Эмэгтэй хүн болж заяагдсан хүн бүр өөрийн төрөлх эмэгтэй энергиэ сэрээснээр амьдралын алхам тутамд нь гайхамшиг тохиож эхэлнэ. Учир нь байгалийн хуулийг зөрчилгүй, мөн чанар, төрөлх өгөгдлөө хүлээн авсан цагаас эхлэн та, таны амьдрал орвонгоороо өөрчлөгдөх болно. Та уян зөөлөн байж, тойрон хүрээлэх бүхнээ хайрлан энэрснийхээ төлөө өөрөө хайраар дүүрч, хайранд бүүвэйлэгдэн амьдрах болно. Та эрэгтэй хүмүүсийн орон зай, хүч чадлыг хүлээн зөвшөөрч, тэднийг хүндэлснийхээ хариуд та өөрөө ч эмэгтэйлэг оршиж, хүндлэгдэх боломжтой. Өөрийгөө өдөр бүр тордон хайрласнаар дотоод болон гадаад байдлаараа гэрэлтэн цацрах болно.

Даашинз өмсөж, уруулаа будаад л эмэгтэйлэг болчихгүй. Эмэгтэй энерги гэдэг бол хандлага, харилцаа, харизм гээд энэ бүхэнд шингэх учиртай тийм л зүйл. Эмэгтэй энерги бол амьд зүйл. Сэтгэл зүрх, зан хандлагад гүн шингэж, эргэн тойрон нэвт сэнгэнэдэг тийм зүйл. Эмэгтэйлэг байдал гэдэг нь эмэгтэй хүн өөрөө өөрийгөө бүхий л эд эсээрээ мэдэрдэг тийм л зүйл. Энергийн түвшинд мэдрэгддэг тийм зүйл. Гормоны түвшинд өөрчлөгддөг тийм зүйлийн тухай бид ярьж байна.

Эмэгтэй энергиэ сэргээснээр таны амьдралд маш олон өөрчлөлт гарна гэдгийг би амлаж чадна. Гагцхүү та мэдсэн зүйлсээ амьдралд хэрэгжүүлэх хэрэгтэй. Та өмнөхөөсөө илүү өөртөө хайртай, өөртөө итгэлтэй, өөртөө арчаатай, мэдрэмж өндөртэй, сайхан сэтгэлтэй нэгэн болж хувирах болно. Таны энергийн үелзээн өсөн нэмэгдэх нь таны амьдралд эд баялаг, мөнгө, сайхан харилцаа, найз нөхөд, карьер гээд бүхнийг соронз мэт татах нь зайлшгүй зүйл. Товчхондоо, эмэгтэй энерги бол гайхамшиг.