарай ах аа, дууг нь жаахан чангалвал танд саад болохгүй биз? гэж эелдгээр асуухад духанд нь гурван гүн үрчлээ суусан хөгшин эр бодлынхоо мананд сатаараад дуугарсангүй. Магадгүй сонсоо ч үгүй байх.

Тохой нь элэгдсэн хар өнгийн костюм, цагаан цамц өмссөн энэ хөгшин эр бямба, ням гарагаас бусад өдөр 15 цаг 30 минутанд уушийн газар (баар) орж ирээд текний өмнөх ширээнд тухлан нэг хундага виски захиалдаг юм. Илүү ч үгүй дутуу ч үгүй яг 50 гр. Хэнтэй ч юу ч ярилгүй, дэлхий дээр үлдсэн сүүлчийн балга усыг ууж байгаа юм шиг гүн бодолд автан хундагатай вискигээ шимж дуусгаад 16 цаг 30 минутанд уушийн газраас гарна. Энэ бүр хэвшил болжээ. Өдөрт нэг цагийг эндхийн тавилга мэт өнгөрөөх энэ хөгшин эрийг Болд гэнэ. Залуу насаа задгай мөнгө шиг гамгүй үрж явсны ул мөр нүүрэнд нь үрчлээ, үсэнд нь сор болон үлджээ.

Ойр хавьдаа нэр хүнд сайтай, оройдоо хүн пиг байдаг уушийн газарт өдрийн энэ цагт бараг хүн байдаггүй бөгөөд одоо ч бас ширээн дээрээ хэдэн шил шар айраг өрсөн гурван залуу, дөнгөж танилцаж буй хосоос өөр үйлчлүүлэгч алга. Ширээ нь дүүрэн байвал илүү сүртэй харагдана гэж боддог ядруухан сэтгэхүйтэй гурван залуу ноос ноолуур, махны үнэ ханш ярьж сууснаа удалгүй дуу нь чангарч хаанаас хүүхэн олж болох тухай маргаанд шилжив. Хятадуудыг дагаж хөдөөгүүр яван ноос ноолуур, арьс шир, мал мах цуглуулдаг хөлснийхөн гэдэг нь байж байгаа байдал, ярьж байгаа ярианаас нь илхэн. Сул олсон мөнгөө цул алт олсон дайтай сагсуурах тэдгээр залуусын чанга дуу, зэрлэг инээдийг тээршаасан бармен Болд руу тонгойн

-Тэд танд төвөг болж байна уу? гэж санаа зовон асуухад

-Яахав дээ, залуу хүмүүс хөгжилдөж байгаа биз. Наранд наргихгүй бол өөр хаана наргих вэ дээ гээд тоосонгүй.

Бусдаасаа илүү чанга дуутай, шар царайтай залуу “Наад новшийн зурагтаа унтраагаач” гэж чарлаа хоолойгоор ориллоо. Бармен ямар нэг зүйл авахаар арынхаа өрөөнд ороод эзгүй, харин Болд сонссон шинжгүй суусаар байсанд шар айрганд халамцсан шар залуу таахалзан алхсаар текэн дээр ирээд

-Хөөе өвгөн гуай, зурагтын мэдээгээ гэртээ чавганцтайгаа хамт үзээч! Энд бид дуу хөгжим сонсмоор байна гэхэд лангууныхаа ард ирсэн бармен “Уучлаарай, би дууг нь чангалсан юм” гээд зурагтынхаа удирдлагыг шүүрэн авч дууг нь намсгав. Онгироо гэдэг нь харваас илт шар залуу

-Энэ чинь баар юм уу хөгшчүүдийн цугладаг асрамжийн газар юм уу?! гэж гөлгөн нохой архирах мэт агсрахад бармен

-Уучлаарай, та бусдад саад болоод байна гэж нам дуугаар учирлалаа.

