Гэрлэлт минь асуудлаар дүүрэн, зовлонгоор арвин. Яг аль нь үнэн, зөв гэдгийг одоо ч ухаараагүй. Залуухан хосын эрүүл бус харилцаа, энэ гэрт юу ч үнэн биш гэдгийг хожуухан анзаарч дээ. Сул дорой, гэнэн итгэмтгийн ул мөрийг арчиж, цэвэрлэж дуусах сан. Өөрөө унаж үзсэн хүн бусдад босоход нь тусалж чаддаг юм. Ямар нэгэн юманд хөөгдсөн мэт яаран бичээд л байлаа, бичээд л байна. Ганц ч болов эмэгтэй, нэг цагийн өмнө ч болов үүнийг уншаад "Хүчирхийлэл дунд гутарч гуньж байхдаа сайн сайхан зүйлийн талаар бодож, өөрийгөө өрөвдөхийн оронд зориглож, өөртөө итгэж болдог юм байна" гэдгийг мэдэж аваасай.