Үг гэдэг тодорхой орон зайд тодорхой эрчим хүч агуулдаг шигээ тодорхой зайд урваж, тодорхой орон зайнаас дайжиж, тэр утгаараа цаг хугацаагаар тохуурхаж чаддаг ертөнцөд буй нэн увидаст цорын ганц хүчин мөн. Үг нууц байж, тайлагдашгүй байж чадвал тэр үг мөн. Үг өөрөө бүх юм. Тэрээр зохиогч номоо сэвэлзэх төдий салхи, нижигнэсэн аадар бороо, үүлэнд хурсан аянга, хүчирхэг тэнгисийн давалгаа, хаврын өвс ногоо, бас эсрэг санаа, харанхуйн гүн, нууцын томъёо, үгийн увидас, тэнгэрийн сахиус, үхлийн тайтгарал хэмээн томъёолсон байсан.