-Харин надад энэ зөнөг саад болоод байна! Би энд хүүхнүүд харж хөгжилдөх гэж ирсэн болохоос биш хөгшчүүдтэй зэрэгцэж суух гээгүй. Энийгээ зайлуул, эсвэл бид тооцоогоо хийхгүй! гэж зандчих залууг Болд ялаа дүнгэнэж байна чинээ тоохгүй урагш харан суусаар. Түүний энэ үл тоомсорлол залуугийн тэсвэрийг барж лангуу алгадан “Хөгшин төгцөг минь эндээс тонил!” гэж ориллоо. Хамт сууж байсан хоёр нь хүрч ирээд хажууд нь зогсоход онгироо залуу улам оодрон

-Хараал идсэн та нарын үеийнхнээс болж энэ улс хогийн сав болж хувирсан. Та нар үхэж дуусч байж Монгол улс хөгжинө! гэж загнахад зүүн чихэндээ алтан ээмэг зүүсэн залуу

-Бөгсний хуниас шиг царайтай юм чинь мөд үхэж далд орохгүй байх аа гээд адганан хөхрөхөд зулай дээрх урт үсээ ардаа боосон шөвгөр туранхай залуу нь

-Насны бөгс гэдэг нь яг энэн шиг царайтай байдаг байх даа хэмээн дагаж инээлээ.

Болд тэдний доромжлолыг үл тоон цагаа харвал 16 цаг 30 минут болж байсанд тооцоогоо хийгээд бүрх малгайгаа өмсөн сандлаасаа бослоо.

-Өмссөн малгайг нь хараач. Өөрийгөө гангстер гэж бодоод байгаа юм байх даа ха ха ха.

Залуу байхдаа дурладаг байсан стильдээ одоо ч үнэнч байгаа Болд 1930-аад оны Америк гангстерууд шиг харагдах ба энэ нь ч түүнд зохижээ. “Амаар аалз алах биш, үгээр өт үхэх биш арвалзахгүй бол ангалзаж л байг” хэмээн тэднийг үл тоосон Болд үл ялиг ихэмсэг ярвайн, нуруугаа цэхлээд хаалга руу алхахад шар залуу зангуу шиг салахгүй өмнө нь хөндөлсөж

-Чамтай ярьж дуусаагүй байхад үрчгэр өгзгөө над руу харуулах хэрэггүй шүү гэж архирлаа. Тэр юу ч хийхээс буцахгүй, найзууд нь юу ч хийсэн дэмжихээр шинжтэй харагдаж байв.

-Залуусаа ууснаа шингээж бай. Хүн хэрээрээ, тэмээ тэнгээрээ байх нь сайхан. Би та нарын өвөө байхаар хүн. Гар хөл чинь загатнаад байвал үеийнхээ залуустай ноцолд гэж аргадангуй хэлэх үед Boney M хамтлагийн дуу цангинаж гар утас нь дуугарлаа. Хэтэрхий чанга дуунаас нь санаа зовсон Болд сандарсандаа чанга яригч дээр нь тавьчихав. Цаанаас цангинасан хоолойтой охин

-Ахаа манай хичээл тарчихлаа гэхэд Болд хөмсгөө зангидаад

-За одоохон очлоо гээд утсаа салгалаа. Ээмэгтэй залуу ялгадас үнэртсэн юм шиг нүүрээ байдгаар нь үрчийлгэж

-Энэ муу төгцөг чинь насанд хүрээгүй охин чихдээд уба нь болчихсон овоо муу хөгшин юм гээч. Шар сэмжилсэн сармагчингийн төмсгийг тасдаад нохойд өгчихье л дөө гэхэд Болдын хүлцэнгүй ноомой төрх хувьсхийн өөрчлөгдөж хөмхий зуун, нударгаа зангидаад “Үүнээс цааш тэвчихгүй нь” хэмээн өөртөө зориулах мэт намуухан хэрнээ тодхон хэллээ. Шар залуу

-Эрхтнээ амандаа чихчихсэн юм шиг юундаа бувтнаад байгаа юм бэ? гээд цөөвөр чоно шиг хөхрөхөд өөдөөс нь шөвөг шиг хурц харцаар ширтэж

-Эрийн шинжгүй гомонууд минь, гай бололгүй далд орж үз. Цорж өтлөвч балиндаа, чоно өтлөвч хургандаа шүү! гэж хэр баргийн хүн айхаар сануулав. Гэтэл тэнэг залуус айсангүй. Шар царайт “Юу гэнээ төмсөг чинь” гэж орилоод гараа далайхад Болд багалзуурнаас нь огцом атган

