Соёлын гавьяат зүтгэлтэн, орчуулагч Го.Акимын орчуулсан Шашдирын чуулган бүтээлийг 2021 онд дахин хэвлэв.

Рашид ад-Дин нь Монголын Ил хаадад зориулан зохиосон албан ёсны түүх болох “Жамиг Ат-Тауарих” хэмээх гайхамшигт бүтээлээрээ алдаршсан. Рашид ад-Дин Фазлуллах ибн Абу-ль-Хайр Али Хамадани (1247-1318) Персийн төрийн зүтгэлтэн, эмч, эрдэмтэн; Ил хаант улсын шадар сайд. Абаха хааны үед төрийн ажилд орж, Махмуд Газан хааны үед эдийн засгийн асуудал эрхэлсэн тэргүүлэх түшмэл байсан хүн юм.

Энэхүү үнэ цэнтэй бүтээлийг баринтагласнаар Монгол түмэндээ түүхээ сурвалжлан унших, Монгол хэмээх агуу улсыг хөрстөд мөнхөд бүтээж ирсэн өвөг дээдсээрээ бахархан омогшиж, удам угсаа, өв соёл, түүх шашдираа ухварлан ойлгож мэдлэг оюуны их таашаал эдлүүлэхэд чухал байр эзэлнэ гэж найдаж байна.