-Өвөөгөө бармаар санагдаад байна юу? гэж чанга дуугаар асуулаа. Түүний шөрмөслөг гар залуугийн хоолойг бахь мэт атгаж амьсгалах аргагүй болгожээ. Нүүр нь мэнчийтэл улайсан залуу сул гараа савчин нөхдөөсөө тусламж гуйхад урт үстэй залуу “Найзыг минь тавиач” гэж чарлаад дайрав. Болд шар залууг түүн рүү түлхээд цээж рүү нь өшиглөхөд хоёул давхралдан уналаа. Хөгшин хүнээс гарахааргүй хурдаар энэ бүгдийг хийсэн тул ээмэгтэй залуу ангайн хөшөөд “Ямар новш нь болоод байнаа?” гэж дуу алдахад шалан дээр хэвтэж байсан шар залуу “Юугаа хараад зогсоод байгаа юм бэ, наадахаа алаач!” гэж хашхирлаа. Ээмэгтэй залуу өшиглөхөөр хөлөө өргөхөд Болд амжиж шилбэ рүү нь өшиглөөд тонгойход нь нэг гараараа заамдаж нөгөө гараараа шанаа руу нь дэлсэв. Залуугийн толгой далжисхийхэд дахин хоёр удаа хамаг хүчээрээ цохиж ухаан алдууллаа. Урт үст ухасхийн босч муухай орилон дайрахад Болд эрүүн доороос нь өлгөн цохивол хэлээ тас хазсан залуу арагш саван унаад амнаасаа цус садруулан ёолж эвхрэлдлээ.

-Хүүхэн шиг орилж чарлаад байхаар ингэдэг юм!

Найзууд нь хэрхэн нүдүүлэхийг харж зүрх нь үхсэн шар царайт дайрч ч зүрхлэхгүй, зугтаж ч чадахгүй алцагнаж байснаа халааснаасаа эвхдэг хутга гаргаад

-Битгий ойрт! Ойртвол ална шүү! гэж хөнгөлүүлж буй ямаа шиг чарлалаа. Болд

-Чи муу их сайндаа л чихний хэнгэрэг хагална биз. Чам шиг чацга хүн алж чадах уу? Наад мөлжүүрийн хутганаас чинь хэн айдаг юм бэ! гэж тавлаад шуудхан алхсаар энгэрээс нь заамдан хүүхдээ хашрааж байгаа ээж шиг хацрыг нь тасхийтэл алгадав. Алганы ормоор улаа бутарч, хамраас нь цус урсахад шар царайт хутгаа хаян “Ахаа байя аа, ах аа уучлаарай” гэж уйлагнав. Болд дахин алгадаж

-Энэ улс юу болж хувирсан нь надад ямар ч хамаагүй. Би тэр үед чинь энэ улсад байгаа ч үгүй гэвэл

-Та хаана байсан юм бэ? гэж дорой дуугаар асуулаа.

-Шоронд! Та нар шиг нусгай банди нарын ганц ч хонож чадахгүй тэр тамд хамаг залуу насаа өнгөрөөсөн юм! Тийм болохоор энэ хараал идсэн нийгмийн төлөө намайг битгий буруутга!

Болд шар царайтыг дахин алгадах гэснээ байдгаараа үрчийсэн өрөвдөлтэй царайг нь хараад дур гутан цааш түлхээд

-Эр хүн юм бол эр хүн шиг бай. Битгий эмс хүүхнүүд шиг шалчигнаад бай гэлээ. Тэгээд шалан дээр хэвтэх хутгыг авч халаасандаа хийгээд “Жаахан хүүхэд хутга хайчаар тоглох гэмтэй” гэхэд бармен

-Цагдаа дуудах уу? гэж асуув.

-Би тэдэнтэй орооцолдмооргүй байна. Харин та нар? гээд газар хэвтэх залуус руу харвал яаран толгойгоо сэгсэрцгээлээ. Boney M хамтлагийн дуу дахин цангинахад Болд нөгөө залууст “Бас нэмж хэлэхэд энэ бол хамаатны маань охин. Би сургуулиас нь авдаг юм!” гэж хэлээд утсаа аван

-Одоохон, би очиж байна гэвэл өөдөөс нь

-Ахаа надад туслаарай... Намайг... авраарай... гэж орилсноо утас нь тасарлаа.

-Байна уу? Байна уу???

Болд уушийн газраас сандран гараад машин руугаа гүйх зуураа утасныхаа байршил тогтоогчийг асаалаа. Охины утастай өөрийнхийгөө холбосон болохоор хаана байгааг нь мэдэх боломжтой. Зогсоол дээрх бор өнгийн субарудаа суугаад арын дугуйнаасаа цэнхэр утаа манартал хаазлан сургуулийн зүг давхилаа. Хоёр ч гэрлэн дохиог зөрчиж, нэг машиныг шүргэсэн ч хурдаа огтхон ч сааруулалгүй давхисаар төрөл бүрийн хийц загвартай, үргэлжилсэн урт гражуудын голд ирэн тоос манартал тоормослон зогсов. Байршил тогтоогч дээр охины байгаа газрыг энд гэж зааж байлаа. Болд машинаасаа бууж гражуудын завсар зайгаар шагайн “Хундан цагаанаа??” гэж орилон тэвдэн хайж гүйв. Тэр зуураа охины утас руу залгасаар. Гэтэл холгүйхэн утасны хонхны дуу сонсогдов. Дуу гарсан зүг рүү гүйж хүрвэл охины ягаан өнгөтэй утас газар хэвтэж байлаа. Болдын дотор харанхуйлан “Хундан цагаанаа???” гэж хэртхийн орилоход гражийн ард сүр сархийх чимээ гарлаа. Хоёр гражийн голоорх хогонд дарагдсан нарийхан зайгаар шурган орвол хэрээ шиг нэвсийсэн хар юм ум хумгүй зугтав. Харвал хар малгайтай цамц, хар өмдтэй нэг залуу өмдөө татсаар гүйж байна. Гражийн ард охин үхсэн юм шиг гулдайн хэвтэж байхыг харсан Болдын зүрх салгалж, өвдөг нь нугаларах шахаад “Хундан цагаанаа?” гэж хоолой чичрүүлэн шивнэлээ. Охины өмд өвдгөө хүртэл шувтарч, цамц нь дээш сөхөгджээ. Гүрээнийх нь судсан дээр салгалж чичирсэн гараараа дарж үзвэл цохилж байсанд хурдхан гадуур хувцсаа тайлж дээр нь нөмөргөөд зугтаж буй хүчирхийлэгчийн араас хорсол, хилэн бадарсан нүдээр харан “Муу адгийн новш, чамайг даа!” гэж шүд зуун заналаа. Тэгээд биедээ баймгүй их хурд, хүч гарган араас нь хөөлөө. Хэтэрхий холдсон залуу хүн гүйцэгдэх нь өнгөрчээ. Гэсэн ч Болд гүйсээр. Хүчирхийлэгчийн өөдөөс хоёр залуу ирж байгааг хараад “Наадахаа бариад аваарай” гэж хашхирахад нөгөө залуус замыг нь хаагаад, зууралдаад авлаа. Гүйцэх итгэл төрсөн Болд улам хурдан гүйв. Хүчирхийлэгч нөгөө залуусыг цохиж, өшиглөж унагаад цааш гүйсэн ч нэг машинд мөргүүлэн унав. Арай гэж гүйцсэн Болд үнэг шүүрч байгаа бүргэд шиг дал нуруун дээрээс нь зуураад нүүрийг нь зулгартал газар шаан дээрээс нь дарж хэвтлээ. Жолооч айж сандран машинаасаа бууж ирээд “Би буруугүй шүү, өөрөө хажуу талаас гүйж ирээд мөргүүлсэн” гэж яаран биеэ өмгөөлөхөд байдгаараа амьсгаадсан Болд

-Санаа зоволтгүй ээ. Чиний буруу биш гэдгийг би мэднэ. Харин чи энийг миний машин руу хүргэхэд туслаач? гэв. Адгийн зарга арав хоног гэгчээр бөөн явдал чирэгдэл болох нь гэж айж байсан жолооч дуртайяа зөвшөөрлөө.

Гражуудын дунд тавьсан машин дээр ирээд Болд нөгөө залууг арын суудлаас чирэн буулгахад жолооч

-Нээрээ зүгээр юм уу? гэж хаширлав.

-Зүгээрээ, яв яв. Хэн ч гомдол гаргахгүй гэхэд жолооч ухаангүй хэвтэх залуу руу харан

-Энэ ямар хэрэг хийсэн хүн юм бэ? гэж хэрэгт дурлалаа.

-Хайртай хундан цагаан хурганы минь нүдийг сохолсон юм!

Юу ч ойлгоогүй жолооч түүн рүү гайхан харснаа “за за” гээд дахиж элдвийг асуулгүй явж одлоо. Болд машиныхаа тээшний савыг нээгээд нөгөө залуугийн мөрнөөс зууран чирэхэд гэнэт нүдээ нээн нүүр рүү нь цохив. Новш чинь, ухаан алдсан дүр эсгэн тохиромжтой цагийг хүлээж байжээ. Хэвтэж байгаад цохисон болохоор цохилт нь сүртэй чанга байсангүй. Болд “муу хүний оронцог, чамайг даа” гэж занаад нүүр рүү нь хэдэн удаа дэлсэхэд хамар нь цааш чихэгдэж цус нь садран урслаа. Сүүлийн цохилт эрүүнд нь тусч ухаан алдахад нь чирж тээшиндээ чихээд хаалгыг нь түгжив. Тэгээд охин руугаа яарлаа. Ухаан орсон охин уйлаад сууж байснаа Болдыг хараад улам ихээр цурхиран уйлж “Ах аа” гэсээр хүзүүгээр нь тэврэхэд нь “Тайвшир даа хундан цагаан минь. Ах нь хүрээд ирлээ. Бүх зүйл сайхан болно” гэж намуухан дуугаар аргадаад эмзэг зүйл барьж яваа мэт болгоомжтой тэврэн машин руугаа явлаа.

Хэсэг

Цагдаагийн газрын үүдэнд зогсоод Болд мэгшүүлэн уйлсаар буй охин руу харлаа. Үс нь сэгсийж, нүүр нь нулимсандаа халтардаад, хамаг хувцас нь үрчийсэн бяцхан охин хэмхэрхий тоглоом шиг болжээ. Ийм болгосон бузар хүчирхийлэгчийг хатуу шийтгэх хэрэгтэй. Хэрэв хууль, шүүхээр шийдүүлнэ гэвэл хэрэг нь сунжирч сүүлдээ замхраад, хэдхэн төгрөгөөр торгуулсан болоод суллагдана. Шударга шүүлээ ч хэдхэн жилийн ял авч тэр нь тэнсэн болж хувирах биз.

Болд машинаа асаан цагдаагийн газраас холдон давхилаа. Нэлээд явсны эцэст хотоос зайдуу, уулын мухарт хүрч ирээд машинаа зогсоон эргэн ойрноо хянуур нягталбал ойр хавьд хүн байтугай амьтан ч харагдсангүй. Машиныхаа тээшийг онгойлгоход нөгөө залуу өөдөөс нь ухасхийв. Ингэнэ гэдгийг таамаглаад жаахан зайтай зогсож байсан тул залуу урагш годройтон уналаа. Болд түүний нуруун дээр дэвсэлж газарт хэвтүүлээд гарыг нь ард нь хүлэхэд

-Муу новшоо чи хэн юм бэ? Надаар яах гээд байгаа юм бэ? гэж шүлсээ үсчүүлэн орилов. Тэрний орилооноос айсан охин өвдгөө тэврэн арагш цахалж, хаалганд наалдлаа. Болд түүнийг эмнэлэгт хүргэсэнгүй, гэртээ ч үлдээсэнгүй, зориуд дагуулан иржээ. Болд залууг дээш нь харуулж хэвтүүлээд

-Чи муу хүний сүг, адгийн новш! Хийсэн хэргийнхээ хариуг хүртэнэ дээ! гэж занахад

-Би яасан юм бэ? Би ямар ч гэмгүй шүү дээ гэж сөөнгөтсөн хоолойгоор ээрэв.

-Гэмгүй гэнээ? Муу зулбасга чи муу юу хийснээ мэдэж байна уу? Энэ охины ирээдүйг үгүй хийснээ ойлгохгүй байна уу муу адгуус!

Хүч мөхсийн өмнө арслан шиг авирладаг ч хүчтэний өмнө хав шиг гөлөлзсөн залуу өрөвдөлтэй царайлан

-Та хүн андуураад байна. Би зүгээр л гүйж явсан. Араас хөөгөөд байхаар чинь айсандаа зугтсан юм гэж матрын нулимс унагахад Болд машиныхаа хаалгыг онгойлгоод

-Чамайг гомдоосон хүн энэ мөн үү? гэж охиноос асуувал айсандаа толгой нь бөнжигнөн “тийм” гэв. Булзах аргагүй баригдсандаа бантсан залуугийн нүд зэвүүнээр гялалзан

-Юун сүртэй юм бэ, углах гэж байсан болохоос биш ухаад авах гээгүй! Охин болгон хүүхэн болдог биз дээ. Тэгээд ч наадах чинь 14 хүрсэн харагдаж байна гэж доромжиллоо. Болд шүдээ тас зуун уураа арай ядан тэвчиж

-Чам шиг хүчирхийлэгчийг шоронд яадгийг чи мэдэх үү? гэхэд тоосон шинжгүй

-Тэгээд тэр шорондоо хийгээч дээ! Нас байна, цус байна. Юунаас ч айхгүй! гээд нулимахад шүлс нь энгэр дээр нь унав.

-Хөгшин дагз минь, намайг хэн гэдгийг мэдэх үү? Би бол мафийн гишүүн. Надад гар хүрэх юм бол манай бүлгийнхэн чамайг болон чиний гэр бүлийнхэнийг хүйс тэмтэрнэ. Чиний наад охин чинь янханы газрын хамгийн хямдхан бараа болно гэж мэдээрэй!

Охин айсандаа туулайн бөжин шиг бөмбөлзтөл чичрэв. Харин Болд сүрдүүлгийг тоосон шинжгүй мушилзаж

-Бас юун мафи зафи бэ? Тэглээ гээд чамаас айна гэж бодоо юу? гэж тохуурхаад халааснаасаа хутга гаргаж ирэв. Хутганы хурц ирэн дээр нарны гэрэл ойн нүдийг нь гялбуулахад залуу айсандаа нүд нь бүлтэгнэсэн ч

-Хүн алах хуультай шүү. Үлдсэн насаа нарсанд өнгөрөөх гээ юу? гэж дүрэмдлээ.

-Халхын шоронг гүйцээж, хамаг насаа нарсанд өнгөрөөсөн хар цэрэг намайг хуулиар айлгана гэнээ ха ха ха. Хөгшин хонины насгүй болсон хүн хаана ч үхсэн яадаг юм бэ!

Болд хутганы ирийг хурууныхаа өндгөөр шалгаснаа өмднийх нь салтааг зүсч эрхтэнг нь ил гаргавал залуу айсандаа нүд нь бүлтрэх шахам томорч

-Ах аа... ахаа та... яах гэж байгаа юм бэ? гэж ээрэв.

-Дахиж хэнийг ч бузарлахгүй болгох гэж байна!

Болд аманд нь өрөөсөн оймсыг нь чихэн “хүчиндүүлэх ямар байдгийг өөрийнхөө биеэр мэдэр” гээд хурц хутганы ганц зүсэлтээр хоёр төмсгийг тайрч хаяхад гаж донтон хийсэн хэргийнхээ үйлийг эдлэн аймшигтай чангаар орилж тарчиллаа. Охин нүдээ тас аниж, чихээ таглав.

-Хулгайчийн гарыг тайрч, хүчирхийлэгчийн төмсгийг тасддаг хуультай байсан бол та нар шиг новшнууд цөөрөх байсан юм!

Өөрөөсөө хүч чадлаар илүү хүний эрхшээл дор, орильё гэвч ам нь таглаатай, хөдлөе гэсэн ч хүлээтэй хэвтэх залуу хүчиндүүлэх ямар байдгийг биеэрээ мэдэрч уухилан тийчилнэ. Болд дараагийн цээрлүүлэлтийг охинд харуулахгүй гэсэндээ машиныхаа хаалгыг хаагаад

-Чам шиг хүний оронцог төмсөггүй ч гэсэн амьдраад байх биз. Тэгж ч дураар чинь дургиулахгүй дээ гээд хоёр нүдийг нь ухаж аваад хажуу тийшээ хаян

-Угладаг юм чамд байхгүй болохоор ухаад авлаа шүү гэж тавлаад машиндаа суун хотын зүг давхиж одлоо. Нүдээ ухуулж, төмсгөө тайруулсан гаж донтон асар их өвдөлтөө тэвчилгүй ухаан алдав.